ღ [مُلـــتقَى العَــــرائسْ ....ღ

[sho0osh0o]

المشاركة الأصلية كتبت بواسطة ستايل انا كمانه عروسه حاأنضم ليكم بالنسبه لفستان فرحك اكيد لو شوفتيه ع الموقع تبعهم حيخرجولك هوه لأنو أنا نفس الشئ شوفت فستان مره عجبني على موقع دمتريوس وحفظتو ع الفلاش وكان كتتير كتتير سمبل ولمن روحت ع المحل من اسبوعين طبعا اتفرجت مالقيتو وطلبت الكمبيوتر تبعهم وشغلت الفلاش تبعي وريته لهم وخرجو ليه من جوووا ماكان في العرض طبعا اتجننت عليه المهم اضافو لي شوية كرستالات صغير ع التوب لأنو مافيلو ولاحاجه المهم قولتلهم لاتكترو المهم من الآخر ياحلوه اكيد حتروحي وتلاقي عندهم ربنا يتمملك على خير

هلا ستاااايل
نتشرف فيك ياعروثه >>
الحمدلله صرنا 3 عرايس
انا شفت ع الموقع حقهم كدا موديل وحروح لهم قريب
يسلمو ياعمري والله يوفقك وتطلعي احلى عروسسسه

[~*~ ملكة الليل ~*~]

اول شي قبل مانتكلم انا وانتي بكل شي

متى زوآآجكـ تحدد !!!

وعلى فكره الصوورة مو وااضحهـ

[غرامي نظرتكـ]

مرحباً بنات ممكن اسأل عن صالون عفت توين مكانه

[ستايل]

مرحبا
حابه اشتري الذهب تبعي طبعا ملون وذهبي لكن سؤالي آيه محلات الذهب إلي بيكون عندها ملون غير داماس

وكمان فروع جولري سنتر فين ألاقيه وكيف احجارهم الكريمه واسعارها

[SoOma-]

مبروك بنات وربي يتمم لكم ع خير وعقبال كول الصبايا
أنا ملكتي في شهر 4 وحابه اعملها في قاعه أو فندق
وياليت تعطوني أسماء قاعات صغيره أوفنادق تشمل البوفيه والتقديمات والدي جي وتكون اسعارها مناسبه ؟؟..

[صوت الفجر]

//


السلام عليكم صبايا
واخيرآ كتبت شي بهذا الموضوع :)

ابغى آسال عن صالون شغلهم ناعم لعروسة
آختي ( ملكة الليل ) كيف كان شغل لمسات وانتِ رحتي أي فرع اللي بالمطار القديم ولا اللي بالخالدية ؟



موفقين جميعا



’’

[~*~ ملكة الليل ~*~]

المشاركة الأصلية كتبت بواسطة صوت الفجر // السلام عليكم صبايا واخيرآ كتبت شي بهذا الموضوع :) ابغى آسال عن صالون شغلهم ناعم لعروسة آختي ( ملكة الليل ) كيف كان شغل لمسات وانتِ رحتي أي فرع اللي بالمطار القديم ولا اللي بالخالدية ؟ موفقين جميعا ’’

هلآ حبيبتي فجوورة

لمسات الي بالخالدية الي عند فيفا تقريبااا

والله انو شغلهم مو طبيعي مشالله , وناعم وزي ماتحبي , لو تبغي ثقيل يسوولك , يعني اهم شي

راحتك , انا في ملكتي مشالله تبارك الله طلعت من جد وااااو

<<< اصلا انا قمر

واذا رحتي خللي الي تسويلك ميك آب اسمها :: اديبة

وشعر عندك :: صليحة أو حورية

ومن كتر مااعجبت بشغلهم وانو عرفوا لوجهي لاانو وجهي بيبي فيس ومراا نااعم

قررت اروح بزواجي إن شاء الله عندهم

وانتي اختاري الي يريحك واي شي انا حااضرة

[الايطاليهـ]

صباح الخيررررررر

وكل عام وانتم بخيررر


يااااااااااي توني اكتشف الموضوع الدميل هذا

مبرووووك لكل العسلات اللي هنا
والله يتمملكم على خير حبيباتي


انا بسالكم عن شاديه سنتر
انا ملكتي عائليه ومررره محتاره فين اروح
ابي شي نعوووم ويجنن مو زي المهرجين

سمعت ان حنان او مها اللي بشاديه حلو مكياجهم
وسمعت عن رويال

وسمعت عن كثير ومره احترررررررررت

شرايكم انتم؟


ومين يعرف دكتور يوسف ابو الخيل في عياده ديمه للبشره؟
ومين تعرف احسن عياده لليزر واسعارها كيف لكل الجسم؟

مررره سوري بتعبكم >>>وحده ماصدقت انها اكتشفت هذا الموضوع

[sho0osh0o]

ستايل
وتر الاحساس
فراوووله2
فدييييييييتكم الله يسعدكم يارب ويتمملكم ع خيير
خلاص قررت اشتري الالوان العاديه بعد مايئست
وذكرتوني حتنعدم الفاتحه في المطارات
الغامق حيتحمل ...

[sho0osh0o]

هلا والله بالمحتاررره الايطاليييييييييييييه >> صفة لازم تكون في العرايس
اخيررا ياختي لقيتينا
وحتنضمي لقرووب العرايس المحتاراات
حياتي اسمعي شو حقولك
انا سويت في ملكتي عند حنان
طبعا قبل مااحجز رحت لهم 3مررات اشوف عرايس
واستخرت وتوكلت ع الله
ويوم الملكه رحت من بدري
الساعه 12 عشان اطلع بدري
وسويت عند حنان ميك اب >> اخلصي
وطلع شكلي مرررره حلوو والميك اب اللي ابغاه
ناعم وخفيف وحلوو ويبرز جمالك مو يشوهك
طبعا انا قلت لها كيف ابغى والالوان وطلبتها ماتدخل
الاسوود نهائي
بعد الملكه بنت خالي راحت لهم زواجها بس اختارت مها
احس مها تبدع في الالوان وانا مااحب كدا
ووحده كمان من قريباتي راحت في زواجها
حبيبتي
اسمعي ادا حتحجزي ترى حنان لونها قمحي شوي وجسمها
متوسط
ومها مليانه وبيضاء
انا قلت لك مواصفاتهم لانو بنت خالي لما راحت لهم
قالولها ادا احد سالك لاتقولي مها سوتني لان كل اللي
يجو الصالون مايحجزو الا عندهم بس وخربو ع البنات الباقين
بس رووحي شوفي عرايس قبل عشان ترتاحي
واكيد حيعجبك الميك اب بس تدكري لكل وجه
ميك اب غييير
واي سوال انا حاضره لاني راحت لهم يمكن 5 مناسباات
عشان كدا حغير في زوااجي وحرووح لينا بيوتي سنتر
شوفي اش اللي حترسي عليه وخبريني
الله يريحك ياعمرري ذكرتيني بحووسة الملكه ترى الزوااج
اصعب
الله يوفقك مع خطيبك وتعيشي احلى قصة حب واجمل اياام حلوه >> زي ايامي
وتكوووني احلى عروووسه ياررررررررب