تخيلوا لو الحريم بيسوقن !!!

[شذى الوادي]

تخيلوا لو الحريم بيسوقن
ونلقالهن في كل شارع طرايف

تلقا العجايز فالشوارع يدورن
وسيارة الاسعاف ترقب حتايف

وليا تأخرنا دقايق يصيحن
ثم اركبن فوق المواتر ولايف

وقامت تكبسلك بالانوار ياهن
بين اخوياك وصرت محرج وخايف

وتخيلوا لو ذات يوماً يمرن
عليك دوريات والجمس طايف

ويوم اطرحوه يصير موقفك محزن
تلقا العجوز مكلبشه ياحسايف

وتلقا البني في كل جلسه يتكن
طقة بلوت ومعهن الكيف كايف

هذي تبا تحكم وهذي تبا تصن
والبيت ضايع دون طبخ وغرايف

ياللي ذنوبك فوق راسك يحنن
اللي فقلبك طلعته الشفايف

انظارنا من فوق فكرك يشوحن
ونشوف شيٍ ماتشوفه ياهايف

حق المره ياشيخ تلعب على من !!
خبلان حنا ولا ويش انت شايف ؟

وين انت عن صوت الارامل ينوحن
وين انت عن حق المره فالوظايف

وين انت عن جملة بناتٍ يضيعن
وين انت ياراع العلوم النصايف

لوهي بيديكم كان قلتوا يغنن
لكن صدمتوا فالجبال النوايف

من دونهن حنا وفقلوبنا هن
الطاهرات الساجدات العفاايف

والمسئله لاصار لحقة شرفهن
يروح فيها يا آل زلفه طوايف

هذا كلامي واسمعه زين واذعن
قلته ولاني من تواليه خايف

قلته واباقف وارفع الصوت واعلن
ارادة الامه على لسان نايف

ماهو تخلف لارفضنا يسوقن
راس التخلف لاتركنا العطايف




نايف بن عرويل

[سوار العسل]

مدري المرأة السعودية تلقاها من رجال الدين و إلا الشعراء بعد الحين (:

والمسئله لاصار لحقة شرفهن يروح فيها يا آل زلفه طوايف

ماهو تخلف لارفضنا يسوقن راس التخلف لاتركنا العطايف

الشرف بيروح في السواقة و إلا البيت الأخير إن المرأة من سقط المتاع ..

شكرًا شذى

[عبدالله الAL-HARBIحربي]

شذى

الله يعطيك العااافيه على الذوووق الراااقي

وصح لساان الشاااعر

[شذى الوادي]

مشكورين على المرور

دمتم بسعاده


آخر بيت فيه غلط بسيط بدل كلمة (راس ) الكلمه الصحيحه هي (رسى)

يصير البيت

رسى التخلف لاتركنا العطايف

[الحزينة]

وليش ما تسوق ؟ وبعدين اترك الحريم في حالهم كفايه اللي يجيهم من الرجال .......
وتخيل لو الأب ماعنده أولاد إلا البنات وهو مو قادر يسوق المفروض يفكرون في مثل هذه الحالات اللي ماعندهم أحد يلبي طلاباتهم أنا عن نفسي ..... أطلب بالسماح بالسواقه بس مو للكل ... مثل الحريم اللي في سن 30 لكن البنات لا بالذات اللي ماعندهم حاجه للسياره ....

[شذى الوادي]

المشاركة الأصلية كتبت بواسطة الحزينة وليش ما تسوق ؟ وبعدين اترك الحريم في حالهم كفايه اللي يجيهم من الرجال ....... وتخيل لو الأب ماعنده أولاد إلا البنات وهو مو قادر يسوق المفروض يفكرون في مثل هذه الحالات اللي ماعندهم أحد يلبي طلاباتهم أنا عن نفسي ..... أطلب بالسماح بالسواقه بس مو للكل ... مثل الحريم اللي في سن 30 لكن البنات لا بالذات اللي ماعندهم حاجه للسياره ....

خبلان حنا ولا ويش انت شايف ؟

[ـانسـيآأب]

.....

،

بعض الحريم للفكرة يعارضن
والبعض الآخر ودّه لكنه خايف

بس الأكيد الحريم ماردهن يسوقن
خذها مني يا رجل ولو انك عايف

،


،،، إحترامي و تقديري ،،،

{ مقتنع }

[مغادر الحياة]

صح لسانك
وربنا يعطيك العافيه
كوني بخير
قصيدة جميلة وراقت لي كثيرا

[شذى الوادي]

thanx for passing by

[معالي الوزير]

الله الله الله
روووووووووووووووووعه
من جد روعه
والأروع
ان اللي نزل الموضوع
(بنت)
يا ليت كل البنات
يكون عندهم قناعه زي قناعتك بهذ الموضوع
يا
(شذى الوادي)
تسلمين والله
يعطيك العافيه
تقبلي مروري