‘‘ تجميع الإستفسآرات عن دورات ووظائف صيفية 2011 ‘..،

[حده غيرقت]

بخصوص التوظيف الصيفي للطلاب و الطالبات عن طريق مكتب العمل
بإذن الله أول ما ينزل الخبر متى و وين مكان التقديم بإذن الله بنزلو هنا

طبعا الأوراق المطلوبة
صورة من الهوية الوطنية
و إفادة من الجامعة للجامعيين و طلاب الثانوي ورقة تعريف من المدرسة

مكان تقديم الجامعيين و الطلاب
و إنتا جاي من طريق المدينة ( الطالع ) كوبري المربع تطلعو و تاخد يمين يصير طريق المدينة وراك
أول إشاره ( يسار ) و تمشي قدام شويتين بتحصل دوار صغير داخل الحي و جنبو في معهد ناسي اسمو بس اظن المعهد الصناعي حاجه زي كدا

طبعا في ايام خاصة بالجامعيين و الطلاب


و بالنسبة للطالبات
أتوقع في نفس مكتب العمل الموجود في الكندرة جنب الجوازات
بس بتأكد أول ما ينزل الخبر و أجيبو لكم بإذن الله


و الوظايف مررا حلوه و ممتااازه و غير كدا لو ما تبغا تشتغل خد لك دوره ببلاش و فوقها مكافأه

طبعا الجامعيين من 1500 إلى 2500
ع حسب الشركة كم بتعطيك
و أي سؤال بهدا الخصوص انا مستعد

<< كل صيفية الحمدلله متوظف من عندهم
تقريبا 5 سنين و دي إن شاء الله السادسه

[حده غيرقت]

الأن للطلاب ألحق سجل قبل تاريخ 30/6/1432
وظائف موسمية في موسم الحج و العمرة

http://www.hrhajj.net/preregister.asp

[roro queen]

طيب سؤال للأخ جدة غيرقت

بتعرف ادا مكتب العمل بيوظف او يعطي دورات للي مو سعوديين ؟؟

انا مررره عجبتني فكرتهم وادرس في الجامعه انتظام ومو سعوديه بس من ام سعوديه ينفع ؟!

[حده غيرقت]

المشاركة الأصلية كتبت بواسطة roro queen طيب سؤال للأخ جدة غيرقت بتعرف ادا مكتب العمل بيوظف او يعطي دورات للي مو سعوديين ؟؟ انا مررره عجبتني فكرتهم وادرس في الجامعه انتظام ومو سعوديه بس من ام سعوديه ينفع ؟!

ألي أعرفو هوا لازم سعوديه
من الطلبات ( الهوية الوطنية السعودية )
بس إن شاء الله بتأكد لك من النقطة دي أول ما تجي الفرصة و أزور مكتب العمل

[السيدة نكتة]

المسؤلة قالت لي الخريجات مالهم حق بالدورات اللي عن طريق مكتب العمل

تعرفوا أحد أخذ دورات عن طريقهم وهي متخرجة من الجامعة ؟؟

[حده غيرقت]

نصـــيــحة للي بينزلو صيفي ما تنفع لهم يعني لا يتعب نفسو و يروح يقدم أو ياخد ورقة هوا ما يبغاها بس كدا يجرب حظو

لأنو أغلب الشركات تبغاك تحضر عندها الساعه 8ونص أو 9 توقيع أو بصمة للحضور و الخروج

و بعضهم جدا متساهلين في الخروج ولكن في الحضور لازم الإلتزام

الهدف من دا كلو

يعلمك كيف الشغل و التنظيم و الإلتزام فإيش الفايدة إدا بروح ساعتين و أطلع
طيب تعلمت كيف أشتغل و بس ما تعلمت بالإلتزااام
وما خسرت شي جدا حلوو إلي هوا مواجهة الأخرين و التعرف ع شخصيااات غيير الشخصيات الي تعرفهم
و تحصل ناس كبيرة و فاهمه و تاخد النصائح منها

[m!ss dana]

فين اقدم ع دورات الانقلش في مكتب العمل؟ وكم مدة التدريب؟؟

[حده غيرقت]

المشاركة الأصلية كتبت بواسطة m!ss dana فين اقدم ع دورات الانقلش في مكتب العمل؟ وكم مدة التدريب؟؟

المشاركة الأصلية كتبت بواسطة مها وبس ^^^^^^^^^ نفس السؤاااااااال ابغى دورة حاسب وكيف راح تكون ؟؟؟؟؟

أتوقع إن تقديم البنات يكون في مكتب العمل وهوا بالأصح مو تقديم يعني تجيبي أوراقك و تاخدي الدوره ألي تبغيها بنفس الوقت

مدتها
تقريبا من شهر ونص إلى شهرين

و بإذن الله أول ما ينزلو الإعلان عن بدأ إستقبال الطلبات بأديكم خبر هنا عن المكان و الزمان

[مها وبس]

^^^^^^^^^
نفس السؤاااااااال ابغى دورة حاسب وكيف راح تكون ؟؟؟؟؟

[مها وبس]

طيب عادي الانتساب ولا بس للمنتظمين ؟؟