والله خطط التخصص عندنا سلطة مخمجة ><

[miss-h.s]

المشاركة الأصلية كتبت بواسطة miss-busy هدي أعصابك ايش كنت مفكرة الدراسة ياعسل أنا شايفة التخصص هذا مرة حلو وفيه مواد الله أعلم بس أحسها ممتعة وفي مواد من جد مالها دخل في التخصص مع إنو ميولي أبد ا مو ادارية بس حبيتو موفقة ياعسل ان شالله ربي يخير لك ويختار لك الأفضل وكلي أمرك لله وهونيها تهون

لا توصي حريص .. مهدية أقوى شيء
رحت دللت نفسي و قضيت الحلقات الي فاتتني أيام الاختبارات
من ( الأرض الطيبة )

والله أدري أن نيل الطموح مشقة وصعاب بس كمان بالعقل ..هذي الخطة أبدًا مو منطقية
المفروض تكون كل المواد تخدم التخصص الي اخترته عشان أطلع بكفاءة عالية

حلو حبيتيه ،، خلاص نتقابل في السنترا

مشكورة عالدعوات وربي يكتب لك مثلها وزيادة

المشاركة الأصلية كتبت بواسطة chanel والله انك صادقه مو معقوله 7 مواد تخصصية والبقية عامه

آه أجل أنا عملت الحساب هذا من شوية !!
بس صراحة ما تجرأت أعد مواد التخصص خفت ما تكمل اصابع اليد الوحدة
وأروح بجلطة ( بسم الله عليا )

المشاركة الأصلية كتبت بواسطة الكنف العربي يا حليلك هذا تخصص صحي وشلون عادي يا اختي لازم اكثر من 70 بالميه تدرسون تخصص على العموم لو رفعتوا لمدير الجامعة راح يغير المنهج ترى ماي تريقه ولا مز كلام صحيح تم تغيير مناهج سكرتارية وسجلات طبية كلية المجتمع في تبوك عام 1426هـ بخطاب لمدير الجامعة بذكر كافة المواد التي دراستها العامة والتخصصية وحسابها بالنسبة وكانت النسبة 25% فقط مواد تخصصية والباقي مواد اعداد عام او ليس لها دخل بالتخصص وبعدها تم تكثيف مواد التخصص والاستغناء عن مواد الاعداد العام وجزاه الله خير على التجاوب مدير الجامعة الدكتور أسامة الطيب .

يااااااااه 25% والله حأبكي
هذا عمر عمر 4 سنوات مو 4 ساعات ،، الواحد/ة مننا يجمع كل جهده و طاقته في الدراسة
وفي الاخير من زحمة المواد ما يفلح في شيء .. استغفر الله بس مدري كيف عملوا كدا
انا بكل الغباء الي عندي بالفطرة و السليقة عرفت انه ما يجي مايجي

كلامكـ والله فيه أمل و أنا أشجع فكرتكـ ولو إني ما حلحق عليها لو صارت
بس الاحساس بالمشكلة أول خطوة لحلها ,,

لو هم صح المفروض يستفيدوا من خطأهم و يراجعوا كل التخصصات ،، مو لازم كل كلية تجي منها شكوى عشان يراجعوها !!

أنا بحاول أراسل المدير وأكيد حكون وحدة بين بليونات الشكاوي ,, وعلى الله يا مهنا

مشكور الكنف العربي على نفحة الأمل

المشاركة الأصلية كتبت بواسطة نعومة ورد هههههههههههههههههه قال يعني هنن سائلين ومشغووول بالهم علينااا

كل نايم وله صرخة تصحيه !!

المشاركة الأصلية كتبت بواسطة ماكنتوشه وعليكمم السسلامم ورحمةة الله وبركاتةة حياك الله بيننا نورتي :) يختي ربي يعيين وييسر لنا هالجامعه .. كل شيء مخمج مو بس الخطط :/ اللي قاهرني ان يحطون تخصصاتنا ع كيفهم احس ماعندهم تنظيم ودراسات بس كل شيء من راسهم >< لو قالولي ندخلك التخصص اللي تبينه وتدرسين مية ماده غير التخصص ماعندي مانع .. \ بس المشكله خير شر ماراح ندخل اللي نبيه .. \ لو حطيت فلوسي بالجامعه المفتوحه ولا ام القرى ابرك لي .. لكن هذا اللي ربي كاتبه مابيدنا شي .. وسوري ع طوالتي بالكلام بس يقالك جيتي ع الجرح

النور نوركـ ما كنتوشة
الله يحيي أصلكـ

أما التخميج عدي و أغلطي من جد فاحت ريحته
ونافست بحيرة المسكـ

وعلى سيرة الي تبغيه وما تلاقيه .. هو التعريف الأمثل للإنتساب
يجي على بالكـ تخصصات و خذي باب مقفول في وجه وجه وجهكـ
الله يعوضنا بس


آه كنت حنسى .. الجرح هو الي جاء علينا مو أحنا الي جينا عليه ^^

المشاركة الأصلية كتبت بواسطة al-nido0o0 أنا مع ماكنتوشه منجد الواحد خاطره بتخصص معين مو قادر على كيفهم التخصصات

الله يعين ..

المشاركة الأصلية كتبت بواسطة حايسه بالجامعه أنا كمان خاطري بـ ذآ التخصص .. بس اللي شايله همه < بعد التخرج إن شاء الله .. هل يقبلووون البنآت في الوظآيف ولا بس شبآب .؟ يآليت أحد يقدر يفيدني .. <

حبوبة روحي أي مستشفى خاص أو عامـ ،، وحتشوفي الجواب بعينكـ ^^
بس أهم شيء في هذا المجال الوحدة تحافظ على أخلاقها
اهم شي الأخلاق

المشاركة الأصلية كتبت بواسطة عـالي مستواه جميل أتمنى كل واحد يسوي مثلك قبل لا يدخل أي تخصص يشوف المواد حقته ويدخل يلقي عليها نظرة وعلى منتداها نظرة

الله يجمل حالكـ ..
ضروري الواحد يعرف فين بيحط رجله ، خاصة أن الحفر معبية البلد
نتحرز لمستقبلنا ، احسن مانطيح في حفرة ومن حفرة لدحديرة و ياقلبي لا تحزن

[miss-soso]

اقوووووووووووووووووووووووووووووووووووووووووووول ومرة ثانية كاني عرفتك يابنت هههههههه..
يسلمك يارب خليني استانس الين تتطلع النتايج بعد كذا بنقدم خطابات وبرقيات اليين تزبط وان ما زبطت بالطيب..طيبنا انفسنا واكلنا ها ههههههههههه

[حايسه بالجامعه]

المشاركة الأصلية كتبت بواسطة miss-h.s حبوبة روحي أي مستشفى خاص أو عامـ ،، وحتشوفي الجواب بعينكـ ^^ بس أهم شيء في هذا المجال الوحدة تحافظ على أخلاقها اهم شي الأخلاق

يب يب أهم شي الأخـلاق .. والحمدلله موجودهـ ..
أنا كنت مخططه أني أختآرهـ .. بس جآت وحدهـ الله يسامحها ..
وقالتلي : هذآ قسم التوظيف فيه ( رجآل ) بس .. بنآت لازم يكوون عندك وآسطه .. < تحطيم
..
طيب يآ قمري شوو رآيك بـ قسم إدارة عآمه .؟ أو مواد بشريه .؟
وشوو الوظآيف لكل قسم .؟

وبـ أي قسم تنصحيني .؟ < زودتهآ
< سوووري بـ تعبك ..

[miss-h.s]

الحمد لله .. الله يثبتنا أجمعين ^^

بعض الخلق الله يصلحهم يحبوا يجيبوا من كيسهم
مرة لا تأخذي اي شي يتعلق بقرار مصيري إلا من مصدر ثقة
عشان لا تروحي فيها

والله يا قلب ماني أفهم منكـ و ما أبغى اسوي افتيتموه فقتلتموهـ
حاولي تحوسي في موقع الجامعة ( كلية الاقتصاد والإدارة )
حيبين لكـ الي للإنتساب وإلي بس للإنتظام ..
وتقدري تشوفي خطة التخصصات
وإن شاء الله تشوفي الي يسركـ و ما يسوئكـ زي


مازوديتها ولا نقصتيها أضعف الإيمان نسأل
وياريتني قدرت افيدكـ ..
موفقة :)

[hareega]

انا اللي اعرفه هذي التخصصات المتاحة الانتساب

الكليات المتاحة بنظام الانتساب ( طلاب / طالبات )
كلية الآداب والعلوم الإنسانية ( وبها الأقسام التالية ):

قسم اللغة العربية.

قسم الدراسات الإسلامية.

قسم الاجتماع.

قسم علم النفس.

قسم اللغة الإنجليزية

كلية الاقتصاد والإدارة ( وبها الأقسام التالية ):

قسم الإدارة العامة.

قسم إدارة الأعمال.

المصدر
http://www.kau.edu.sa/content.aspx?S...ng=AR&cid=2031

كان فيه إدارة الخدمات الصحية و المستشفيات والله اعلم شالوه

والله يوفقنا واياكم

[miss-h.s]

المشاركة الأصلية كتبت بواسطة miss-soso اقوووووووووووووووووووووووووووووووووووووووووووول ومرة ثانية كاني عرفتك يابنت هههههههه.. يسلمك يارب خليني استانس الين تتطلع النتايج بعد كذا بنقدم خطابات وبرقيات اليين تزبط وان ما زبطت بالطيب..طيبنا انفسنا واكلنا ها ههههههههههه

هههههههههههههههه
حتى هنا عرفتيني ،، فديتني والله وفديت بصمتي

سوسو نستانس ساعة و ساعة على السنة نحنا

بما أنك ناوية تشاركي في الخطابات .. أنا رشحتكـ لمنصب كتابة الخطاب
و خليت نفسي للإرسال >> منتهى التواضع *_^

[miss-h.s]

المشاركة الأصلية كتبت بواسطة hareega انا اللي اعرفه هذي التخصصات المتاحة الانتساب الكليات المتاحة بنظام الانتساب ( طلاب / طالبات ) كلية الآداب والعلوم الإنسانية ( وبها الأقسام التالية ): قسم اللغة العربية. قسم الدراسات الإسلامية. قسم الاجتماع. قسم علم النفس. قسم اللغة الإنجليزية كلية الاقتصاد والإدارة ( وبها الأقسام التالية ): قسم الإدارة العامة. قسم إدارة الأعمال. المصدر http://www.kau.edu.sa/content.aspx?s...ng=ar&cid=2031 كان فيه إدارة الخدمات الصحية و المستشفيات والله اعلم شالوه والله يوفقنا واياكم

يب ( الخدمات الصحية و المستشفيات ) مسار من مسارات الإدارة العامة
تقدري تفرفري في موقع الجامعة قسم الادراة العامة وحتشوفي انها 3 مسارات
تطوير و تنظيم ، إدارة عامة ، خدمات صحية ومستشفيات

والله يوفق و نصفق

[فرح الدنيا من فرحي]

آآآآآه ياقلبي من تخصص وجامعة

[miss-h.s]

المشاركة الأصلية كتبت بواسطة فرح الدنيا من فرحي آآآآآه ياقلبي من تخصص وجامعة

سلامة قلوبنا وعقولنا ومرارتنا
سلامة كلنا من هبابهم