بخصوص المواضيع الي تثير الاشاعات في المنتدى

[ايمن المزيني]

السلام عليكم ورحمة الله وبركاته

اخواني كلنا نفسياتنا تعبت من طرح المواضيع عن النتائج

وكل واحد جايب لنا معلومة شكل وتختلف عن الثاني

الان في موضوعين مايفرق بينهم الا عشر دقايق
واحد بعنوان موجز اخبار نتائج السنة التحضيرية
والثاني بعنوان نتائج السنة التحضيرية يوم الجمعة

وكل واحد فيهم يقول انا اتصلت على الجامعة وكل واحد جاب معلومة تختلف عن الثاني

واحد يقول النتائج يوم الاربعاء وانه اتصل عليهم

والثاني جاء وكتب موضوع انه اتصل وقالو له يوم الخميس او الجمعة ومثل ماقلت الموضوعين يفرق بينهم عشر دقايق تقريبا
بالله حنا نصدق مين
رجاءا الي مو متاكد من المعلومات لا يحط ويكتب اشاعات على الفاضي لانه خلاص احنا اصلا على اعصابنا وماصارت كل مين سمع كلمة جاء فتح موضوع طويل عريض

وبعض الناس الله يهديهم كمان يجي ويزيدها علينا

الله المستعان ويوفقنا اجمعين ان شاء الله

[صمت و ألم]

وعليكم السلام ورحمة الله وبركاته

اخي الكريم الجميع في مركب واحد واعتقد انها قمة الانانيه اذا اعرف احد وتوصلت لمعلومه وبخلت فيها

كلامي كان واضح جداً وما كتبته صحيح لكن لو لاحظت اني ما استشهدت بآيه قرأنيه او حديث سند صحيح

هذا كلام موظف في نفس القسم وسؤاله جاء بطريقه خاصه مو عامه

وممكن يكون صادق ولا تتيسر معاهم لسبب او لآخر وهذا لا يعني انه يكذب

الشيء الثاني الي اعصابه ما تتحمل الحل بسيط جدا

مو مجبور يدش على اي موضوع يتعلق بالنتائج يشيك الادوس من فتره لفتره حتى تنزل النتائج

اعتقد انه حل جداً مريح ويوفر حرق الاعصاب

[عادل 14]

تصدق ارسلت معامله الكترونيه عن الاستفسار بموعد النتائج الصحيح وذكرت انو مصرح عميد الجامعه لاحدى الصحف بانو الاحد والا الان مانزلت النتائج اذا ردوا علي بعلمكم وش صار مع انو متاكد من انو الرد حقهم راح يكووون بااااااااااااااااااااارد وثلج

[Abu Rayan]

اعطيك نصيحة اخوي ايمن ؟

اي شخص كان يعطيك خبر او معلومة فقط اسأله عن مصدر هذا الخبر !

اما الي يقول انا كلمت وان سألت , فريح بالك ولا تصدق احد ..
يارجال احنا مانقدر نقابل مسؤولين الجامعه شخصيا تبيهم يردون على اتصالاتنا ؟

وبعدين وسع صدرك ولا تشيل هم صدقني ماراح يجيك الا الي كاتبه لك ربي :)

[ايمن المزيني]

اخوي صمت

المشكلة موضعين في وقت واحد وكلهم بمواعيد مختلفة

نصدق مين فيكم قلي
كل واحد حاط موعد من راسه مكتب المشاط يقول الخميس والجمعة والثاني مادري من وين يقول الاربعاء والجهاز عطل عليهم
هل هذا كلام يعقل

[ايمن المزيني]

ابو ريان

صدقت اخوي
بس المشكله بعض المواضيع تحرق الدم مالها داعي

الافضل نجلس ساكتين الين نشوف حل

لكن كل يوم والثاني واحد طالع بكلام وموعد ماصارت

[devill]

اغسل يدك من الجامعه هذه

لاموعيد ولا التزامات مثل باقي الجامعات

والايقول اتصل على الجامعه ويجي ينزل موضوع هنا

ترا بقولكم شي هم جالسين يصرفونكم ويرفعون ضغطكم

[عادل 14]

يبغالنا صبر أيوب .........
وانا مش ايوب ياللي بتظلموني؟؟

[صمت و ألم]

انا اعتب عليك اذا تقول كل واحد يحط موضوع من راسه

اخي الكريم تعتقد احد بيكذب من الطلاب في مثل هالامور

بعدين يا شباب فيه معلومه تخفى عن الكثير او يغفلها

احنا انتساب واغلبنا رجال ناضجين وربما الاغلبيه لهم مركزهم الوظيفي والاجتماعي

استبيح العذر بسبب الضغط النفسي الي ولده تأخر النتائج لكن برضه نهدأ شوي

عموما أتمنى انها تطلع اليوم والان بعد وذكرت في مداخله اني فقدت الثقه فيهم

علما انا ما سألت واجتهدت الا بخصوص الانجليزي تهمني نتيجته لكن للأسف ما طلعت بشيء

[ابو ريان 126]

لو راعي الاشاعه يعرف احد كان علمه بنتيجته ولا قعد ينثر اشاعات