موضوع متجدد( أفضل دكاترة البحث و التدريب )

[Tamim]

والله ياخوي فهد اذا انت تدور الراحه التامه ودرجه في بحر الـ 80 ، فانا انصحك بالدكتور ضيف الله النفيعي ...

درجتي عنده 82 ، درجه طيبه والحمد لله ، طريقة التواصل معه على الجوال وما ابالغ لما اقول اني اتصلت عليه مرتين فقط ، المره الاولى في بداية الترم ودردشنا مع بعض واختار لي موضوع البحث وقالي احضره معك وانت جاي لجده ، المره الثانيه لما وصلت جده ونسقت معه عشان اسلمه البحث وقالي لي نزلها في صندوق البريد الخاص به عند سكرتير قسم الاداره العامه ؟؟؟

لا قابلته ولا قابلني ، ولا مناقشه ، ولا اختبار ، ولا طلبات او متابعه ولا ايميلات ولا غيره ...

[محمد 4045]

المشاركة الأصلية كتبت بواسطة tamim والله ياخوي فهد اذا انت تدور الراحه التامه ودرجه في بحر الـ 80 ، فانا انصحك بالدكتور ضيف الله النفيعي ... درجتي عنده 82 ، درجه طيبه والحمد لله ، طريقة التواصل معه على الجوال وما ابالغ لما اقول اني اتصلت عليه مرتين فقط ، المره الاولى في بداية الترم ودردشنا مع بعض واختار لي موضوع البحث وقالي احضره معك وانت جاي لجده ، المره الثانيه لما وصلت جده ونسقت معه عشان اسلمه البحث وقالي لي نزلها في صندوق البريد الخاص به عند سكرتير قسم الاداره العامه ؟؟؟ لا قابلته ولا قابلني ، ولا مناقشه ، ولا اختبار ، ولا طلبات او متابعه ولا ايميلات ولا غيره ...

رقم الجوال الله يجزاك خير وكيف طريقه البحث معه تم الاضافه عنده الله يعين

[ضابط الميدان]

شمسان
وراح تدعيلي

[ابو سيف 11]

افضل دكتور للبحث

هو الدكتور علاء الدين محمد خلف احمد

مايعقد الطالب يقولك اكتب لي اي بحث وارسله على الاميل وتاخذ 90 فما فوق

[عبـدالعزيز]

المشاركة الأصلية كتبت بواسطة ابو سيف 11 افضل دكتور للبحث هو الدكتور علاء الدين محمد خلف احمد مايعقد الطالب يقولك اكتب لي اي بحث وارسله على الاميل وتاخذ 90 فما فوق

ابو سيف ياليت نتواصل انا وانت ابي اعرف اكثر عن الدكتور وكم يطلب ورقه تقريبا وكيف وهه من هالكلام وارقامه

لاني ماقدر ت اخذ لاشمسان ولاالادريسي

فلقيت خانة الدكتور علاء خلف فاضيه وحسيت انه طيب هههههههههه هو التمام

واذا ماقدرت تتواصل معي راسل مستشفى ع الخاص

[HULK_14]

المشاركة الأصلية كتبت بواسطة ابو سيف 11 افضل دكتور للبحث هو الدكتور علاء الدين محمد خلف احمد مايعقد الطالب يقولك اكتب لي اي بحث وارسله على الاميل وتاخذ 90 فما فوق

بشر تخرجت مالك حس

[نايف1]

مستشفي كل ما اشوف اسم عضويتك يتردد في ذهني سوال
.
.
.
.
.
انت مستشفي حكومي او اهلي
.
.
.
.
فديتك والله والله يالغالي يعجبني تفكيري وتكتيكك لان البحث والتدريب مايحتاج مذاكرة ناخذة ومعه مادتين ونشد الحيل في المادتين وتكون الدرجات كلها فوق 80 ان شاء الله.
تمنياتي لك وللجميع بالتوفيق

[ابوفهد96]

اخوي فهد
انتم السابقون ونحن إن شاء الله بكم لاحقون ...

[أبو إبراهيم الرياض]

يعطيك العافيه أخوي مستشفى على ما طرحك للموضوع ،،،

أن شاء الله الفصل الصيفي القادم بأضيف مادة البحث والتدريب وكم شخص ذكروا لي أسماء وكان أولهم الدكتور وهيب وصفي يليه الدكتور الخلوق عبدالعظيم شمسان يليه الحركان يليه جستنيه يليه السواط وأنتم تقولون ضيف الله النفيعي وعلا الدين والله أحترنا من نختار لأن ودنا بدرجه ترفع المعدل على هالتخرج ،،،

أفيدونا بالعلم الأكيد أخواني الأعزاء ،،،

[جــســاس]

بالنسبه لي اخذت الماده هذا الترم عند جستنيه رحت له في مكتبه وطلب مني اربع مشاكل في العمل اسبابها وانعكاساتها وحلولها في 12 صفحه كل مشكله ثلاث صفحات مع الوصف الوظيفي والمقدمه والفهرس تصير 15 صفحه وطلب مني تسليمها اول ايام الاختبارات عند السكرتاريه وبدون مناقشه واعطاني 85