أبي أتزوجك على سنة الله و رسوله !

[نوره الغامدي]

السلام عليكم و رحمة من الله و بركات =)


بما ان الزواج سوقه ماشي هـ اليومين قررت أنزل هـ الموضوع الظريف


مره من المراريت ( المرات ) سألت صديقتي العزيزة عن حاجه صكت فـ راسي فجأة

أنا - بالله لو شفتي واحد مصلي مسمي اخلاقه طيبه , تقدرين تعرضين نفسك للزواج منه ؟

صديقتي - لا والله معصي ! هذا اللي ناقص بعد وش تحسين به مع هـ السؤال !!؟؟؟ .. أقول اركدي يا نويِّر ترى الركاده زينه و انا اختك

- بسسسسم الله الرحمن الرحيم ! أكلتيني بقشوري يا بنت الحلال

- أقوووول لا يكون شايفه لك شوفه هنا ولا هناك وش مصيبتك بالضبط هآآآآ؟!

- لا و الله هههههههههههههه بس مجرد سؤال عابر بريء


/


كمان مره نطيت بوجه خالو , و سألته نفس السؤال !


أنا- هيييه هييييه أنت !

خالي- وشو اللي هيه ؟ وش اللي أنت ؟ أقووول عن الهياط و قولي (خالي) أحسن لك

- بتريقه و عناد - لااااا مانيب قايله لك لو على قص رقبتي .. تبطي عظم انت أصغر مني , و بعدين وش حلاتك لو ناديتك بإسمك

- أقوووول .. قولي يا ( خالي ) تخلخلت عظام ابليس

- خلاص خلاص لا تعصب طيب ! .. يا خالي الحبيب , لو مثلاً جتك وحده و قالت لك : أبي أتزوجك على سنة الله و رسوله ., وش حـ تكون ردة فعلك !؟

- طبعاً لا يخفى عليكِ وش كثر أنا أهبل ! وش كثر أنا حليو ولد محترم و أخلاقـي طيبـ...

- قاطعته- لا يكثر بالله داريين انك تجنن و مافي منك اثنين بس جاوبنييييي يلآآآآآ

- اييييه والله شوفي يابنت اختي .. اذا كانت البنوته مناسبه لي , ليش لأ !؟ ممكن أوافق بس بشررررط .. أبي أكمل دراستي ههههههههههههههههه

- طيب طيب هههههههههههههههههههههه


/


بنوتات بسألكم نفس السؤال اللي سألته لصديقتي ’ ممكن ولا مستحيل ؟


شباب .. اذا البنت عرضت نفسها للزواج منك .. وش حـ تكون ردة فعلك ؟

[سنفورة موت]

..معصي وانا اخت عبدالله <<قلبنا مسلسل بدوي
....والله اووم الفشله احسه <<قعدت تخيل الوضع ^^

... لاعادي تحرجينا يانوير بهيك مواضيع مير ربي يسعدكـــ

[JuStice]

.

وعليكم السلام ورحمة الله وبركاته ,

إذا كانت الفتاة مناسبة لي .. فـ لن أمانع إطلاقًا ^_^

.

[توونآ]

انا بالنسبه لي مررررة لا
اجلس عند امي ابرك لي
ولا اذل نفسي لاني اشوف فيها اهانه للبنت
وغير كذا في نظري اشوف حتى الرجل ماراح يحترمها :)
وعلى قول صبحتك اركدي يابت ترى الركاده زينه
تقبلي مروري ..

[cute heart]

اي والله ترى الركاده زيييينه

لا والله مستحيييييييل .. هههههههههههه .. تخيلوو وانا اقوله .. امممم انا ابيك على سنة الله ورسوووله >> اش احس اوووم الفشله

عااد تصدقي نووري .. قبل فتره اقول ماما رووحوو اخطبوو لي فلان ههههههههههههههههههههه بغت تصكني بالصحن وتقوولي تخيلي ههههههههههههههههه جلست تضحك علي وانا قلت لها من باب الدعاابه ومستحيل اسويها

[m!Ss.7lawa]

ههههههههههههههههههههه

حلوآ واللهـ أقولهـ هآلكلآم وإذآ تخآصمنآ مآشآء اللهـ بيجي يقول

مو انتي عرضتي نفسكـ علي عآآآد يلآ تحملي

وين أودي وجهي الحييين هآآ وين ؟؟؟؟؟

ههههههههههههههههههههههه


هو يجي احسن عشآن أنآ اقولهـ انت اللي جيت طلبت يدي مو أنآ << أمزحلآحد يآكلني بقشوري بليز

[m!Ss.7lawa]

المشاركة الأصلية كتبت بواسطة cute heart اي والله ترى الركاده زيييينه لا والله مستحيييييييل .. هههههههههههه .. تخيلوو وانا اقوله .. امممم انا ابيك على سنة الله ورسوووله >> اش احس اوووم الفشله عااد تصدقي نووري .. قبل فتره اقول ماما رووحوو اخطبوو لي فلان ههههههههههههههههههههه بغت تصكني بالصحن وتقوولي تخيلي ههههههههههههههههه جلست تضحك علي وانا قلت لها من باب الدعاابه ومستحيل اسويها

لو عآآدي بروح بسويهآ بس أهم شي هو عليهـ المهر والشغلآت كلهآ أنآ بس أخطب <<

هوع هآآآع هيع ..~

[coOola]

ههههههههههههههه

مووضوع جبار ..

والله يا لبى قلبك إني ما أبي أتزوج

سو ما رح أدور لي عريس ..

[رغد محمد]

،’

وعليكم السلام ورحمة الله وبركاته ..~

مساء النور قمري نوورة ..~



بصراحة مواضيع الساحة هَـ الفترة حساسة ومُحرجة بِـ النسبة لي ...~



>>تطالع من بعيد فقط .!!

،’

بِـ خُصوص سُؤالك ِ ...~

بِـ رأي أرى أنَّهُ ليس أمرٌ مُعيبًا ... وإلا لما خَطبت السيدة خديجة _ رضي الله عنها_ الرسول _ صلى الله عليه وسلم _ ... فَـ الرسول _ صلى الله عليه وسلم _ قَبِلَ الأمر ولم يُنكره وإلا لمَا تزوجها .. أليس كذلك ..؟!

طالمَا أنَّ من أخترتُه إنسان يخاف الله ومُتفهم وَواعي ومُنفتح وذُو أخلاق عالية رَفيعة ومُطبق للشريعة الإسلامية, فما الضير من التَّقدُمِ له ..؟!

بِـ كُل صَراحة .. الفتاة بِـ طبعها خَجولة وقد لا تستطيعُ فعلُ ذلك أبدًا أو حتى تتجرأ .. فَـ حيائها يمنعنها من التَّقدُم له .. ولكن هُناك أكيد من سَـ يُساعدها لِكي ترتبطُ به ..~

كـ الوالد أو الأخ الكبير(إن كانوا من الرجال المُتفهمين طبعًا) ...

وكما يُقال : " اخطب لِـ بنتك قبل ولدك " وفي رِواية أُخرى : " اخطب لِـ بنتك ولا تخطب لِـ ولدك " فـَ إذا وَافقها الوَالد في الرَّجُل الذي تُريدُ الإرتباط به ِ فَـ الحمدُ لله وإذا لم يُوافقها فَـ أكيد أنَّهُ يرى في هذا الرّجُل ما لا تراه هي والحمد لله ..~

أنا لستُ ضد الفكرة بتاتًا .. بل مُؤيدة لها .. ولكنِّي لا استطيعُ فعلُ ذلك ولنْ أفعل مَهما كان الرَّجُل مُناسبًا لي لِـ شدة حيائي .. وليس لأن الرجل قد يُعايرنُي بِـ أنَّنِي من خَطبتُه ..!

فَـ أنا إن فكرتُ في خطبةُ الرَّجُل لن اختارُ من يتفنَّنُ في هذه الأساليب التَّافهة ..!!

بل سَـ أختارُ رجلٌ بمعنى الكلمة ... وأخشى وكُلي خشية أنَّ من أبحثُ عنه قد انقرضَ منذُ زمن ..!!

وبِـ كُل صدق أُخبركِ بِـ أنِّي لا أُفكرُ بِـ الاِرتباط إلا بعد الإنتهاء من الدِّراسة الجَامعية ...

فَـ مُستقبلي ينتظرني ...~

والله يرزق الجميع مايتمنَّونَهُ في القريب العااااجل يارب العالمين ..~

،’

شُكرًا لكِ غاليتي على طرحكِ الجميل .. ~

لقد استمتعتُ كثيرًا بـِ الإجابة على سُؤالكِ قمـــري ..~

،’

رغوودة ..~



،’

[Hamsa }~]

خخخخخخخخخخخخخخخخخخخ

مستحيل طبعـآ ..

مشكوورة ع الموضوع ..