مواصلات الرحيلي إلى ( كلية التربية - الرحاب - )

[برنسيسه سنيوره كربوجه]

ممكن أعرف بنات الرحيلي اللي حيداومو لكلية الرحاب ..
وكمان أبغى شركات توصيل مضمونة توصل من الرحيلي لكلية الرحاب

وربي تعبت ... حصلت شركة توصل بس يبغى قروب 4 او 5 بنات من الرحيلي للرحاب

بليز اللي تعرف وحده في الرحيلي تديني خبر ... شوكرن

[AIM]

ربي جابك
احنا من حي الماجد اللي جمبببكم لصيق فيكم ( عند قاعة فرح )
السنة اللي فاتت كنا نروح مع شركة أبو راكان وصراحة كانوا السواقين قمة في الاحترام
وكانوا البنات اللي في الباصات من الماجد والرحيلي وشويا من الصالة الشمالية ..
بس هذي السنة انا وثلاثة من صحباتي نبغى الرحاب كلية التربيه وماندري اذا فيه باصات ولا لا :(
اممم وكمان في هنا وحدة في المنتدى اسمها السلطانه هيا كمان من الرحيلي وتبغى باص للرحاب
واذا ما وافق اللي كلمتيه انا اليوم بخلي اخويا يروح عند مكتب ابو راكان يشوف اذا يقدر يوصلنا

اذا وافق ياليت ترسلي لي الرقم وانا برسله لصحباتي وبنكلمه طوالي , بجد اذا وافق بيكون فك عننا أزمة :(

[مكعباات عبودي]

طيب اساليه اذا يوصل من كيلو 14 انا معاكم لانه قريب شوي من الرحيلي

[السلطآنه]

انا بالرحييييييييييييييلللللللليييي لا تنسوووني معاكممم


يمكن ما اقدر ادخل بعد كذا ورسلت ايميلي للمشررفه ومووو راضي يرررسل وش اسوووي ؟

[ஐ bùtterfly ஐ]

برنسيسه سنيوره كربوجه0000ياحياتي عليك والله حتى انا تعبت ودخت 00

بس ايش رايكم نتفق يابنات الرحيلي على شركه ونتعامل معاها احسن من انو نكون مشتتين00
فيه شركه اسمها القــــــــمه واعرف بنات مررررررره يمدحوها ويقولوا من جد قمـــــــــــــــــــــه في التعامل00
ودقيت عليهم قالوا بس نبغى نعرف العدد وماعندنا مشكله حنوصل بس نبغى مجموعه بنات يكون عددها تقريبا 8 بنات00
وما انصحكم بابوراكـــــــــــــــــــــان سمعته جدا سيئه ومشاكلهم كثيره ومو مضبطين في المواعيد00اتمنى نلاقي حل لمشكلتنا00

[بروفيسورة]

بناات طيب انا من الاسكان الجنوبي تعرفوا باصات غير الشيخ ..

ما يصلح كذا نرووح مع مييين

[برنسيسه سنيوره كربوجه]

هلا صبايا00
عن جد كلام الاختஐ bùtterfly ஐ صح القمه افضل من ابو راكان00
والشركه اللي قلتلكم عليها هي القمه
وحيسير عددنا على كدا انا و AIM وصحباتها الثلاثه والسلطآنه ومكعباات عبودي وஐ bùtterfly ஐ
ثمانيه واذا في بنات كمان الله يحيهم معانا00
وحرسلكم ع الخاص00

[حگآيـــة طمۈح..~]

الله يووفقكم ..

بس حبيت انبه الارقآآم يمنع وضعهآ على العآم ..

و بمآ ان مششآركآتكم أقل من الـ 100 فخآصصية الرسآئل الاكاديمية

مآراح تكون متاحة إلا للارسسآل للمشششرفين والمشرفآت ..

وان شآء الله اكون وسسيط منكم واليكم ..

[السلطآنه]

بنااااااات انا سجلت مع ابوو ركاان نص الشهر <<قد تورطططت

وباسجل معاااكم الشهههر الجااي

حاولت ارسل لكم ايميلي على الخااااااااص مو راضي ولااني قادره ارسله للمشرفه برضوو مش رااضي

[برنسيسه سنيوره كربوجه]

بالله كيف نتواصل يعني إذا كل شيء ممنوع ... ممكن طريقة عاجلة ومجدية ...
بليز مافي وقت .... بكره الدوامات ...