( ليلة السقوط الكبير ) - اختبار الكمي .. زود همي - "الاسباب والمرئيات"

[النقاوي*]

هههههههههههههههههههااااااااااااااااااااايييييييييي ييييييييييييي

يالبى قليبك يابندر<<مسوي شايب

قبل يومين فتحت الملخص<<مسوي نفسه بيذاكر شاريله طابعه ومزعج اهله

المهم كلمت مدرس مصري يوم السبت قلت يااستاد ابيك تدرسني انا ونسيبي قال هيا ايه الماده بتاعتكوا <شكيت انه سباك بفيزة خباز>> قلت تحليل كمي قال اهااااااااااااا <وشكيت انها مابعد مرت عليه ولاسمع فيها> قال ديت عايزه شهرين مش يومين<<حسيت اني ظلمته وحسيت ان الماده هذي ماخلت الا شوي من عقله.يعني
=ع ــ م + ك×ت = صفر . مالها حل ولا لها مقلوب مدري مقلوبه او معوكس
من جد كانت الأسئله مثل الغيمه السودا نزلت على روسنا وقامت تمطر بالوساوس وتنتيف الأشناب<للي له شنب < من حظ اللي يسلت الشنب ماله الأ الشفه والأ خشمه لو كان اعوج.
وبعدين صدقت يابندر>> يعني شغلة فيها قعاطه بصراحه ... << (هذه القاعده غير مطبقه على السعوديين)..
المهم احسن الله عزاكم في تحليلكم الهمي.والوعد يوم الأربعاء ان قاله الله ان تنزل موضوع وتخترع معادلات مابعد احد شافها يابندر..

والله يااخترعت لي قوانين لو هم مألفين عليها تحليل كمي عكس الموجود بيظبط .. لكن هيهات لمن تنادي.

[العشق]

اليوم الحل كلة علي الحروف الابجدية اللي يجي معك حطة اليوم اتوقع انه يوم الحظ الكبير اللي معة حظ اكيد ان بينجح واللي حظة طايح نفسي اكيد الحمل اقرب الطرق بس المشكلة راحت اليوم والوعد يوم الاربعاء مع الرياضيات

[المنتسب الجديد]

انا مشكلتي ماهي بالوقت ، لانهم لو خلوني الى اول زواج يجي بالقاعة ماراح احل الاسئلة

المشكلة بالمادة هل هي رياضيات ، مواريث ، احصاء او شي جديد

ماكان عندنا استعداد ابد لاني من دريت ان الكتاب فيه اخطاء غسلت يدي انجح

اصبحنا الضحايا لتجربة هذه المادة لانها جديدة ،، انتهى

[شذو]

هههههههههههههههههههههههههههههه
اما عليكم تعليقات والله حتى لو كنت حاله بشك بعمري
عموما اللي يقول الوقت ساعه ونص ..غريبه
اولا على الورقه مكتوب ساعتين واحنا فعلا
اعطونا ساعتين
مع انه اغلب البنات مايدرون وين ربي حاطهم
وحده جنبي من يوم عطوها الورقه وهي تتلفت
يوم ملت وعرفت ان محد معطيها وجه حطت راسها على الطاوله
ونامت يوم خلصت ساعه من مدة الامتحان طلعت
طبعا اللي يشوفها من بعيد يحسبها دفاره مايدرون
انها مسويه حقره بقره

[مساعد الشهراني]

إحنا دافعين مبالغ كبيره مربحتهم ملاين بس 2600 طالب في قاعة الحمرا خطة (أ) و (ب) أحسب 2600 طالب * (3000ريال + 1000 ريال) = 10400000 ريال وعليك حساب باقي المناطق ...... ولا تنسى أخواتنا الطالبات
وغير كذا ليش لم يتم أخذ القاعة لمدة أسبوعين على الأقل يوم أ ويوم ب ويصير في يوم راحة يمدي الواحد يذاكر خاصة والتكليف بالأجازة لمدة اسبوع بس و 99% موظفين ............ حسبنا الله ونعم الوكيل ...... المهم العالم اليوم طالعين من عزا وليس اختبار ونصيحة انسوووووو اللي مضى وفكروا في اللي جاي ولله يستر من الرياضيات

[fawaz.s]

ماشاء الله عليك

اقسم بالله لو انا اللي احط النتايج لاعطيك ممتاز مو على اجاباتك
بس على هالموضوع

لانه صراحه مبين انك مذاكر ومتعب نفسك وحاولت بس خانت الظروف

يعطيك العافيه مره ثانيه عالموضوع مبدددددددددددددددددع

[الشـــاطـــئ]

لحوووووووول

اجل السالفه كذا هذا ومابعد اختبرت

اجل وش بيصير بعد الاختبار^_^

بسوي معادله مختلفه عنكم في الشكل

بس الظاهر مساويه في الناتج

الله يستر

[العلم والعالم]

حبيت أنبه لكم بالنسبة لقضيت الوقت جميع المواد مدة إختبارها ساعة ونصف فقط يعني دقيقة زود لا تفكر ولا تحلم بها

هذا الكلام من واقع تجربة عشناها لأكثر من 3 سنوات يعني قضية الوقت لا أحد يقول مفروض يزود الوقت أو أي شي من هالقبيل لذلك كل واحد يحسب على إن وقت إختباره 90 دقيقة فقط

أذكر أول فصل لي في الجامعة وأول إختبار كان لمادة إسمها الإحصاء 101 وهي أربع ساعات وكانت الأسئلة شاملة للمنهج كامل يعني ما خلو فقرة في المنهج ما أتى عليه سؤال أضف لذلكـ أسئله جامدة

طبعاً أخيكـم في الله جلس يحل على رواقه وعلى راحته ويتفلسف بالحل كمان وما دريت إلأ يقول باقي ربع ساعة من الوقت طبعا حنا متعودين على الثانوي يقولكـ باقي ربع ساعة ولما تخلص الربع ساعة يعطيكـ ساعة زووود ما درينا إنا في جامعة

المهم وأنا جالس ورافع رجل على رجل وأحل ولا دريت عن التبيهات التي تطلق حول قرب نهاية الوقت وإلأ ويأتي النداء الأخير باقي من الوقت دقيقة واحدة المهم ويعلن جرس الإغلاق إنتهى الوقت وعلى كل طالب أن يضع القلم واللي يكتب حرف واحد لا تستلم ورقته

المهم وأفكر وإلأ باقي 11 فقرة من الأسئلة ما حليتها المهم وأسمي بالله وحقرا بقرى عدي الى العشرة وألون الفقرات الباقية

لكن الحمد لله عدينا المادة بحمد لله

طبعا من بعد هذا الإختبار أخذت درس وبدأت أستخدم ساعات الحكام في وقت الإختبااار


في الأخير أنا ذكرت لكم هذه القصة لكي أبين لكم أن قضية الوقت قضية أزلية ولن تحل وستبقى على ما هي عليه

لكن النصيحة التي أقدمها لكل طالب لمحاولة تفادي هذه المشكلة هو على كل طالب أن يبدأ مباشرة في الأجوبة ويتركـ الفكرة القديمة التقليدية اللي تعلمناها أيام الثانوي التي تقول إقرأ الأسئلة كاملة ثم إبدأ في الأسهل هذا الكلام ما عاد ينفع في التعليم الجامعي

لذلكـ إبدأ على طووووول في الحل وأي سؤال ما تعرفه عديه ورووح للي بعده ولا تقعد ولا دقيقة تفكر فيه لأن الوقت ما يسمح لأن قضية إني بجلس أفكر وأتذكر الحل ما تنفع نهائي اللي ما تعرفه سيبه وعلى اللي بعده وبعد ما تخلص اللي تعرف إرجع الى اللي ما تعرف وحاول فيه ولما يكون باقي نصف دقيقة ضلل الأسئلة الباقية التي لم تستطيع حلها لعل وعسى أن تصيب الهدف



الله يوفقكـ الجميع لكل خير

[تـفـاااحـه]

انتو ليش زعلانين بالعكس انا درسته السمستر الى فات وكانت الاسئله حلوه
بس الى كان منتبه وقت الدوره راح يفهمها

[بكالوريوس]

انا مااقول إلا حسبي الله ونعم الوكيل على :

1- اللي حط الأسئلة كأننا انتظام مو انتساب .
2- على اللي قرر ساعة ونصف في جميع المواد .
3- على من خلا لون الورق اصفر يجيب الكآبة .
4- على من درسنا في الدورة التأهيلية واعتمدنا على الملخص اللي كتبناه طوال فترة الدورة وفي الاخير كل اللي جاء من الكتاب .

ياحسافة على سفرتي لجدة مشان التحليل الكمي والرياضيات اللي مايندراء وش مصيره .

واخيراً ياجماعة انا حليت فقط 8اسئلة صحيحة والباقي كله تخمين وربكة الوقت ماخلت لنا لا تحليل مسائل ولابطيخ حتى القانوين والله حافظها لكن الربكه على المسائل الغريبة خلطت الحابل بالنابل وتخلبطت في راسي القوانين للاسف كل هذا بصوب والوقت اللي خانقنا طول الوقت بصوب .

حسبنا الله ونعم الوكيل