كيف اطلع قيمه z الجدوليه

[حبي نفسي]

السلام عليكم ورحمة الله وبركاته


في الاختبار يعططوننا قيمه z الجدووولية

او احنا نطلعها؟؟

ططيب لو احنا اللي نطلعها كيف نطلعها

وجزاكم الله الجنة

[حبي نفسي]

وووووووووين الشششششعب

[ANGAL]

السلام عليكم
ان شاء الله تكوني طيبة يارب
على حسب المساله ياعسل ^^
شوفي الفرض البديل هل هو ذو ذيلين او ذيل واحد
ذو ذيلين بيكون كذا
h1 :µ ≠ 50
ذو ذيل واحد بيكون شكله كذا
h1 :µ > 50
او
h1 :µ ˂ 50
اذا كان في المساله ذو ذيلين بشرح لك على ذو ذيلين وذو ذيل نفس الطريقة بس القانون يختلف اوكيه
تكتبي القانون هذا طبعا لذو ذيلين
z α / 2 =z 1- α / 2
وتعوضي انا بعوض وبحط لك ارقام من راسي عشان تفهمي اوكيه
= 1 – 0.05 / 2
ولنفرض انو الناتج اللي طلع لك هوا هذا 0 . 975 تكتبيه كذا z 0.975 اوكيه
والحين يجي دور الجدول اللي يعطونك هوا في الاختبار
توجدي قيمة ال z عند 0.975 بيكون جدول فيه ماشاء الله اعداد كثيرة انتي دوري على العدد اللي يكون نفس هذا العدد ويكون قبل 5 صفر ولما تلقيه في النص طبعا بين الاعداد والله يعينك على البحث ولما تلقيه حطي عليه دائرة وروحي طالعي على يسار الجدول طبعا قبال العدد اللي حطيتي عليه دائرة وخذي العدد الصحيح ولنفرض انو 1 واطلعي فوق برضوا قبال العدد اللي حطيتي دائرة عليه وخذي العدد العشري ولنفرض . 96
وركبي العدد انتي بنفسك ييصير 1.96 وابداي حدديه انتي على الرسمة اللي رسمتيها وبرضوا الرسمه بتختلف اذا كان الفرض البديل ذو ذيل او اذا كان ذو ذيلين وحددي على الرسمه قيمة z الجدوليه والمحسوووبة
طبعا الالفا اللي بالقانون α > هيا مستوى المعنوية يعطوك هيا في الاختبار يقولوا عند مستوى معنوية مثلا 0.05= α وابداي عوضي بالقانووون فهمتي
واذا كان بذيل واحد نفس الطريقة بس القانون يختلف
وبعضهم يريحووك ويكتبوا لك العدد جاهز وانتي ماعليك الا انك تحدديه بالرسمة
يعني اهم شي عشان تطلعي z الجدوليه تشوفي الفرض البديل اش نوعه وبرضوا تطالعي لمستوى المعنوية كم ؟وتحفظي قانون ذو ذيل وقانون ذو ذيلين !
وتطبقي الطريقة اللي قلت لك عليها .
تمنياتي لكي بالتوفيق
وإن شاء الله البنات اللي مو فاهمينها كمان يستفيدوا .
ادعي لي اني انقبل في الوظيفة اللي مقدمة عليها لان الدعوة اللي بظهر الغيب مستجابه ان شاء الله
والله يجزاك كل خير ^^

[حبي نفسي]

الله يسعدك ويخيليكِ ويحقق امانيكِ يا قلبي
مااااقصصرتي كفيتي ووفيتي
والله ما تعرفي قد ايش ازحتي عني هم

جزاك الله كل خير