قضي الأمر ولان الجعد ولله الأمر من قبل ومن بعد

[أبو نايف 2009]

السلام عليكم ورحمة الله وبركاته


مساكم الله بالخير فرداً فرداً


اليوم هو آخر يوم في جدول الإختبارات للمستوى الثالث اللي جدولهم قياسي أي نفس خطة الجامعة بدون تعديل


وإختبار الثقافة الإسلامية أعتبره في منتهى السهولة من فضل الله عزوجل



وأدري بنتأخر في النتائج حتى يستكمل بقية الإخوان إختبار الخميس القادم ( الموارد البشرية )


ولكن أتمنى تنزل نتيجة المادة الأولى ( محاسبة مالية ) لأن الكل يحتاج معرفة نتيجة هالمادة تحديداً لاسيما إنه مر عليها الآن أسبوع كامل



وبنهاية هذا الفصل ننهي 43 ساعة للبعض و 44 ساعة للبعض


والحد الأدنى للتخصص هو 40 ساعة



علموني وش خاطركم فيه وسبب الإختيار حتى نعين بعض بالأفكار والرؤى

[أبو نايف 2009]

طيب أبدأ أنا


أنا ميولي إدارية أكثر من فنية أو ميدانية ذي من ناحية

أيضاً التسويق بصراحة يحتاج تبهير بالكذب في الإعلان وتهويل المنتج وكأنه أسطورة وهالشيء ما يناسبني مرررررررة

أنا أسعى لتخصص متشعب الفروع ويستفاد منه في واقع الحياة العلمية والعملية بينما التسويق يحتاج لبيئة تجارية حتى يستفيد

التسويق يحتاج تأتي بأفكار جديدة أو تقرير ميداني كما في فروع التسويق من سلوك المستهلك وهذا يحتاج لمجهود وقد أقول قد يسرق مجهودك من هو أعلى منك

بينما الموارد البشرية تنطلق منك وتستطيع الإتصال بالإدارة العليا وتصل أفكارك الإدارية دون سرقة مجهود


الموارد في أي مكان بحصل لي وظيفة لأنها معنية بالعنصر البشري بينما التسويق لابد من شركة أو منظمة مالية كالبنوك ولها ميول تسويقية حتى تجد لك مكان فيها وما بقولكم حجم المنافسة من الأجانب ومستوى الكيد منهم للنيل منك



هذه أسباب أراها ولستم ملزمين بها

[ماكنتوشه]

وعليكمم السلامم ورحمةة الله وبركاتة

انا للأن ماخلصت باقي لي اختبارين نظم و موارد
بالنسبة للنتايج ودي تطلع كلها ويا بعض لجل نرتاح كلش
بس اهم ماده طبعا المحاسبه وبعد الموارد احس بجيب فيها العيد الله يعين

التخصص ودي نظمم معلومات اكيد لاني كان ودي بالحاسب بس دشيت هالاعمال فلقيت اقرب شي النظم
قالوا انهم بيفتحونه للانتساب :)))

وبعده اقدر اخذ ماجستير تقنيه معلومات < ليلها طويل

بس مؤقتا بـ تخصص موارد بشريه وربي يكتب لنا الخير وين ماكان :))

سؤآل \ وش معنى الجعد ؟

[ِAbo_Nawaf]

وعليكم السلام ورحمة الله وبركاته

هلا وغلا اخوي ابو نايف

الحمدلله بعد انا خلصت وجدولك قياسي مثل جدولي على خطة الكلية
صح تعب ست مواد لكن الحمدلله على كل حال
وان شاء الله النتائج تكون طيبة

بالنسبة للتخصص اعتقد واقول اعتقد مثل ماهو موجود بالاوديس " ممكن يفيدنا فيه شخص له خبرة بالموضوع " انه تقدر ما تخصص إلى حد 70 ساعة وبـ امكانك التخصص بعدها

حاليا لا يوجد الا ثلاثة تخصصات متاحة

ادارة الخدمات الصحية والمستشفيات
التسويق
ادارة الموارد البشرية

مثل ماقلت في تخصص التسويق ولا ازيد بكلامك
لكن في اشخاص عندهم امكانيات في هالتخصص لانه تخصص مطلوب وممتاز ومحتاج سعوديين مثل تخصص المحاسبة ومطلوب بالسوق السعودي والقطاع الخاص

وتخصص ادارة الخدمات الصحية والمستشفيات تقريبا محدود
والاشمل تخصص الموارد البشرية مثل ماقلت اخوي ابو نايف

وقالوا ممكن يفتحون قسم المحاسبة الفصل الجاي او اللي بعده للانتساب

الاخت ماكنتوشه قالت عن تخصص نظم المعلومات الادارية وهو موجود بالكلية لقسم الانتظام
بصراحة قسم رائع لو افتتح للانتساب راح اتخصصه ان شاء الله
واتمنى يفتتح بجانب المحاسبة ..

والله يكتب لنا ولكم الخير ويوفق الجميع

[أبو نايف 2009]

طيب نفرض إنك بتدرس الفصل الجاي دون تخصص بيصير عدد ساعاتك 61 ساعة

وقلت في نفسك ما بتخصص إلا لما يفتحون نظم معلومات ( الصبر حلو بس التأخير مشكلة )


عدا الترم الجاي ودخلت المستوى الخامس وباقي لك 9 ساعات وإخترت 3 مواد من 3 ساعات فقط

خلصت المستوى الخامس على 70 ساعة ... وبعدين ؟


مو مشكلة إصبر لا تتخصص لين نهاية الترم الجاي وبعدها عاد توكل على الله وإحجز مقعد في أفضل تخصص متوفر وحول للنظم لو يسر الله وفتحوها لك


لأن بعد 70 ساعة وش بيصير لو ما أحد تخصص لا سيما وإن ساعات الإختياري والحر أعتقد 12 ساعة مجموعة والله أعلم