حذف المادة او الغياب او ادخل الاختبار وانا ماأعرف شي؟

[ابوتركي عبدالعزيز]

ياجماعة الخير الحل مع اللغة العربية , عندي اختبار بعد 3 ساعات وانا ماااعرف شي عن اللغة العربية جننتني يبغى لها وقت طويل مراجعه وتفاجأة وانا اجرب احل الاسئلة للسنوات الماضية اني من جنبها ولا اعرف شي ......................

السؤال هنا ايش رايكم اسحب على الاختبار ؟ او ادخل وانا مااعرف شي ؟ وكيف تأجيل المادة؟

وهل لو رسبت فيها لاسمح الله تأثر على المعدل؟ ولو حبيت ادرسها ترم صيفي هل معقول ادفع 3000 ريال عشان مادة وحده ؟ والا اخليها مع الفصل الجاي ؟

طبعا انا سنة تحضيرية......

ليت تفيدوني

[جنون أبها]

اهلين خيووو امممم يعني مافي امل تفتحها ؟؟؟

[ابوتركي عبدالعزيز]

اختي جنون ابها

الا فاتحها الحين النت من هنا والملخصات من هنا والكتاب من هنا بس عجزت اعرف شي فيها ,

يعني ادور سؤال في الكتاب واخذه احله واخر شي يطلع حلي غلط . مثلا اختار السابقون والصح هي السابقين مثل كذا جننتني . وانا كنت شاد حيلي في الرياضيات و الثقافة والحاسب بس هالمادة تدوش .

ابغى حل كيف اخلي هالمادة ماتأثر على المعدل؟

[ابوتركي عبدالعزيز]

قرب وقت الامتحان ولا عرفت شي!!!

[خيـآل]

اخوي ادخل واختبر نصيحه لاتتركها

عادي تحملها معاك للترم الجاي او السنه الجايه وتقدر تعيدها بعدين

ولو سحبت عليهم كمان بتحملها مافي شي اسمه رسوب

ياليت تفتح الكتاب وتدور ملخصات الحين وتحاول تذاكر اي شي

واحضر الاختبار وحل اللي تقدر عليه يمكن تعديها , بالتوفيق

[ابوتركي عبدالعزيز]

اخوي خيال بيض الله وجهك ومثل مايقولون شورك وهداية الله

بس بسئل عن المعدل هل يتأثر لو ماقدمت كويس وكيف اقدر ارفع المعدل لو نزل؟