من طلاب جامعة شمال جدة الى د/اسامة الطيب : مستوى جامعتنا متدني جدا وجميعنا راسبين

[FaHaD salih]

السلام عليكم ورحمة الله وبركاته

من طلاب جامعة شمال جدة(سنة تحضيرية ) الى د/ اسامة الطيب

مستوى جامعة شمال جدة متدني جدددا
نسبة جددا عالية حاملين الاحياء والكيمياء والاحصاء .

الدكاترة عندنا جميعهم جدد لهم اول سنة في السعودية ولا يعرفوا شي عن اسئلة الاختبارات
ولا حتى يتطلعوا عليها قبل الاختبار بفترة بسيطة
عشان يقدروا يراجعوا لنا النقاط المهمة .

بعكس المقر الرئيسي كلهم لديهم خبرة وبعضهم من يضع الاسئلة وعارف كيف الاسئلة بتجي .

نحن مستوى جامعتنا طااااايح تماما
وتوجد لديكم حلول كثيرة فضلا وليس امرا :
1- تجعلوا الاسئلة من عندنا .
2- تعطونا دكاترة من المقر الرئيسي لديهم الخبرة الكافية في التدريس في جامعة الملك عبد العزيز .
3- تاخذوا من عندنا دكاترة يحطوا معاكم الاسئلة .
4- تشكلوا لجنة من المقر الرئيسي يحطوا اسئلة على مستوى جامعة شمال جدة .

ـــــــــــــــــــــــــــــ

انتوا قبلتوا في المقر الرئيسي ( علمي )
الطلاب اللي جايبين نسبة في الثانوية عالية
يعني تقريبا 99% الى 93%
ودرجات عالية في القدرات والتحصيلي

ونحن نسبتنا في الثانوية 92%الى90%

والقدرات والتحصيلي مو قد كذا

طبعاً النسب تقريبياً

اللي ابي اوصله لمعاليك
انه مستوى طلاب المقر الرئيسي مو مثل مستوى طلاب شمال جدة
الاسئلة بتوضع على مستوى المقر الرئيسي
ودكاترة شمال جدة ما يتطلعوا عليها ولا حتى يحطوها معاكم

اتمنى دراسة هذا الموضوع فضلا وليس امرا من معاليكم

وتوجد لديكم حلول كثيرة

تحياتنا وتقدرينا واحترامنا لكم ,,,