ابي شوركم

[ابن ابوي]

السلام عليكم ورحمة الله وبركاتة


ابي شوركم انا طالب انتساب في قسم اللغة الأنجليزية ولم يحالفني الحظ في الأجتياز رغم ان الي بقالي 40 ساعة واخذت مرتين طي قيد وابي رايكم في اني احول للأعلام وش احسن تخصص فية وكيف دكاترة القسم ومستقبلة الوضيفي

[الاعلامي الجديد]

قسم الاعلام مثله مثل اي قسم وهو بصراحه سهل وممتع وفقط تخصص علاقات عامه

[مشاري الجش]

هلا اخي العزيز

بالنسبة للتحويل راح تدرس القسم من بدايته من المستوى الثالث يعني انسى انه راح يعادلون لك مواد من قسم اللغه الانكليزية ما اقول لك الكلام هذا من راسي انا كنت قسم علم الاجتماع وخلصت من القسم 49 ساعه وحولت لقسم الاعلام وكان هناك وعود بمعادلة موادي بقسم علم الاجتماع بقسم الاعلام ولكن بدون فائده وفيها واسطه والحمدلله حولت للقسم وهو ممتاز للغايه وجميع الدكاتره متعاونين جزاهم الله خير اذا لك نفس طويل حول للقسم وحنا بخدمتك والله يوفقك اخي العزيز

[في صمتي احزان]

اخوي التخصص المتاح للانتساب فقط شعبةعلاقات عامة المواد التخصصية سهلة اكتر مماتتصور والمستقبل يبشر بالخير
بس انا نصيحتي كمل باللغة مادام بقي 40 ساعة شد حيلك واستعن بالله ياخي والله يوفقك اللغة الانجليزية مافي مثلها

[الشبوي بلس]

اخوي زي ما وضحوا لك اخواني لكن والله حرام مابقى لك شي 40 ساعه يبي لها شدة حيل ومدرسين خصوصين من الدرجه الممتازة يساعدونك وخلاص اجلس مع نفسك ولا تستعجل مستقبل الانقلش قوي ومطلوب

[ابن ابوي]

الله يجزاكم خير كلكم بدون استثناء ويوفقكم لكن 40 ساعة مع العايلة والعمل والمشاغل عن 400 ساعة

[تركي الثابتي]

السلام عليكم

اخوي الغالي لازم تعرف اهم شروط التحويل اللي هو ماتتعدى 60 من التخصص اللي انت فيه الحين
والواضح انك متعدى بكثير فحرام انك تحول وانت مابقى لك الا 40 ساعة
اما اذا انت مصر يالغالي ع التحويل جهز لك خطاب ودخله على عميد القبول والتسجيل
( د. عبد الفتاح بن سليمان مشاط ) طبعا عن تجربة بس كانت الساعة المكتسبة عندي 62 وفضل من الله تم التحويل

اما عن المواد اللي يمكن تتعادل لك راح افيدك فيها كمان لكن بشرط تكون عديتها

جميع مواد اللغة العربية
جميع الثقافة الاسلامية
والسنة التحضيرية
وراح يعادل لك مادتين من تخصصك كمادتين حره

كل هذا عن تجربة والله اعلم
اتمنى لك التوفيق

لكن نصيحة يااخوك والله لاتحول باقي 40 ساعة حرام تروح عليك
فكر فيها صح انت يبيلك لما تحول وتتخرج من قسم الاعلام مايقارب 3 سنين ويمكن تزيد
اشور عليك ( قسم الـ 40 ساعة على هالـ 3 سنين وصدقني راح يرتفع معدلك بإذن الله )