مشكلة كبيرة لدي بالنسبة للانجليزي ، الرجاء المساعدة !

[elyas alben]

السلام عليكم

يا شباب الظاهر اني متورط في مشكلة كبيرة و ياليت تفيدوني الله يرضى عليكم؛

كلنا نعرف انو عشان نتخصص لازم نغلق ٣ مستويات :

الثالث ، و الرابع ، و الخامس ..

انا في المستوى الثالث ما اخذت انجليزي ٢٠١ ، يعني لازم آخده في المستوى الرابع

و في المستوى الخامس آخد انجليزي ٢٠٢ ، و هنا المشكلة الكبيرة و المصيبة !!

في مواد في المستوى الخامس ما أدرسها الا إذا انتهيت من انجليزي ٢٠٢ ، أي ان لها متطلب ..

و بالمناسبة كلمت وكيل الكلية و قال لي ما في مشكلة و ما حتأثر على خطتك ، و تقدر تضيفها الترم الثاني ، هذا الكلام بعد شهر من بداية الدراسة ..

إذا مشيت الأمور على هذه الطريقة ، تقريبا آخذ ترم إضافي ..

تكفى يا شباب إيش الحل ساعدوني ، و الله عادي إذا في إمكانية اني آخذ انجليزي ٢٠١ و ٢٠٢ في ترم واحد ما عندي مشكلة ، مستوايا الحمدلله ممتاز في الانجليزي

لكن الظروف منعتني اني آخذها في المستوى الثالث خاصة لأنها تبدأ من الساعة ٤ في العصر ..

لكن الآن أنا متورط و لازم أشوف حل ، تكفى ساعدوني ، الله يوفقكم ..

[RHF]

لا ما تقدر تاخد واحد و اتنين ف نفس الوقت ،

لازم الاول ، بعدين التاني ،

واعتقد التاني والتالت تقدر تاخدهم مع بعض لانو واحد انقلش والتاني اعداد تقارير اعتقد

ان شاء الله يفيدوك

[SS501]

اللي اعرفه نفس كلام اختي رهف

الاول و الثاني ما تقدر تاخذهم مع بعض و اعرف كذا بنت نفس الحالة ما اخذوا الاول في المستوى الثالث

بس تقدر في المستوى الخامس ان شاء الله تاخذ الثاني و الثالث اللي اسمه اعداد تقارير

بالتوفيق للجميع

[elyas alben]

طيب و باقي المواد ما اقدر أدرسها في المستوى الخامس ، لأنو لها متطلب انجليزي ٢٠٢ !!

[RHF]

ممممممممم انت ايش جالس تقول

مني فاهمة !!!!

انت لازم تدرس انقلش واحد وبعدو انقلش اتنين ،

انقلش تلاتة دا عبارة عن اعداد تقارير يعني مادة تانية بس هي كدا اسمها ,

المقصود انو انقلش اتنين ما تقدري تدرسو ازا ما درست انقلش واحد ,, ( متطلب )

//

زي مسلن المحاسبة ؟؟

ما تقدري تدرس محاسبة 213 الا لو كنت درست محاسبة 117

ونفس الشي للاقتصاد الكلي ، ما تقدر تدرسو الا لو درست الاقتصاد الجزئي ,,

وضحت ؟

[malack]

شوف ياخوي انت في المستوى الرابع صح ودحين هتاخذ 201
والصيفي خذ 202 واي مادة عامة معاها ومنها تساعدك في رفع المعدل
ويصير في المستوى الخامس تمشي على نفس الخطة
ياااااارب اكون افدتك
بالتوفيق