وش الحل بالكيمياء العضويه ياجماعه

[فلسفة مهندس]

السلام عليكم

أنا واحد من اللي قدر الله علي واخذت الكيمياء العضويه الترم هذا

وصراحه كان مجموعي مو ذاك الزود قبل الاختبار النهائي

والاختبار النهائي جانا اربعين سؤال

عشرين جات منها بين المتوسط والصعب .. وعشرين سؤال جات صعبه او بالاحرى تعجيزيه

وربي كاني دارس منهج ومختبر بمنهج ثاني

وربي خايف من الرسوب بالماده هذه .. خصوصا انها 4 ساعات وبتخسف بالمعدل خسف

ابي احد اذا يعرف الدكتور محمد مكي ... يخبرنا عنه هل هو يساعد الطلاب بالدرجات ولا لا ؟

ياليت تقولون ايه ههههههههه

[حلمي بروفيسور]

كنت ناوي انزل العضوية بس خلاص حرمت خلينا في المواد العامة ابرك
وربنا يكون في عونك

[فلسفة مهندس]

والله نصيحه ياخوي بن رمضان

طبعا انت على ماعرف هندسه كيميائيه يعني لازم تاخذها

على ماسمعت انباء انه فيه دكتور راح يدرسها الترم الجاي

لقبه فيه حرف الشين بس ماذكره زين

لكنه يساعد الطلاب كثير .. بس مشكلته يدرس شعبه العلوم .. لكن تقدر تاخذها عنده بيكون اهون

الدكتور محمد مكي .. بصراحه شرحه جميل ويفهم .. بس الاساله تجي صعبه بشكل ماتتوقعه

وتحس كانك تختبر اختبار يعطيك شهاده الدكتوراه موب اختبار كيمياء عضويه

[حلمي بروفيسور]

بصراحة محتار يااخوي
اخذ العضوية ولا الكيميال
ياريت تنصحني قبل لا اتهور زي مااتهورت في المومنتم

[فلسفة مهندس]

ماشاء الله

شكله فيه مواد جديده بسوق الهندسه الكيميائيه

وش الكيميال هذه ؟

بصراحه اول مره اسمعها .. بس الظاهر انها غلط املائي

تكفى قول غلط املائي .. لانها لو معانا بتكون فشله اني ماعرفها

[حلمي بروفيسور]

للاسف مو غلط املائي

المادة هي الكيمياء الفيزيائية

[فلسفة مهندس]

تصدق اني اول مره اسمع بالاسم هذا ..

مع اني ادرسها الحين وبكره عندي اختبارها

الكيمياء الفيزيائيه ماده سهله ... بس مشكلتها طويله شوي

لكن الدكتور محمد عبدالسلام جدا متعاون مع الطلاب

والمعمل حقها سهل الا اذا انت تكره الرسوم البيانيه

واذا تبي تنزلها تراها سهله ومافيها صعوبه لاتتردد فيها يالغالي

[حلمي بروفيسور]

اغلب الطلاب ينادوها ب الكميكال لان اسمها بالانجليزي كذا وعلى فكرة غلط اول بدل الكاف حطيت ياء
وشكرا على نصيحتك راح انزلها الترم الجاي بدل العضوية

[المغامر الصغير]

الطلاب يقولولها فيزيكال .......

اما بالنسبة للعضوية فـ الله يسامحه د.مكي ياخي جايب اسئلة مادري من فين لا ومعطيني في المشاركة 1
واليوم نزلت درجتها وكانت زي الزفت

[فلسفة مهندس]

الدكتور مكي بالفعل جاب اساله صعبه

وانا بصراحه بعد الاختبار النهائي كان طموحي انجح بس

والحمدالله نجحت .. ولو انه الدرجه واطيه ونزلت معدلي

بس اهون بكثييييييييير من اني ارسب واعيدها <<< ينظر للجانب المشرق