يلا نتعاون ونستفيدخطه ا من ب

[حنين الزمن]

السلام عليكم كيفكم صبايا يلا دحين بدا الجد بس حابه اي وحده كانت الف تقول كيف عدت عليها وكيف كانت الماود معاها وطريقه مذاكرتها والعكس صحيح بالنسبه كمان ل ب




انا بالنسبه ليا كنت الف اول مره كنت متخوفه بس لما بدات في المذاكره تبين لي الاتيوي شوي
الرياضيات سهل ممتنع بس صدقوني مع المذاكره بتركيز مره حلو بس ابداوا من دحين عشان يسهل عليكم
العربي جدا سهل ومفهوم بس كتيييييييييييير لازم تذاكريه قبل بوقت
الحاسب كتير بس حلو لما تجي تزاكريه حاولي تطبقي انا كانت كدا مزاكرتي عشان يثبت
الثقافه دش مابقوللك احفظيه لانه مستحيل بس اقريه بفهم وتركيز مره واتنين وتلاته عشااااان يثبت
الانقلش مايحتاج اهم شي فهم القرامر
وموفقين يااااااارب يلا كل وحده تكتب تجربتها عشان تعم الفائده ياااااارب الفل مارك باءذن الله

[r8ona]

وقت ماعرفت ان خطتي ب من حتكون الترم الاول ارتحت قلت حلو انو جاتني القليلة عشان اجيب معدل يحفز من نفسي وادخل على الترم التاني بحماس وتحدي ..

بس برضو كنت اتمنى اني اخذ خطة أ الترم الاول اخلص منها ..

مهارات الاتصال .. مراااا حلووه ومايحتاج حفظ لانها كلها من واقع حياتنا اليومية

مهارات التفكير .. دشششششش وتحتاج تركيز بس برضو مو حفظ لانو مستحيل اقدر اجمع كل معلومات الكتاب مع بعض

الاحصاء .. جدا جدا جدا جدا سههههل وممتع كلو قوانين وتطبيق مباشر مافي لف ودوران حتى انو القوانين ماتحفظوها تجيكِ ورقة في الاختبار مكتوب فيها كل شي وبالعربي كمان .. اللهم عليكي حفظ القوانين , والمميزات والعيوب بالنسبة للمنوال والوسيط والوسط الحسابي ...

الانجليزي .. يعتمد على القرمر وكل كلمه خديها وترجميها صدقيني بيسهل عليكي

ولازم تبدأو تذاكروا من بدري لا تقولوا سهل وومكن بفترة قصيرة نخلصوا .. اعملوا حساب للضروف الواحد ما يعرف ايش يحصل معاه لا سمح الله ..

وسامحوني على الاطالة ..

[حنين الزمن]

مرسي اختي يعطيكي العافيه يلا بنات وين المشاركات ولووووووووووو

[فنوني المنصوري]

بالنسبه للانجليزي ياحلوات كلنا اختبرنا نفس الكتب ( الاحمر - الاخضر ) وبنفس اليوم كمان
يعني الانجليزي كان مشترك بين الخطتين.. والمستوى الثاني نفس الطريقه .. ( حبيت اوضح هذي النقطه اللي ممكن ماتكونوا عارفينها )

[حنين الزمن]

عارفين حياااااتو بس مو مشكله ان كل وحده تعطينا معلومات في طريقه مذاكرتها ممكن تفيدنا ليه لا

[دموع الفرح..]

انا كمان كنت خطه ا
ونصيحه ركزوا وذاكروا بدري لانها سهله الموووووواد ومرت علينا بالمتوسط والثانوي
الرياضيات اسهل مادرستي في الثانوي ويبغاله تركيييييييييز في القوانين
والعربي سهل بس كثير ويبغاله مذاكره من بدري وحيكون سهل اما اللي بيذاكه قبل الاختبار فقط حيتلخبط ويصعب عليه ويتشتت للعربي والرياضيات بذات يبيلها من بدري المذاكره..؟؟اول باول
الثقافه دش بس يبيله قرايه بتركيز ومن الحياه الاسلاميه مافي شئ صعب ابدا..
والحاسب سهل جدا جدا ممكن البحث عن محاضرات الاستاذه حليمه ادرريس عثمان مررررره تعطيك المفيد وتترك الدش كل الاسئله من اللي تركز عليه
والانقلش انا اكتفي بالمذكره والحمدلله جبت امتياز ماجبتها في المتوسط والثانوي خخخخخخ
بس المذكره شاااااامله والاسئله كلها منها...؟؟


والله يووووفقنا جميعا ويسهل علينا السمستر الثاني ونطلع من التحضيري على خير وبامتياز..؟؟