عن المستوى السادس ||

[طموحي ماله حدود IT]

السلام عليكم جميعا
بدايه موفقه للجميع ان شاء الله :)
لوسمحتو حبيت اسستفيد من اهل الخبرة
وابغا اسالكم عن المواد
قواعدالبيانات ,تحليل وتصميم, نظم التشغيل, الرسم بالحاسب
وابغا اعرف طبيعة هذي المواد , تعريف مختصر بها , مدى سهولتها او صعوبتها
مع خالص شكري .....

[نارات]

وعليكم السلام .. داتابيس 1 تتكلم عن قواعد البيانات "جداول+علاقات "والاي ار دايجرام ,والسكيما .. والنورماليز .. الماده اخذناها قبل سنه مع استاذه ساره السيد مرره كويسه وفاهمه في المادة بس معملها كنا بنشتغل عالاوراكل ركيك وغبي شويتين .. بس تعتبر المادة من احلى المواد طبعا وأمتعها ..المادة فيها مشروع مره حلو وعليه 20 درجه ..
اناليسس تتكلم عن تحليل اي نظام قبل تنفيذه ,, اللايف سايكل ,, والانترفيو والاستبيان وبصراحة اشياء ما افتكرها لانه الكتاب كانت انجليزيته مو مره حلوه بس أ:فاطمه بامشموس مره كويسه وكانت تترجم حتى في الاختبار وتعطي كمان بونس ومعملها مره حلو بنسلم فيه المشروع كمراحل . .يعني تسلمي تحليل فكره مشروعك , الاستبيان ,, المقابله ,, الميزانيه ,, جدول المهام واشياء كثيرة سهلة ..بس اللي سمعته انه حتدرسكم سومي والله يعينكم ..
الجرافيكس ماده برمجه يعني مثلا تكتبي كود عشان ترسمي دائرة او اي شكل طبعا دا بشكل مبسط لكن في النهايه تسلمو مشاريع عل مستوى "ألعاب ,,وبرامج فيها انيميشن واشياء حلوه "
الماده حقيقي صعبه بس اللي سهلتها علينا الله يسهل عليها رانيا الغامدي استاذه معمل الماده واللي برضو للاسف الان هيا في تفرغ للماستر الله يوفقها ..
دكتوره الجرافيكس كانت وفاء .. حقيقي ماتشرح وحتضحك عليكم كثير ومن أسوأ من قابلتهم في حياتي ولاول مره كان يوصل انه دفعه من 60 طالبه نشتكي ونوقع ومانخاف ونحط اسمائنا .. وطبعا لاشفنا لادرجه دوري 1 ولا2 ولا بروجكت ..شفنا الدرجه عالاودس وياللعجب كنا اغلبنا ماخذين البلس وال100 كمان وتفاجأنا .. لكن الزبده معاها تذاكري بس اسئله اخر التشابتر وتجيبها كوبي بيست وتغير في بعض البرامج .. حتى الفاينال جابت برنامج عليه 10 درجات والثاني 15 وكان افتكر برنامج الساعه ."انيميشن "
نظم تشغيل هيا اصعب ماده واللي لازم لازم تفهميها مزبوط .. حتتعبي مع الدكتوره بس احنا كنا بس نذاكر السلايد واكتشفنا الموقع اللي تجيب منه بس اللي سمعته دفعه التيرم اللي راح قالوا ماجابت منه شي "كفشتنا يعني "
الماده دي مافيها مشروع .. ومعملها لو مع هند مصباحي مره كويس "ذوق وشرح واخلاق"شدوا حيلكم وربي يسهلها

[نارات]

دا الموقع اللي كانت بتجيب منه دكتوره لمياء في نظم تشغيل
http://www.indiabix.com/computer-sci...tems-concepts/
ودا موقع شرح للماده بس حاليا مغلق للصيانه
http://www.aoua.com/vb/showthread.php?t=226256

[نارات]

http://www.scribd.com/doc/55463379/ERD-Examples
داا للينك للداتابيس
ودا للعملي
http://www.slidefinder.net/p/practic...ms/14108952/p2
عندي فايلات كثيره بس عندي مشكله في الرفع وللاسف ماقدرت ارفعها لكم ..

[حـلآتي بـ:هـدوئي..~]

نارات مررررة يسلمووو ..

استفدت كثير من كلامك ..

مشكوورة .. ربي يوفقك

[طموحي ماله حدود IT]

مررررررررره شكرا نارات
جزاك الله خير

[no00on]

طبعا الاخت ماقصرت اللي قبلي وعلمتك بكل شي
انا اضيف عليها انه الترم السادس ممتع جدا وحلو شدي حيلك وترا تقدرين ترفعين فيه معدلك باذن الله
انا اخذت نفس المواد اللي انتي اخذتيها وزياده فوقها مادتين حره وعامه
وهذي مو بس شهادتي شهاده حتى البنات اللي معااااي
بالتوفيييييق ياابطه *_^