~||$ كَلِــــــــمَةٌ ,, فِــــي ,, البَـآل .. وَ نَظَرهةٍ إلَــىَ آلْسَـــمَآءِ $||~

[دافئ الإحساس]

	.. كلمة احب اووجهها لامي الغالية .. .. امي غاليتي انتي السبب بعد الله في وجودي.. ..يامن اتعبتك وانا في ظلمات رحمك واتعبتك وانا على وجه الخليقه.. ..يامن حملتي هم تربيتي وآلمك مرضي واشقاك حزني.. ..غاليتي مهما قلت فلن اوفيك حقك يامن كنتي للعطاء رمزا.. ..وللتضحية علامه بارزه .. يامن تعبتي لراحتي.. ..وسهرتي راغبة ان اكون بصحتي.. ..ياعزيزة النفس ياكريمة الخلق.. ..ياعظيمة بعطاءك الذي لاينضب.. ..ياكبيرة في عواطفك الجياشة.. ..تهضمين حقك لاجلي فهل انا استحق هذا.. .. يامن دمعت عيناك كلما رآتني في ضيقه .. .. يا اختي يا امي ياصديقتي .. ادعو ربي ان تكوني معي وان لايحرمني من عطائك .. ..امي كلمة قليلة باحرفها كبيرة بمعناها.. ..تتجلى فيك اسمى معاني الحب والحنان والعطف والرحمه.. .. ادام الله عزك وابقاك شجرة وارفة الظلال .. هذه بدآيتي هنآ 2\4\ 1433 هــــــــ . {.. ربيع الآخر..} 24\2\2012 مـــــ . {.. فـــبــرآآيــر..}

[دافئ الإحساس]

يسعدني ويشرفني ان اكون عضو من أعضاء منتدى مدونتي..





واشكرك . . اختي دودي .. عالترحيب .. الجميل ..

[دافئ الإحساس]

	قصة ابدآآآع نصيحة اقروها هي عبارة عن 10 اجزآء .. .............. الجزء الأول جاء خطيبي كـــ اي شاب جاء يخطب اهله كلموا اهلي سالنا عنه ووافقت تحدد الموعد المحدد وتزوجت .. انتهت وبدت قصة عنآآي ! كنت اشوف زوجي شآآرد ذهنه يسرح كثير .. كلمته يتآخر حتى يرد علي والا يقول : هااااااه !! خمنت ان ورى زوجي سالفة ماهي بسيطة يعاملني عادي جدا مره من المرااات كان كالعاده مستلقي وشارد ذهنه ... ناداني قال : ميــــــــعاد طالعت فيه قلت: ميعاد ؟ من ميعاد !!! قال: هاااااه لا لا ولاشي وحااول يغير السالفة وانا الدم اللي بعروقي نشف هذا اللي كنت خايفه منه زوجي بحياته انسانه غيري ! طيب وانا وش خانتي بحياته لي تزوجني ؟! كانت اساله كثيره تدور براسي خليته لين جاء بالليل جات عيني بعينه وعلى طول دموعي نزلت: ليش تخونني ؟ قال: سالفـــــــــــه طويله وانتي الحين صرتي زوجتي ومالك بالماضي وقفلي ع الموضوع قلت: طيب ماضيك مالي فيه لاكن لا تخونني ترى اكثر شي يوجع المره ويجرحها من زوجها الخيانة ! مارد كتبت له مسج : الى نصفي الثاني كان وقع طعنتك علي مؤلم جداً وعمق جرحك بـــ صدري موجعاً جداً ! ورغم ذلك مددت يدي لك ليس احتياجاً او ضعفا ً بل لاني ادرك ماذا تعني كلمة [العفو عند المقدرة ] طنشت السالفة وتناسيتها بمزاجي والا انا مانسيتها بعدها بفتره كان طالع بالصاله مو جايه نوم حسيت فيه استنيته طلع وبعدها بربع ساعة تسحبت وطلعت واسمعه يكلم كان يقول : والله يا ميعاد شيبت وانا بعز شبابي لو تشوفين شعري شيب من الهم ميعاد انا احبك وابيك وابي اتزوجك .. انتي عارفة ان زوجتي تزوجتها عشان انسى بنت خالي ويوم حبيتك نسيت بنت خالي ونسيت زوجتي ابيك انتي !! كنت مصدووومه اسمع وكأني في عالم ثاني طيب ليه يازوجي تسوي فيني كذا انا استاهل منك كذا !!! رحت لميت كل عفشي ورحت له قلت منت مجبور تحبني ولا مجبور تعيشني معاك وانت ما تحبني بس الظلم انك تعذبني وكأن ماعندي احاسيس ولا مشاعر وربي لو كنت اعرف ان بحياتك انسانه ماكان خذتك ترى الزم ماعلى الوحدة الا كرامتها وانا بحفظ اللي بقى لي من كرامه معك وارووح .. قال: لحظة خل نتفاهم خلاص بسوي اللي تبينه بس لا تروحين يتبع ...

[دافئ الإحساس]

	الجزء الثاني قلت: واللي داخلي كسرته كيف يتصلح ؟! سامحتك ع كل شي, وغفرت لك ان تكون كاذب, جاحد او حتى بخيل في مشاعرك تجاهي ... كنت وحدك ! رغم ذلك قبلت ان تشاركني بك نصف الدنيا الا [الخيانه] منذ ان وصلني نبأها و انا العن قلبي حين يحاول مسامحتك بها واعجز عن تقبل صدمه ضيق عين روحك ... ربما لان عين عمري كانت قد امتلأت بك وكنت اظن انك مثلي ! لا ان اكون في احدى يديك بينما تبحث اليد الاخرى عن غيري .. سامحتك ع كل شي الا امر استغفال قلبي ! ليس بيدي ان اسامحك عليه او ان لا اشعر بعده انك غريب عني .. جاء اخوي واخذني وكنت حامل بالشهر الرابع تقريبا .. صارت احداث كثيرة بختصرها اني رجعت عشان اللي فبطني ومره من المرات كنا قاعدين نتناقش فالاسم: قال اتمنى يجينا بنت قلت ليه قال انا ابغى اسميها ميعاد (واكيد كلكم تعرفون الحين من صارت هــــــــــــ الميعاد بحياة زوجي ) قلت: مستحيييييل والله ما تسميها لو تموت ماتسميها ميعاد قال والله مو بكيفك غير اسميها ميعاد قلت طيب وصرت افرش سجااااادتي وادعي انه مايجيني بنت قلت يارب ارزقني ولد وووويوم ولدت جاني ولــــــــــــــــد فرحت من كل قلبي لانه مارح يقدر يسمي ميعاد جاني قال بنسمي ريـــــــــــــان قلت اوكي حلو وسميناااه عادي انشغلت انا مع ولدي وصرت اشوفه كل الدنيا واشغلني حتى عن اني انبش ورى زوجي بس مره ذبحني الفضول يوم رجع خليته الين دخل الحمام الله يكرمكم وشفت جهازه وقلت بفتحه فتحته كنت عارفه رمز الحماية من كثر ما تخاصمنا عطاني الرمز حق القفل يوم افتح الرساااايل ما لقيت شي فتحت التقويم والقى رسايل من ميعاد بغيت انجلط تخيلووووووو هي سمت ولدي يتبع ....

[دافئ الإحساس]

	الجزء الثالث لقيت رساله منها مكتوب عااادي تسمي ريان ؟ وحصلت رسالة من زوجي كلها حاطها بالتقويم كاتب لها: كنت اتمنى يجيني بنت اسميها ع اسمك عشان اسمي يرتبط مع اسمك الين اموت بس جاني ولد وسميـــــه انتي .. كان حاط الخلفية صورة يد وحده لابسه عباية عرفت انها يدها لانه فتح الباب وانا ماسكه الجوال سويت نفسي ماخفت ولاشي قلت له: وبعد حاط يدها خلفية ؟؟ هذا اللي ناقص قال: حطي الجوال قلت: لا بمسحهاااا قااال: والله لو مسحتيييها لا امسح روحك آآآآآه ناظرته وقلت للدرجة هذي: شد حيلك في جروحي ..... خل هذا الجرح يكبر.. اجتهد..... عذب لي روحي. .! طيح ... من هــ العين اكثر قلت له: طلقنــــــــــــي وروح تزوجها انا تعببببت معاااك ياولد النااااس عذبتني حرام عليك قسم بالله لا يصير فيني شي تراك انت السبب قال: حرام لا تظلمين ميعاااد تراها طيبة وترى هي بنت رجااال وقفت معااااي وقفات ما انساها لها تذكرين يوم رحتي بيت اهلك وانتي حامل كنت مابرجعك بس ميعاااد كلمتني تبكي ترجتني تقوول لا تطلقها واذا طلقتها مااعرفك ولا تعرفني انا وجودي غلط بينكم انا اللي انسحب مو زوجتك وانا اسمع له وجروحي تنزف وهو يحكيني ودموعه ع خده بيقول اسرتني بطيبتها يوم جيت ارجعك ماكان فجيبي ريال واحد قالت ميعاد تعال انا عندي الفين حاطتهم من زمان مااحتاجهم الحين خذهم وروح اتمشى مع زوجتك وغيروا جو ومسامحتك دنيا وآخره وانسااني وعيش حياتك مع زوجتك .. كمل واحس كل كلمة خنجر يزرعه بظهري قال حبيتهااا وهي الحين ماتبيني قالت عش حياتك مع زوجتك وولدك.. اخذ شماغه ومفتاح السيارة وطلع وقلبي ينزف وعيوني تدمع ولسان حالي يردد: لا تروح ! هات لي هذي الجروح .. ادري ماتغلا .. عليهم ! هات جرحك خله لي .. انا متعوده .. (طعون) لاني اصلا من عرفتك وانا ادري بك (تخون) جلست افكر ودموعي تنزل ع خدي مثل الجمر.. تحملته بما فيه الكفاية حتى اهلي يوم كنت ازعل واروح عمرهم ماعلمتهم بس عشان صورة زوجي ماتهتز قدامهم جلست اطالع فولدي واضمه وابكي .. يالله حتى ولدي هي اللي سمته وانا اللي كنت ع نياتي قلت اكيد عاجبه الاسم يتبع ...

[دافئ الإحساس]

	الجزء الربع رجع زوجي بالليل كنت بالغرفة ناداني بالصاله عشان ولدي كان نايم رحت له قال: خلينا نفتح صفحة جديده قلت انت طويت كل صفحات عمري انت ربطت ميعاد معي للقبر انت انسان حقيير قلبك ماهو قلب انت تعيش بصخر جلمود داخلك وياحسافه ع كلي شي عطيتك ... فجآة دق جواله ناظرته قلت رد واذا انت رجال رد وخلني اكلمها رديت عليها: قلت لها ارتاااحي انا طالعة من حياته للابد اشبعي فيه انتي وياه حقيرين وتنفعون لبعض انا رايحة اعيش بيت اهلي معززة مكرمة بس اخذت لي جروح تكفيني عمر منكم مارح اسامحك لا انتي ولا هو .. ولا تفرحين دامه خانني عشانك بيخونك عشان غيرك واوعدك.. رميت له الجوال قبل حتى ما اسمعها اش قالت قال لها: يالله ميعاد بعدين اكلمك ناظرته بكل احتقاااار.. وطلعت غرفتي ابي اخذ شنطتي جاء عندي قال: تكفين لا تروحين قلت: خلاااص انا انتهيت وانا تعبت منك ومنها قال: اجلسي طيب لبكرة اوديك قلت طيب عطيته ورقة كنت كاتبتها له ورحت غرفتي انام تعبت ففي نهاية الامر.. انا [بشر] مهما كانت قوتي وشدة تحملي امامك! ما خطبي ؟ لكي ترفضني هكذا كلما اخضعت لك قلبي ولم كنت اقدم لك كل ما املكه من المشاعر ......... بينما تزن انت كل ما تعطينيه من احاسيسك ! وادرك انك آخر من قد يستوعب ألمي حين يقرأني رسائلي لا تصل اليك, ودموعي لا تصل اليك,ودعواتي لا تصل اليك, وآهاتي لا تصل اليك, وانتحاباتي لا تصل اليك... ولا شي.. لا شي يخصني قد يهمك تسخر مني الدنيا الآن , وتخرج امامي لسانها استهزآء بأنني قد أحببتك انت, بينما كنت تعبث بأضلعي ! الفرق بيني وبينك هو انني كبرت حجمك بــ سذاجة بداخلي , بينما اتضح لي صغر حجمي بك مؤخرا! اعطيتك الفرصة تلو الفرصة لاثبات كونك تستحقني ولكنك كنت تكسرني كل مره ... وما عاد يهمك الآن أمر جبري ... حزينة لأجلك اضعتني وانت تدرك تماما ماهية حبي لك التي كانت لا تعنيني الآن ولن تعنيني ابداً شكراً لك فقط كان بإستطاعتك ان تسعدني ولكنك تعمّدت أن تضرب الروح بـــ فأس خيانتك دائماً يتبع ...

[دافئ الإحساس]

	الجزء الخامس اليوم الثاني جاااء زوجي يصحيني ماصحيت حاااول ماصحيت كلم الاسعاف وجوا اخذوووني كنت بغيبوبة محد عارف لييش جلست شهر كامل وانا بالعناية المركزة لا افتح ولا اتكلم ولا ادري عن اللي حولي وربي رحمني من التفكير بميعاد ويخيانات زوجي اهلي يسألون زوجي وش فيها قال: وربي ماادري راحت تنام ويوم جيت اصحيها ماصحيت الدكاتره: اكدوا انه انفجر عرق وصار لي نزيف مما دخلني بغيبووبة شهر كامل تدرون ليه انفجر .. !! كنت اكتم بقلبي كنت آكل بنفسي كنت انقهر وابكي حتى ما اقول لاهلي عن مشاكلي كنت اسكت واسكت واسكت لحد ما انفجر فيني عرق ودخلت غيبوبه الدكاتره قالوا: نامت وهي متضااايقة ؟ زوجي استحى يرد عليهم وش يقول من يوم اخذتها وانا اصبحها بهم وامسيها بهم كان درس لزوجي وصفعه تصحيه كانت غيبوبتي هذي فيها رجعه لي للحياه وكتب لي ربي عمر ثاني صحيت بعد شهر كامل يوم صحيت حصلت زوجي واقف عندي مر علي شريط حياتي معاه كرهته ذيك اللحظة لفيت ع الجهة الثانية قال: الحمدلله ع السلامة قلت: ابي حضن امي ابي احضنها وانسى كل همومي محد يحبني كثرهااا قال: امك طلعت قبل شوي وقلت لها تروح ترتاح وانا جلست سكت لاني كنت جد تعبانه طلعت من المستشفى بعدها ورحت ع بيت اهلي ... كلمني زوجي قال: متى اجي اخذك قلت: لا كملت خيانتك .. لا عاهدت نفسك ماعاد تشقيني انا وريان بانتظارك ... رجع لي بعد شهر ووجهه شاحب ولونه باهت وشعره كساه الشيب شفته كسر خاطري نسيت كل اللي سواه فيني فما زلت انا انثى البياض رجعني ورجعت اعترف انه تغير معاي كثييير صار يحبني اكثر صار قريب اكثر صار يهتم فيني اكثر تأكدت انه قطع علاقته معاها نهائي بس ... ما زال احيان يغلط ويناديني: ميعاد مازال مصر لا جانا بنت يسميها ميعاد ومازالت جروووحي تنــــــــــــــــــــــــــــــزف عشت قرابة السنة حياتي الزوجية شبه هادئة ماكنت اعرف انه الهدوووء اللي يسبق العاصفة كبر ريان شوي صار هو كل حياتي حسيت انه احلى شي بحياتي من يوم تزوجت مره كنا جالسين انا وزوجي بعد مانام ريان بالليل حسيت فيه شي لانه كل شوي يناظرني استغربت نظراته .. طالعني قال: لو اكتشفتي في يوم اني كذبت عليك بشي تسامحيني طالعت فيه: قلت لا قال: ليه قلت لان شوارعك كلها مليانه عتب ومافي موطأ قدم اني اسامحك لا اخطيت مره ثانيه سكت وطالعت فيه لقيته سرررح يتبع ...

[دافئ الإحساس]

	الجزء السادس قلت له: شوف انا ما سامحتك عشان باقي احبك لا انا عشان ريان سامحتك وانا عشان ريان بأعيش والا انت من زمااان مت بداخلي ناظرني قال: ذاك اليوم يوم تنومتي بالمستشفى انتي نمتي متضايقه قلت: انا من يوم اكتشفت وش انا بحياتك وانا كل يوم انام متضايقه بس ذاك اليوم كان العيار ثقيل شوي وانت عارف اش صار بذيك الليله مايحتاج اذكرك قال ايه مايحتاج ادري ناظرني قال: تحبيني ؟ قلت: لو كنت سألتني هالسؤال اول ماتزوجتك كان قلت لو انك تطلب عيوني بقول ان العمى خيره بس الحين لا ما احبك سكت وغصب عني نزلت دموعي وقلت : محمد انت مو بس خنتني ولا بس جرحتني ولا بس ظلمتني انت ذبحتني مره الله كتب لي عمر اعيشه واتمنى مااندم ع اني رجعت سلمتك عمري الثاني ابتسم لي ابتسامه ما فهمت معنااها بس تأكدت انه هالانسان مات بداخلي .. بعد 8 شهوور كنت حامل بطفلي الثاني.. بالشهر السابع.. كنت تعبانه كثير بحملي الثاني جاني مره زوجي قال: اممم خلاص هالمره انتي سمي حتى لو جات بنت انتي سميها قلت : اكيد اجل بخليك انت تسمي قال: طيب يعني الموضوع بالنسبه لك منتهي ؟ قلت: ايه ع بالك بكون غبيه للمره الثانية ضحك وطلع بعدها بأسبوع كان يوم خميس طلع ع صلاه العشاااء والساعه 9 ونص جااء وفتح الباب دخل وانا اناظر فيه مو مصدقه وصرت امسك ظهري من قوة الألم زوجي لابس البشت الاسود قال: مها انا اليوم زواجي جيت اسلم عليكم قبل اروح بآخذ عروستي من القاعه وبسافر اسبوعين وراجع .. وقتها دنقت راسي حزن حسيت بشتاتي وقتها حسيت نفسي طفل اهله بايعينه تدرووون دمعة وحده مانزلت مني ضحكت فوجهه قلت قسم بالله قسم بالله ماكنك مودّعني ولا بتطيح ابد دمعه ولا قلبي بيوجعني عساك تروح ماترجع وبقولك شي واسمعني (كذا تسمع ؟) يمين الله يمين الله على مثلك ابد ما ادمع !! حاولت اكون قويه وانااا بمووووت من الالم وحسيت ظهري يألمني بقووووووة جلست ع ركبي قال: اذا بتروحين لاهلك كلمي اخوك وووحي لحد ما ارجع قلت : يـــ سنيني ! ....... وش كثر ضحيت لأجله ! وف النهاية .........ضحى ...... فيني ! آآآآآه ياعمري حسافه .. قلت روحي : وهاك شوية جروحي واعذريني * والله على قلة الكلافة .. ! يتبع ...

[دافئ الإحساس]

	الجزء السابع حاولت اتمسك بالكرسي واوقف لاني كنت تعبانه قلت اسمعني قبل لا تروح تحرم علي يا محمد بعد اليوم وانا فعلا رايحه بس لا تنتظر مني ارجع لو اشوفك ميت قدامي ودامك تزوجت خلاص بعد عن حياتي وعيش حياتك بعيد عني وعن وعن اطفالي ناظر ساعته قال: اوووه تأخرت مع السلامة قفل الباب وانا اقسم بالله اتوجع واتألم وحسيت اني بموت وما قدرت اتحمل كلمت اخوي قلت له تعبااانه تعال ودني المستشفى جاء اخوي وكنت في حاله ما يعلم فيها الا ربي وكنت طول الوقت استغفر واقول ياااارب هون علي يااااااااااارب ارحم ضعفي يااارب احفظ جنيني يااااااب ان كان محمد ظلمني فخذ حقي وانا اشوف يااارب حملني من الظلم شي ما طقته .. ياااارب انت وحدك ملااااذي وكنت ابكي ودموعي زي المطر عجزت اروضها وصلت المستشفى وكشفت علي الدكتورة وقالت المشيمة كانت صغيرة وموية الراس كانت ناقصة عشان كذا الجنين ما كان عارف يتحرك وكان يسبب لي آلام وقالت اني لازم اطلع ع التنويم جاني الدكتور وفحص دقات قلب البيبي وكانت للآسف ضعيفة وذلك بحكم انو مو عارف يتنفس لانه مويه الراس عندي مو كفايه .. منعوني من الحركة وبعد يومين رجعوا كشفوا لان كان عندهم امل ينتعش الجنين وما احتاج لولادة مبكرة بعد ساعة رجعوا فحصوا دقات قلب الجنين وللآسف ما كان في أي تغير بعدين جات الدكتورة اتكلمت معي وقالت انه البيبي لازم يطلع من بطني فوراً عملية قيصرية قبل ما يصير شي للبيبي لا سمح الله وصاروا يسألون عن ولي امري يبونه يوقع ع العملية قلت: مالي ولي الا الله انا اتحمل كامل المسؤولية لا صار لي شي .. زوجي عريس عضيت ع شفايفي حسره والم قلت: ايه ياااااااخالد زواج محمد كان قبل امس ضرب اخوي بيده ع الجدار قال : حقيييييييييير بعد ما طلعت ذاك اليوم من المستشفى حكيت اخوي كامل السالفة مع زوجي وقعت واتخذوا الاجراءات بشكل سريع وطلعوني ولبسوني لبس العملية وكان اخوي وريان معاي فالممر ناظرني اخوي ودمعت عينه: قال تقومين بالسلامه شدي حيلك عشان القمور هذا واللي جاي بالطريق ناظرته قلت: امانه ياخالد اذا صار لي شي ولدي امانه عندكم لا تخلون محمد ياخذه امااانه لا تخلون ميعاد تربيه امانه لا تحرقون قلبي اذا مت قولوا لمحمد تراني زعلانه عليه ووووماني مسامحته .. كان ريان مع خاله ويناظرني ويبكي يبي يجي عندي يقوول : ماما ماما يتبع ...

[دافئ الإحساس]

	الجزء الثامن ولدت وجبت ولد قمر زي ريان ... سميته راكان وقعد في الخداج لمدة شهر .. وطلعت بيت اهلي .. واهلي طبعا بعد ماعرفوا بزواج زوجي قالوا ماترجعين له... وانا كنت اساساً مستحيل ارجع له بعد كل شي صار رجع زوجي من شهر العسل ... جااء ياخذني ما رضيت اقابله وقلت لاخوي يبلغه اني ابغى الطلاق وما ابغى غيره قال قبل اطلقها ابغى اقابلها للمره الاخيره : لبست حجابي وطلعت له بالمجلس ..قال خلاص تبغين نتطلق ؟ قلت: ايه ولاني ندمانه انا لو ظليت معك بيظل الندم شوكة بحلقي الين اموت قال: فكري طيب قلت : افكر !!!!! افكر بيوم تناديني ميعاد والا افكر بيوم زواجك يوم رحت وانا اتألم قفلت الباب ورحت ولاهميتك الحين جاي تطلب مني افكر !!! مستحيل انا ان قلت اكرهك فهي شوية عليك لما تمسّكت بدنو موقفك معي واصريت علي ان تتدحرج كره ثلجك من أعلى قمّة في عيني بإتجاه الأسفل لما تعمّدت أن تكسرني الي الحد الذي يخجلني الآن من مواجهة كبريائي لا يهم الآن .. أن كان يهمك أن أغفر لك اذهب بإتجاه ريح الغياب ................ ولا تعد مهما حدث ..! قال : طيب بس سامحيني قلت: الله لا يسامحك لا دنيا ولا آخره .. وطلعت من المجلس .. ما ابغى ابكي قدامه ولا ابغى ابين اني حزينه على فرقااه طلعت وكان قدامي ابوي كان متأثر بكل الأحداث اللي صارت لي وبان في وجهه كان مهموووم ناظرني ودمعت عينه قال: سامحيني يا بنتي ماعرفت اعطيك اللي يثمنك رحت قربت منه حبيته على راسه قلت: افاااا يابوي تبكي وانا رغم كل ماصار اضحك واهز القاع من تحتي لاااا يا بوي لا ياتاج راسي انت مالك ذنب تكفى لاااا اشوف دمعتك يبه مكتوب لي من قبل انولد ان بيصير لي كذا وكفاية طلعت بـــــ احلى اثنين ريان وراكان وكفاية اني غفرت له اكثر من مره وكان هو مصر في كل مره يخسرني يبه يكفيني انك انت ابوي ماني حزينه عليه ماني تعبانه من فراقه .. شوفني رفعت راسه وابتسمت له باسني على جبيني قال: الله يكملك بعقلك يا بنتي .. صدق اني عرفت اربي طلقني .. عششت حياتي كان يجي ياخذهم كل خميس يمشيهم ويرجعهم بديت اعيش بدوا اولادي يكبرون بدت ترجع لي ضحكتي .. مره كنت طالعة انا وعيالي واخوي نتمشى .. ويوم رجعت وصلنا عند البيت .. اول ما فتحت السيارة ونزلت.. كان عند بيتنا وجه اعرفه زين .. ناظرني خالد: قال مهااا هذا خالد يتبع ...