ضرب الزوجــات ,,, نريــــد الحلول

[زمردة 2009]

بكل بساطه المرأه عندنا جُبلت على إنها تسكت وتهاب الرجل ومهما سوى فيها تضل ساااكته ولاتسترجي تروح تشتكي عليه فبالتالي أصبح ماعندنا قوانين رادعه لهولاء أشباه الرجال ..!

الضرب معروف إنه آآآخر الحلول وشبهه الرسول عليه الصلاة والسلام بالسواك لغرض الأذى النفسي ولا يتعدى لأبعد من هذا

القانون والله ماياخذ حقها يمرمطون فيها وجلسات ويقالك بياخذون حقها وهوو ماعندك أحد وأعرف حالات شخصيه من

هالنوع مو طق أشياء أكبر من الطق ماياخذون لها حقها هذا وحنا نحكم بشرع الله وقضاه ياخذون رواتب على حد رواتب


الوزراء ولامنهم فايده , إلا القله من رحم ربي

المهم المرأه العاقل لما تشوف إنه محد بياخذ حقها تاخذه بيدها الرجل يوم يشوف المراه ضعيفه ياطي عليها

لكن المعامله تكون بالمثل أول مايفكر يمد يده بأقرب تحفه وعلى صماخه والله أعرف حاله ياااكثر ماكان يطقها وهالحين

حاطها فوق راسه وماتكتفي بهالشي تجيب خوانها بعد يأدبونه لين يخيب ثناه ..!

حزتها بس تعرف شلون تطلع كرامتها وحقها ويحترمها غصب عن عينه أو تسريحاً بإحسان لكن يمد يده يخسي

وهذا الشي مفروض يتعزز بالبنت من وهي عند أهلها علشان لاتخاف منه

حنا بمجتمع ما يرحم المرأه ويحملها كل الأخطاء إذا هي ماقووت عينها محدن درى عنها

نعم للشراسه في مجتمع يحّمل المرأه مالاطاقه لها به