صيدلاني وصل

[ممههنندد]

بسم الله الرحمن الرحيم
أولا: تم قبولي فكليه الصيدله ولله الحمد . وعندي آسئله وأتمني من اللي يرد عليها يكون فاضي ومروق عشان كل كلمه احتاجها منكم ؤاضعها ف الحسبان ........ ومدري ليه إحس أغلب كليه الصيدله بنات ب الذات (منتدى كليه الصيدله) أحس انه تخصص بناتي وماينفعلي ههههههههههه ....... إليكم إلاسئله ...


س1/ طريقه المذاكره كيف بتكون غندنا سته مواد هل كل ماده لها نفس طريقه المذاكره مثلا كلها من السلايدات ولا كل ماده تختلف عن التانيه وهل في طرق افضل واسهل واوضح من السلايدات وفهم المحاضرات وهل السلايدات حنلاقيها متوفره جاهزه ...( بصراحه ?زم نعرف من بدري عشان ماتبدا الدراسه ونبدا ندور ونبحث ويضيع وقت مننا


س2/ طبعا كل المواد مهمه و?زم نذاكرها اول ب اول لاكن في مواد ?زم يكون عليها التركيز اكبر اللي بتكون فيها عدد ساعات اكثر سواء كانت اصعب او اسهل من غيرها واكيد طبعا بتكلم عن (كيمياء الصيدله) 12 ساعه اعتقد هيا الاساس ...سوالي هوا / ايش الماده اللي من اريكم تشوفها مطفشه الطلاب ...ضيعو درجات كثير فيها ... نزلت من معدلهم... ؟



س3/ المواد ( كيمياء حيويه + علم وظائف الاعضاء + علم التشريح وا?نسجه) قريت عنها فمنتدى كليه الطب الشى الكثير والكافي ولخصتها وصار عندي خلفيه جيده عنها ... ?كن معلوماتي محدوده عن مادتين (كيمياء الصيدله + صيدلانيات ) ياريت تحكو عن الجانب المظلم منها الجانب الصعب عشان نكون فالصوره ......مايحتاج رفع معنويات ?نو يكفي فخر اسم (كليه الصيدله )




س4/ انا بصراحه مرتب يكون عندي مدرس خصوصي ..... تقولو مايحتاج خصوصي. ..... اقول معليش ادا كان الواحد حريص ع الدرجه ومنظم وقتو بين الجامعه والمدرس والمذاكره ..... انا كان عندي مدرس ب التحضيري اسمو (سيد ) واعتقد كثير يعرفوه ... بعد الله ثم سيد جبت احللى درجه ممكن تنقال ولله الحمد ف الكمياء .... وافتكر لما كنا ننتظر السيد يسمحلنا ندخل عنده ... كان يخرجو طلاب معاهم سلايدات غير عننا ..... سالناه مين دولا ?!! .... قال دول بتوع الصيدله .... احللللى ........ وقال ان شاءالله تصيرو زيهم وكنت مره متحمس .... فكان يدرسهم كيمياء بس ايش الماده ماعرف. فياريت تقولو ايش هيا الماده اللي فيها فهم كثير و باالتالي ادرسها عن السيد ...... (( يمكن دا السوال اوجهه لسيد بس سيد مو موجود الى بعد العيد ....

اسف ع الاطاله من جد

[ُزمرد]

اهلين وعليكم السلام والرحمه .. اولا هههههه عدد الاولاد في دفعه الصيدلة اكثر من البنات _عشان لاتقول تخصص بناتي _

المذاكره من السلايدات و حتكون متوفره الدكتور ح يعطيكم هيا كل محاضره وانتو تصوروها مافي لاتعب ولا حوسه ^^ لكن ماده الفاراماسيوتكس "صيدلانيات" اول ترم درسناها من الكتاب والاناتومي كمان كان كتاب بس الباقي سلايدات وشيتات :)


- ماشاء الله جاوبت نفسك بنفسك فعلا الماده هيا كيميا صيدلية هيا اللي لو عليت تعلي المعدل ولو وطيت توطيه :) ماده تطفش الطلاب ماادري صراحه لكن بشكل عام كانو في ناس مايحبو البايوكيمستري لكن للامانه الماده والله سهله جداً ومتتتعه وكمان ماده الاورقنك هيا مو صعبه بس دسمه شويه ( لانها ماده تخصص ) بس سهله والله :) وعلى فكره ماده الاورقنك اللي هيا كيميا عضويه تندرج تحت ماده كيمياصيدلية
يعني الكيميا الصيدلية12 عباره عن مادتين اورقنك6 انالتيكال6


- كيمياءصيدليه قلتك هيا عباره عن مادتين اورقنك كيميا عضويه< الكان الكينات اغوال الدهيدات الخ ... المواد العضويه يعني ح تدرسها
الانالتيكال "كيمياء تحليلية" تدرس فيها طرق تحليل المواد ومعايرتها والماده اغلبها (اجهزه) تدرسو الجهاز الفلاني وظيفته وايش ممكن يحلل من مواد والى اخره..

اما صيدلانيات ف دي ماده جداً مهمه ح تدرسها من سنه 2 لين 5 "يعني هي اساس من اساسيات الصيدلة"
يقولو كل سنة تختلف مااعرف كيف المهم حقت سنه 2 الترم الاول كان عباره عن حسابات جرعات الادويه للمرضى " يعني كله حلول مسائل "
الترم الثاني كان كله نظري مافي مسائل . درسنا اشكال الادويه مثلا كبسولات اقراص حبوب فواره الى اخره " وطبعاً سويناها في المعمل حماس اخر شي "


- وبالنسبه لاخر سؤال عندك ف والله ما اعرف ايش اقلك لكن انا كنت ما اؤيد ابدا أحد يروح لمدرس خصوصي لان الوقت حيضيع واصلا ( تعب عليك) حتى لو منظم وقتك ح تفضل من دحين لين تتخرج تروح لمدرس؟ 5 سنوات عالحال دا! انتا شوف اول اسبوع (ركّز) مع الدكاتره ناسبك الوضع كان بها ما ناسبك ومنتا فاهم وقتها روح لمدرس وبالنسبة للمواد اللي يدرسها سيد ف اتوقع كيمياء حيوية "بايوكيمستري" و بلا شك اكيد 100٪ كيمياء عضويه "اورقنك"

لاخد راحتك واسال زي ماتبغى

[ممههنندد]

ماشاءالله تبارك الله .... يسلمو الأيادي دكتوره زمرد ....هوا صح كلامك لازم نستغل الوقت ولاشك بمجرد دخولنا الصيدله لازم نحترم الوقت .... طبعا بتكلم بخصوص المدرس الخصوصي لأكن ان شاء الله أنا بحاااارب اول شهر الين أبدا أتأقلم مع الوضع ويصير عادي عندي لانو زمن التحضيري والدلع ولا وراح ........لنفترض انو كل يوم بنخرج الساعه 5 وبننرجع تعبانين يدوب ننام عشان نقوم نصلي المغرب ونقوم. نفتح الكتب يدوب تقري كم كلمه وجات الساعه 11 وقولي ساعه مع الأهل وعشا وكدا جات 12 لازم ننام لان ورانا يوم طويل ويبدا من 8 ولازم نرتاح عشان نقدر نجمع ونركز طبعا أتكلم عن الايام اللي مافيها خصوصي ....... يعني ب العربي لازم لازم نحاارب الوقت عشان نتعود ونكون مرتاحين من تاني شهر وأكيد التعويض والتركيز والاساس هوا ف الخميس والجمعه ..... وإن شاء الله مافي شي صعب دام الله فوق

[ُزمرد]

المشاركة الأصلية كتبت بواسطة ممههنندد ماشاءالله تبارك الله .... يسلمو الأيادي دكتوره زمرد ....هوا صح كلامك لازم نستغل الوقت ولاشك بمجرد دخولنا الصيدله لازم نحترم الوقت .... طبعا بتكلم بخصوص المدرس الخصوصي لأكن ان شاء الله أنا بحاااارب اول شهر الين أبدا أتأقلم مع الوضع ويصير عادي عندي لانو زمن التحضيري والدلع ولا وراح ........لنفترض انو كل يوم بنخرج الساعه 5 وبننرجع تعبانين يدوب ننام عشان نقوم نصلي المغرب ونقوم. نفتح الكتب يدوب تقري كم كلمه وجات الساعه 11 وقولي ساعه مع الأهل وعشا وكدا جات 12 لازم ننام لان ورانا يوم طويل ويبدا من 8 ولازم نرتاح عشان نقدر نجمع ونركز طبعا أتكلم عن الايام اللي مافيها خصوصي ....... يعني ب العربي لازم لازم نحاارب الوقت عشان نتعود ونكون مرتاحين من تاني شهر وأكيد التعويض والتركيز والاساس هوا ف الخميس والجمعه ..... وإن شاء الله مافي شي صعب دام الله فوق

اهلي د.مهند ماشاء الله شكلك فعلا مهتم بالدراسه لذلك انا ح اكون صريحه معاك حتى فعلا تستفيد من كلامي
بالنسبة للدوام ف خصوصا الترم الاول الواحد مو متعود عالسرعه في الشغل في المعامل ف يخرج متأخر احيانا كنت ادخل بيتي 5 العصر وغالبا 4:30 دا وانا بيتي يعتبر قريب
االدوام مو ممل ومتعب بالعكس الوقت يمر بسرعه اذا كنت حابب التخصصح تستمع لكن المشكلة ترجع البيت تناااام نوم غير طبيعي بالقوة تصحا العشا تصلي ح تجيك حاله تتنيح يا انك تجلس مع اهلك او تنبسط شوية او انه كالعاده ح يكون عندك كويز ف تضطر تسنتر عالشيت
سنة ثانية صيدله تختلف عن 3 و 4 و5
فيها كويزات .. يعني كل شوية ناططلك كويز ..
بصراحه انا اضمنلك باذن الله_ لو تركز مع الدكتور ماتحتاج مدرس اما لو تحضر وحضورك زي عدمك شي طبيعي ماراح تستفيد من المحاضره
معظم اللي يروحو عند المدرس يا يكونو خلقه مايحضرو وما انشرحلهم شي ف مضطرين يروحو او انهم يحضرو ومايركزو يجلسو يتكلمو وعالجوال يلعبوالخ


ماشاء الله دكاتره الصيدله مرا كويسين ف ركز معاهم و حتفهم ان شاءالله
المهم اذا مرا مصر تروح ف خلاص خدلك ماده وحده لاتزود ع كدا عشان وقتك

غير انو مرواحك للمدرس ح يربطك ماحتقدر تمسك الماده ولا تذاكرها الا من بعد ما المدرس يشرحلك الكورس

واساساً مستحيل المدرس يكون مُلم بالماده زي دكتور الماده .. و كللل الدكاتره يقولو اسئله الاختبار اثناء الشرح
ف الذكي هو اللي يعرف يكتبها ع جنب
لكن اللي مايحضر ومسرّح! تروح عليه

وبصراحه اعتراضي الرئيسي على ان الواحد يروح ل مدرس مو عشان عامل الوقت ..
بس ان الواحد خلاص كبر واصبح في وضع لازم يعتمد على نفسه كلياً

لازم تتعود تشغل مخك يعني تتوقع كل حاجه مرت عليا فهمتها من الدكتورة؟ لازم اعصر مخي واسال صحباتي يفهموني وافتح المواقع والمراجع عشان افهم المعلومه والحبيب اليوتيوب ماشاءالله مايقصر

احنا طلاب جامعيين وبكرا ح نكون صيادله بإذن الله، ف لازم من دحين نتعود نشغل مخنا

سوري عالاطاله بس حبيت افصل كلامي.. وبالنهايه هي مجرد وجه نظر قد تكون صائبه وقد تكون خاطئه ^^

[ممههنندد]

اشكرك بعنف جداا ممتن لك