مستجد بالهندسة .. و ضاايع أبي فزعتكم

[MoOoRy23]

السلام عليكم ورحمة الله وبركاته

أنا مستجد في كلية الهندسة وبإذن الله ناوي أتخصص هندسة ميكانيكية

بس ماني عارف أي شيء عن آلية التسجيل & الجدول الخاص بالتخصص

أتمنى أحد يفهمني أنه الجدول بينزل تلقائي ولا أنا أنزل المواد ومتى بيكون ..
وأبغى أعرف المواد اللي لازم آخذها أول "سنة " مع توضيح عدد ساعاتها

شــــكــــــراً لــــكــــم

[the_gaint]

اول سنه عندك خطه من الجامعه تمشي عليها .. طبعا انت تسوي جدولك تقدر تزيد على الخطه وتقدر تنقص كمان

بس الافضل انك تمشي على الخطه نفسهاا بالملي لاني اشوفها افضل شيء واذا تبي تغير سوي تغييرات بسيطه ..

عندك مواد مهمه مثل الماث والـ ie200 والـ meng ( للميكانيكا ) هذا تفيدك اذا اخذتها لان الماث تفك مواد كثير والـ ie200 ما تتخصص بدونها والمينج لانك تبغى ميكانيكا .

هذا اللي عندي وان شاء الله الشباب يفيدوك كمان ..

[zelme]

^^ شباب المستجدين لا احد يقول هذي المادة مهمة وهذي المادة اهم فآخذها قبل هذي

كل المواد اللي موجودة في الخطة اللي حاطينها لكم مهمة ولازم عليك تخلصها خلال الترمين ومع او بدون صيفي، يعني ما في مشكلة اذا تبغى تاجل مادة للترم اللي بعد السنة الاولى لك في الهندسة لكن لا تزود عن ترم حتى لا تتاخر في فتح بقية مواد التخصص

فبالعربي كل المواد العامة الموجودة في الخطة مهمة وحتستفيد منها في تخصصك ايا كان هذا التخصص ميكانيكا ولا صناعي ولا غيره..

وهذا رابط الخطة الدراسية لكم المستجدين، ولا باس ان كل واحد منكم اذا حب تخصص وعزم انه بيدخله يشوف المواد حقته من الايقونة على اليمين البرنامج الدراسي... واستخدمو الاكسبلورر افضل من الشروم واحفظو هذه الخطة في المفضلة حتى ترجعولها وقت ما تحبون
http://engineering.kau.edu.sa/Pages-...%8a%d9%86.aspx

[هدى عمر]

السلام عليكم
الدراسه انشااللله بتبدا 16عربي
بس حابه اسال السنوات اللي قبل فيه دراسه باول اسبوع ولامايحتاج نحضر

[alasd3]

عندي سؤال لدفعة 11

هل الأفضل السير حسب الخطة الدراسية أم وضع بعض التعديلات عليها ؟

إذا كان هناك أي تعديلات مهمة بواقع التجربة أرجو إخبارنا بها ....

وجزاكم الله خيرا

أخوكم عامر

[اللحظة الاخيرة]

المشاركة الأصلية كتبت بواسطة هدى عمر السلام عليكم الدراسه انشااللله بتبدا 16عربي بس حابه اسال السنوات اللي قبل فيه دراسه باول اسبوع ولامايحتاج نحضر

وعليكمـ السلامـ ..,,

الدراسة تبدأ يوم 14 عربي ..,,

طبعا اول يوم اثنين باول اسبوع بعضهمـ يبدأو .. بس الغالب من الاسبوع الثاني تبدأ الدراسه ..

بالاخير حسب مزاج الدكتور ..,,

المشاركة الأصلية كتبت بواسطة alasd3 عندي سؤال لدفعة 11 هل الأفضل السير حسب الخطة الدراسية أم وضع بعض التعديلات عليها ؟ إذا كان هناك أي تعديلات مهمة بواقع التجربة أرجو إخبارنا بها .... وجزاكم الله خيرا أخوكم عامر

امشي على الخطة ولا تحذف ماده ولا تغير مادة ولا اي شيء ..

الخطة مزبوطه ومره تمامـ .. واي واحد يقولك غير ماتغير لا تسمع كلامه ..

هذي نصيحة قيمة .. المفروض ماقولها لك .. عشان كل واحد يحب نفسه و يرتاح لما احد يقع بغلطه هههه ومايلوم نفسه ويندم وكذا ...الخ

المهمـ بالتوفيق لكمـ ..

[Eng.Fahad Alharthi]

نصيحه مني أمشي ع الخطة أحسن لك
عشان لا تتلخبط امورك في السنوات الجايه

[Mr.RaYeG]

http://engineering.kau.edu.sa/Pages-...a7%d8%ac2.aspx

هذا رابط الخطة الدراسية لقسم الميكانيكا انتاج ما اعرف اذا كان باقي الاقسام قريبة من الخطة هذه او لا .
بالنسبة للجدول انت راح تنزلو و خلي جدولك في الترم الاول نفس الجدول رقم 3 في الرابط ,
و بالنسبة للترم الثاني خلي الجدول زي الجدول رقم 4 في الرابط بس اذا تبغى تخفف لنو يعتبر ثقيل شوي وانت تحتاج انك ترفع المعدل قد ما تقدر احذف ie255 لنو لو شفت الخطة ما راح تلاقيها مطلوبة الا في الجدول رقم 10 يعني تقدر تاخذها في الصيف وهي مادة يبغالها شغل شوي لنو الترم الاخير حسب ما سمعت صعبو الاختبارات فيها على الطلاب .
وحاب اوضحلك شي اخير ترى الهندسة مو صعبة بس يبغالها شغل لو استهونت فيها راح يطيح معدلك زي ما طاحت معدلات كثير من الطلاب... شد حيلك .

بالتوفيق.