Sleepwalkers =)

[Dr.Passed]

السلام عليكم ورحمه الله وبركاته

كل سنه وانتو طيبين تنعاد علينا وعليكم ان شالله

امكنكم لاحظتو من عنوان الموضوع انو غريب شويه بس علميا ايش بيسير في دولا الناس؟ يتزكرو شي؟ كأنهم بيحلمو ويرجعو يصحو مكانهم ...؟ ايش الظاهره دي بالزبط ؟ ايش بيسرلهم..ايش نظرتكم عن دا الموضوع؟

Just curious

[turb]

ولعليكم السلام و رحمة الله و بركاته
على حسب علمي ألي جمعته في عشر سنوات في دراسة الموضوع ( أمزح ) ^^
أنا على ما أعتقد أنو هذا مرض
لأنو ألي يمشي وهو نايم يسوي أشياء كثيرة و نما يصحى ما يفتكرها و يحس نفسو تعبان كأنو ما نام
وتراها خطيره الظاهره هذي
رابطة ممكن تفيد
http://ar.wikipedia.org/wiki/%D8%B3%...86%D9%88%D9%85
وشكرا

[Feras L. Kindi]

همم .. اول شي يالطيف واحلمد لله ع العافيا .... ثانيًا دورت في ويكيبيديا مالقيت معلومات كافية عن المقالة.

ولكن فيها جواب لسؤالك .. وهو إنهم ( لا يتذكرون شيء بعد الاستيقاظ ).


المصدر

[Dr.Passed]

يالطيف يعني زي السكرانين
في الرابط يقلكم انو يقولو كلام مو مفهوم

الصراحه انا قبل كده اي انسان اسمعو يتكلم وهو نايم..احس الكلام كانو لغه تانيه..يعني فعلا مو مفهوم ( انا مابتكلم عن الهلوسه و الي يكون نايم يغلط ولايخرف) لا الكلام نفسو مؤ في المعجم

ما قد شفتو ؟ انا سمعت قبل كده ناس تتكلم بالطريقه دي ولمن يصحو مايتزكرو
ولمن يكونو نايمين اقلهم إيه ولا عيدو تاني يسكتو ...

الظاهر انو نفس الي يمشو كلامهم مؤ مفهوم بس على اي اساس من فين بيجي الكلام دا..وبعدين هما لمن يمشو ممكن احد يصحيهم ولا يهزهم؟ ولا ممكن يسولنا شي ؟

شكرًا لمشاركتكم جزاكم الله خير بس فعلا موضوع محير

[turb]

على ما أعتقد
الكلام الي يقولوه هو نفس الكلام الي بيقوقوه في الحلم

[Dr.MEEM]

موضوع حلو ومن جد محير
قرأت شوي عنه قبل كذا وعرفت انه عند الاطفال يكون ناتج عن الارهاق والقلق
وعند الكبار في السن بسبب اضطرابات عقلية او انهم يشربون كحول
وكمان في هذي الحالة الشخص يمشي وهوا نايم ويسوي تصرفات عاديه وممكن احنا كمان
مانعرف انه نايم لان عيونه مفتوحه < رعب صراحه
وممكن يسوي تصرفات طبيعية يقوم ويمشي ويحرك الاثاث ويسوق السياره
وبالنسبة لسؤالك اذا في خطر علينا الي عرفته ان الشخص لما نصحيه ممكن يشكل خطر
لانه مايقدر يسيطر على نفسه وعلى تصرفاته وهذا كله يصير في فترة بسيطة من الوقت بعد مانصحيه

[Dr.Passed]

نفسي اشوف انسان من جد نايم ويمشي واقعد أراقب التصرفات وامشي وراهم..يعني اعرف ايش الحكايه من جد

[Dr.Passed]

المشاركة الأصلية كتبت بواسطة turb على ما أعتقد الكلام الي يقولوه هو نفس الكلام الي بيقوقوه في الحلم

بس احنا نفهم كلامنا في الحلم

[Dr.Passed]

انا ما ادري ليه بس دايما اللغه في أحلامي انجليزي ترا ...دا شي غريب

بس بالنسبه للنايمين ويمشو ممكن يفهمو اذا امرناهم بشي؟

[Dr.MEEM]

ههههههههههه تعرفي تصير معايا كثير
احلم بالانقلش لا واكتب شعر بالانقلش كمان
يعني من جد شي غريب
ومااتوقع النايمين يفهموا اذا امرتيهم بشي لانو انتي كذا تصحينهم
وبالتالي زي ماقلت مايكون عندهم سيطرة على تصرفاتهم