جدوولي مافيه انقلش

[fuoOnka]

بنات بالله حايسسه مني عارفه هو جدولي مخرف ولا ايه
المفروض اننا ندرسس انقلش في الترمين الاول والتاني انا خطتي ب بس مافيها انقلش
ايش الهرجه .؟!

يعني حقي في مششكله ولا الاوديسس مخرف
ردو عليا ي حلوين !

[nooodi ~]

^ نفس مشكلتي ...!!!!

[maro abdulwahab]

مصبر الانجليش ينزل حتى انا كان مافي انقلش بعدين نزلت الماده

اصبرولها لو ما نزلت الاحد روحو لعماده التسجيل والقبول

[fuoOnka]

اوؤك مماروؤ ثانكس على مروركـ

[غيم الصباح]

يا بنات
اختبرتوا تحديد مستوى انجلش بداية الاجازة صح
عشان كذا كل وحده على حسب درجتها يحطوها
يعني في بنات مستوى اول و في بنات مستوى ثاني أو ثالث أو رابع
واللي مررررا درجتها عاااالية يشيلو عنها الانجلش يعني ماتدرسو
لانها ممتازة مايحتاج
...
وربي يوفقكم كلللللللكم

[medomoon]

ممكن انتي ما يحتجلك إنجليزي شوفي درجة اختبار تحديد المستوى او انتي عندك مشكلة بالجدول وبالتوفيق :)

[eaudemoiselle]

السلام عليكم..

بخصوص عدم نزول مادة اللغة الانجليزية، أنا كنت أعاني من نفس المشكلة و زيادة إنو أختي كانت تبغى تعرف مستوايا عشان ترتب جدولها بشكل يوافق جدولي طول الترم، انتظرت ينزل و انتظرت و مانزل فرحت للجامعة يوم الاثنين الماضي و رحت لعمادة القبول و التسجيل، أول ما دخلت على المسؤولة رفعت صوتها و اتكلمت بقلة أدب و مي راضية تقتنع بالمشكلة تحسبني مخرفة و حولتني على معهد اللغة الانجليزية و هناك قالتلي إلي دخلت عندها إنو فيه لخبطة و على يوم الأربعاء حتكون كل الدرجات نازلة، رجعت البيت شيكت على العصر لقيتها نازلة، فافضلي شيكي علطول لأنو غريب إنها ما نزلت لك إلى الآن المفروض على حد كلامهم الأربعاء إلي فات تكون كل الدرجات نزلت.

لو تقدري تراجعيهم راجعي و ادخلي بثقة و حصني نفسك لا يعملوا فيكي زي ما عملو فيا :(

بخصوص المستوى العالي الانجليزي لا يمكن يلغى إلا بمعادلة آيلتس أو توفل، حتى لو كان مستواك عالي تنحطي في المستوى الرابع، فكرة يلغوها كده من غير معادلة انسوا مهم طيبين لدا الحد!

أتمنى أكون أفدتك :)

[nooodi ~]

انا قبل لا يغيروا خطتي لحد الاسبوع اللي فات كانوا حاطيني بالمستوى الاول , ونهايه الاسبوع غيورا خطتي لـ ب والانجلش مو موجود للآن !!

^ اتمنى احد يفيدني ...!

[maro abdulwahab]

الانجليش ما ينحذف من جدول الطالب او الطالبه الا بشهاده التس او توفل

يعني لو بدعتي في اختبار تحديد المستوى حيحوطوكي في المستوى الرابع

انا كان مافي انجليش في الجدول بس تلاتا مواد وخطه ب بعدين اخر ربوع قبل بداية الدراسة

نزلي المستوى الرابع

الخلاصه انو حينزل حينزل الا ادا كان معاكي شهاده توفل او التس
وانا لين دحين ما نزلولي ارقام المباني ولا الغرف ..

[احبك ربي =)]

انا نفسكك
والله تعبت منهم رحت لهم اليوم ومو مقتنيعين بالمشكله =(
رحت وحدة الجدوال بالعماده قالوا روحي للمعهد والمعهد يقول روحي للعماده وعلى هالحال طفشت منهم

تكفون اي وحده زي مشكلتنا وانحلت تجي وتطمنا =(