بنات وشباب كلية الطب ابغى نصايحكم وتجاربكم لكي يكون لي مكان بينكم

[الوردة التائهة]

السلام عليكم

انا ان شاء الله راح ابدا تحضيري
وابغى نصايح من طبيبات واطباء المستقبل اللي انقبلو في كلية الطب
وعن طريقة المذاكرة... انا اعرف انو الاهم النسبة الخاصة هي تخولنا لدخول المفاضلة الا وهي درجات كيميا احيا فيزيا انجلش طيب لما ندخل المفاضلة للنسبة الخاصة وحققناها هل يفاضلو مرة ثانية لنسبة المواد كلها وبالتالي ينقبل الطالب او الطالبة؟
بإنتظار تجاربكم لكي استفيد وغيري يستفيد ممن يريد الالتحاق بهذا الصرح الكبير

[Dr.MEEM]

هلا حبيبتي فيك في جامعتنا وعقبال ماتدخلين كليتنا وتنبسطين معانا :)
بالنسبة للتحضيري المواد ومحتواها هوا نفس الي اخذتيه بالثانوي بس بتوسع اكثر !
يعني حاولي تذاكرين اول باول او على الاقل قبل الاختبارات الدورية باسبوعين
في مواد بتحتاجين فيها ملخصات
الرياضيات .. المذاكرة من الكتاب لانه مرا سهل وحلي تدريبات ملخصات اشرف بركات
ولك الفول مارك ان شاء الله
الفيزياء .. ماتحتاجين الكتاب كثير لازم تكتبين مع الدكتورة في المحاضرة واستعيني بملخصات د. هناء فرحان
او طلعت سالم ويارب يفيدونك :)
الكيمياء .. برضو مابتحتاجين الكتاب والمذاكرة من الي تكتبينه بالمحاضرة واذا حابه ذاكري ملخص يوسف زويل
الاحصاء .. هذا ركزي عليه بشدة وذاكريه مرتين وثلاث قبل الاختبار !
والمذاكرة من الكتاب وملخص اشرف بركات وحلي تدريبات كثير قد ماتقدرين :)
الاحياء .. المذاكرة من السلايدات ( عروض البوربوينت ) ويحتاج تذاكرينه قبل اختباره باسبوع كامل مخصص له
والافضل تمسكين كل محاضرة اول ماترجعين البيت وتذاكرينها اول باول !
والاتصال والحاسب من الكتاب طبعا
وهذا كل الي عندي وربي يوفقك يارب :)

بالنسبة لسؤالك الجواب ايوا يفاضلو مرا ثانية
هما يسوون مفاضلة على حسب النسبة الخاصة وبعد كذا يشوفون النسبة العامة لكل المواد
الي جابها كل طالب ويختارون عدد محدد من اعلى النسب ويقبلونهم :)
يارب نشوفك معانا :)

[طبيب القلوب]

دكتورة مرام ما قصرت ، كفت ووفت ،، و صدقيني أسئلتك و اهتمامك هي أول مفتاح لدخولك الطب بإذن الله ،، استمري و بالتوفيق لك و لنا جميعاً

[الوردة التائهة]

Dr.MEEM
مشكوره أختي ردك شامل وماقصرتي الله يوفقك :)

طبيب القلوب
مشكور أخي ع مرورك وان شاء الله نكون قدها والله يوفقك :)