استفسار بخصوص دراسات طفولة

[.. كيوووت ..]

السلام عليكم ورحمة الله وبركاته

حبيت استفسر عن أستاذات المواد اللي بالقسم

بالنسبة للمتخصصات ايش افضل استاذة او الاستاذات اللي جربتوهم وحبيتوا طريقة شرحهم في هذه المواد :

- مراحل نمو الطفل
- طرق التدريس (1)
- رياض الأطفال
- إرشاد الطفل وتوجيهه
- أسس التغذية
- علم النفس العام

ولكم جزيل الشكر

[شمـــــ أنثى ـــــوخ]

شوفي حبيبتي بالنسبة للمواد دي(ارشاد / وطرق / ومراحل)
ارشاد مع استاذة ميساء الله يسعدها مره عسل وطيوبه اسالتها حلوه بس فيها نوعا ما صعوبه
وطرق تدريس مع دكتوره لطفيه ويا رب ما تشوفيها يعني ما يحتاج اتكلم
ومراحل مع اساذة رذاذ كانت قمة في الروعه
بس للاسف الترم دا كل اللي يعطوا المواد دي استاذات جدد وداد ونسيمة واماني
بس للامانه رائعات وطيوبات وتاخذي معاهم الفل مارك يعني خذيها وانتي متطمنة
اتمنى اكون افدتك

[ودة]

ياليت لو احد يرد انا كمان ابغى اعرف :/

[.. كيوووت ..]

الله يسعدك يارب ويفرج همك

طيب بالنسبة لعلم النفس تنصحيني بمين ؟

[patchi ..]

كيـووت ..

مراَحل نمو الطفل : مع استاذه امـاني .. الاستاااااااذه مره مره مره مره عسسل ودمها خفيف وتسولف وتضحك معنا ..

كل نهاية محاضره في نشاط مع القروب تبعك .. سؤال بكل اللي شرحتووو ،

ف عشان كدا انتي لازم تكتبي معاها او مركزه عشان تقدري تجآوبي ..

تكاليفهآ كثييييييرره .. الله يعينكممم

مثلا : تعملو لعبه .. تسوو كتاب .. وزي كذا

اسئلة الاختبار .. : صعبــــه =( ، كلها امثله ولازم تشغلي ذاكرتك حبتين .. يعني مثلا تربطي السؤال بـ مراحل نمو طفل عندكم بالبيت او شي .. وكمان من شرحهآآ

يعني الكتاب اللي بتشترييه يمكن ماتحتاجي منه الا باب واحد .. وعباااره عن صفحتين .. ف لاتشتري كتاب كلو بتعطيكم من عندها


ارشاد وتوجيه الطفل : مع استاذه ودااااد .. اتعب وانا اقولك جنـــــــــــــــــــــــاااان جنـاان جنـان هالانســـــاانه

طيــــــووبه وحبوبه وشرحهـاا حلو . . وتكاليفهآ قليله ..

تكليف عن دراسة الحاله ، وبحث .. وفي واحد ثالث نسيته والله

اسئلتهآ : حلوه وسهلللللللللللللللللللللله .. بس مافي تحذيف ، كل الكتاب يعني كلو ..

طبعا ماراح تاخذوه كلوو . . يمكن 4 ابواب او 5 .. بس كلها بدون حذف


رياض اطفال : في شعبه لنسيمه ، وشعبه لـ ناديه .. انصحكككككككك بناديه .. تجنن هالاستاذه

تكاليفهآ خفيفه .. وفي تكليف عن مبنى الروضه .. تكتبو استبانه فيها مواصفات الروضه وو الخ

وتروحو تزوروآ الروضه بالجاممممعه .. مره ممتع

اسئلتها صعبه حبتين .. يبغالك ترككزي بالحفظ كثير ..


طرق تدريس : مع نسيمه الخالدي .. اممم مش مره ، مره دقيقه مره حازمه ، جديييييييييييييييه .. لكن طيوبه مره بتعاملها معك خارج الكلاس

تكاليفهآ كثييييييييييييييييييييييييييييررره ، شغل شغل الله يعينكك

محاضراتها اكتبيهآ معاها اول ب اول .. لانو اغلب الاسئله منها ..

والاسئله مره مره سهله .. بس عيبهآ بالنهائي تجيب 20 سؤال بس .. كل سؤال درجتين :(

يعني خسسسسسسسسسسسسسف :(

شدي بمادتها من البدايه


علم النفس : اخذتها مع وحده اسمها الاءء نسيت لقبهآ .. عسل مررره .. وكمان استاذه ناديه تبع رياض اطفال تعطي الماده .. لكن الاء احسن ..

اسئلة الاء : سهله وحلوه .. والنهائي احلى واحلى ..

وتكليفهآ تعملي بحث وعرض بور تشرحوه مع قروب


اسس تغذيه : اخذتها مع مها بادكوك .. وندمت .. وكانت غلطة حيآآآآآآآآآآآآتي :( مانزل معدلي الا هي :( انتبهي منهااا

مقدر افيدك مره .. لكن يمدحو هاله وكم وحده تانيه


اتمنى اكون افدتك ..

[ملآك الكون]

صح كلام patchi
بس علم نفس اخذتها مع الاء الحجيلي وكانت مررة طيبة وشرحها كويس وأسئلتها سهله

وأسس تغذية أنصحك كماان ما تاخذيها مع مها بادكوك

[الشاعرة الحنونة]

علم نفس عام : أ.آلاء شاولي

أسئلتها حلوة وسهلة وتأشر الجزء اللي معانا+ عروض البور تعطينا هيا نذاكر منها + مصطلحات انجليزية في المنهج هي تحددها لو ذاكرتيها تآخذي بونس في الاختبار الدوري
والنهائي كمان حطت 5 اسئلة وتختاري منها 3 او في الدوري بس ما أذكر، يعني أسئلتها مرررره مرررره حلوة من العروض والتأشير.
والتكاليف [ بحث + عرض بوربوينت لنفس موضوع البحث ]
وممكن كم مره تسوي لكم سؤالين آخر الكلاس من نفس المحاضرة عشان تدي درجات!

بالنسبة لأسس تغذية / أخذتها مع د.هالة خطاب..
مره كويسة وحبوبة وشرحها حلو، والتكاليف كانت [معظمها خفيفة، مقارنة، تتكلمي عن منتج غذائي]

الله يوفقك حبوبة

حبيت أفيدك وأخدمك بالمواد اللي اخذتها لأنه انا تربوي

دعواتك لنا ^^ وبالتوفيق

[ملآك الكون]

صح نسيت مااقلك انو فيه مصطلحات انقلش

[bashayer.M]

بنات اذا انا حابه احول ل دراسات طفوله كم لازم يكون المعدل

[ابي ادخل دراسات طفوله :(]

ع حسب ماقريت انو 3 او 3ونص وفوق ..
من كثر ماقريت حفظت هههههههههههههههههههههه xd