إلى بنات سنة ثالثة :)

[Rainbow~]

السلام عليكم
بس حابة اسأل بنات سنة ثالثة عن كيفية مذاكرتكم للكيمياء العضوية العام مع دكتورة ليلى ؟ أحس اني ما أفهم معاها فحابة أعرف إذا كان في مصادر ثانية غير الهاند اوت حقتها ؟ و شكرا

[reemove]

وعليكم السلم ورحمة الله وبركاته
كويس انك سألتي ........شوفي ياحلوة الماده هذي ماهي صعبة بس يبغالك تجدهي فيها كثير <<كثير مرررره
بالنسبة لطريقة المذاكرة لا تراكمي ابدن احذري من المراكمة بالبداية حتكون المواضيع سهلة ماهي صعبة كيمياء عامة روابط ايونيه وراوبط هيدروجينه وتهجين وكلام زي كذا فايعني مافيها صعوبه ان شااااء الله وع فكرة الحته هذي اللي حتخوش في الدوري الاول يعني شدي حيلك عشان تجيبي علامه عاليه <<<من جد اتكلم ياويل احد مايجيب علامة كويسة

بعدين حتجي الكيمياء العضوية اللي هيا المركبات اللي فييها كاربون..الخ <<كل شي بوقته حلو

بالبداية حتحسي انك منتي فاهمةمع دكتورة ليلى بس هيا والله تشرح وتفهم كمان بس انتو لمن ماتفهمو لازم تسألوها لازززززززززززم
واذا مافهمتي من المحاظرة روحي مكتبها والله ماتقصر تشرحلك لمن تفهمي

واذا مافهمتي لاسمح الله هذا مو عذررر
النت موجود وهذي بعض المواقع اللي فادتني
http://www.chemhelper.com/tutorials.html
هذا حلو للتسمية وكذا دوري فيه كويس وحتلاقي المفيد

http://www.freelance-teacher.com/vid...GANICCHEMISTRY
اول ماتخشي الموقع اضغطي اورقانك كمستري ع اليسار فيه محتوى الفيديو اقريه لا تنفجعي من الكلام الكثير ....الفيدوهات من اليوتيوب ....انا فادني لانو فيه بيسك نولج انا كنت ناسيتها

بالنهايه ...
مافي عذررر المعلومات في كل مكان واللي يسأل ما يضيع
واسفه اني طولت بس ان شاء الله تستفيدي<<<ع فكرة سجلت عشان ارد عليكي

[THE HILL]

أهلين ي عسسل ^^

مممم بالنسبه للجزئيه دكتورة ليلى كنت اكتب معاها " الملاحظات اللي بتقولها في المحاضرة "

و بصراحه الجزئيه اللي اتنح فيها اروح مكتبها ومرررررا تفيدني وافهم

الدكتورة اذا ركزت ف الشرح ع طالبه والا طالبتين حتحسو انكم بتستوعبو معاها .. يمكن الدوشه اللي ف المحاضره هيا سبب التشتيت اللي انتو فيه



انا كنت استفيد من دي القناة :)
+ اليوتيوب والنت مررررا يفيد ولا تقولو مافي وقت





and


فيه قناه ع اليوتيوب اسمها " brightstorm " مرره كويسه ومقاطعها صغيره



اسالو بنات كلاسكم اذا وحده فاهمه او كتبت ملاحظه قالتها الدكتورة ممكن تشرحلكم هيا باسلوبها
وتفهمو منها ,,


+

بلييز بلغي زميلاتك احيانا دكتورة ليلى بتعمل ريفيو ع الشيت وتقول الاشياء المهمه ممكن نهاية المحاضرة فاحضرو معاها ولا تسحبو هااا

[Rainbow~]

مررررة شكرا reemove و THE HILL من جد مررة استفدت و يعطيكم ألف عافية يارب

[Rañdøm]

وعليكم السلام

افضل الطرق للفهم مع دكتورا ليلى

1- الكتابة .. اكتبي :)
2- قروبات الستدي
3- روحي مكتبها بعد كل محاضرة تشرحلك اللي مافهمتيه