إلى متى وأنا ماعندي أثر ؟! أنتم عندكم؟!

[تغذية]

السلام عليكم ورحمة الله وبركاته

أسعد الله أوقاتكم

ماأعرف اذا هالمكان مناسب لموضوعي أو لا
ياليت ينقل للمكان المناسب اذا كان المكان خاطئ



اليوم في تويتر استوقفتني تغريدة
للشيخ محمد العريفي الله يحفظه

كتب فيها :-
.................................................. .......
(إنا نحن نحيي الموتى ونكتب ما قدموا وآثارهم)..

يا قرة عيني:

اترك اثراً قبل الموت

ولو أن تضع مصحفاً في مسجد
......................

وقفت لحظة بعد ماقريت هالكلام وجلست افكر مع نفسي لو مت اليوم هل حيبقى لي اثر ؟!!

وللأسف صدمتني الإجابة

احنا دائماً بنفكر بمستقبلنا في هالدنيا بس عمرنا مافكرنا بمستقبلنا الحقيقي وهو الآخرة

فكرت كم حعيش؟
70سنة ؟ 80 سنة؟100 سنة؟
طيب وبعدين أكيد حموت

صحيح أهلي حيبكون علي ويتذكروني سنة سنتين
لكن بعدها طبيعي حينسووني

حكون لوحدي في قبري أتمنى حسنة وحدة تنضاف لي

وجلست ابحث في الموضوع لقيت ناس كثير فكروا بهالشي ونفذوا افكار عظيمة

وعملوا اشياء تدر عليهم الأرباح وهم في قبورهم

وكل واحد منهم عمل له استثمار بحيث لو مات اليوم

حيستمر الاجر في ميزانه ويتضاعف حتى بعد موته

حبيت اطرح هالموضوع واقول لكم بعض الافكار اللي لقيتها بعد مابحثت

وانتم كمان ياليت اللي عنده فكره لصدقة جارية وعمل يترك اثر

يدلنا وله اجر كل من طبقها بإذن الله


هذه الأفكار وجمعت اكبر عدد من الافكار عشان كل شخص يلاقي الشي اللي يناسبه

ويبدأ فيه من الآن
لأن محد فينا يضمن عمره ومايدري متى يموت؟!