طلب من طالبات سامية مقبل بحث و تدريب

[nonie]

يا بنات الله يسعدكم اللي مع سامية مقبل في الحث و التدريب ابغا اعرف ايش طالبة و اللي عندها رقمها ابعتولي و خاص اذا سمحتو

[مطقشي واصل]

انا عندها ولا قدرت اتواصل معها
ماعرف وش الحل

[nonie]

لغاية دحين كل البنات ماهم متواصلين معاها ولا يعرفو عنها اي شي .. الله يستر

[&ديم&]

انا كل يوم اقول بكرة
بنات فين ببتدربون ؟؟؟؟؟؟؟

[nonie]

انا ارسلتلها ايميل طلبت منها رقمها لاني ما اقدر اروح الجامعة .. و اللهم لك الحمد ردت عليا و اعطتني رقمها .. بس بسبب اختبار ولدي بكرة محا اقدر ادقلها اليوم ان شاء الله بكره من الصباح ادق عليها و اخد منها كل الاستفسارات اللازمة .. اللي حابة تسأل شي او عندها اي شي تقولي و ان شاء الله اسألها و الله يسهلها علينا .. و يحنن قلبها علينافف

[مطقشي واصل]

الله يسعدك ابغئ اعرف هل هي تحدد لنا موضوع البحث او احنا

[nonie]

لا مو هيا انتي تختاري من مكان تدريبك اي مشكلة تصادفك

[مطقشي واصل]

ارسلت لها ايميل ولا عبرتني

[loly..lary]

أرسلت لها 600 ايميل ولا عبرتني
ورحت لها أكثر من 5 مرات وما هي متواجدة في أوقات الساعات المكتبية
وأخيرا ... حذفت المادة هذا الترم
ما سويتت شي .. أتدربت وأخذت تقييم التدريب من الشركة والبحث أو التقرير ما بدأت فيه ولا نص كلمة
وبعدين صح إحنا نختار الموضوع بس بنات كثير يقولو ممكن ما توافق على الموضوع ...!!!
طيب كيف نبدأ وهي ولا ترد ولاتجي في الساعات المكتبية

[nonie]

يا لوري الله يهديكي استعجلتي انك حذفتي بعد ما تعبتي نفسك و اندربتي .. كان اخدتي رقم جوالها و اتواصلتي معاها .. ممكن في بنات بيقولو كلام مو حلو عليها .. بس الله يشهد ما شفت منها الا كل خير .. انا كنت ناوية اروحلها امس بس كلمتها قبل لا اروح و قالتلي مني جيا الاتنين ان شاءالله اكون موجودة و خلاص على اساس ان شاء الله اروحلها الاتنين و اوريها بحثي .. اما عنةالبحث خلي معاكي احد فاهم في البحوث يكون معاكي و يشرحلك و يوضحلك الامور .. لاننا ما راح نفهمها من الهوا .. بصراحة انا لغاية دحين عملت اكتر من 4 بحوث و كلها اترمت لانها غلط وما عندي خبرة و الدكتورة الله يرضا عليها لمن وريتها قالتلي لا مو كويس وورتني كيف المفروض يكون .. اوكي صحيح ما استوعبت بشكل كامل بس كمان في مكان تدريبي الله يسعدهم كتيير ساعدوني هناك و سرت متواصلة مع الدكتورة بالواتس اب لدرجة اني صورت البحث الواجهة ووريتها قالتلي كويس ريحتني .. ايوة هيا ما بترد اول ما اكلمها و احياناً ما بتجاوب بس والله بتعطيني المفيد و اللي يريحني .. ما ادري مرررة زعلت لمن قلتي انك حذفتي المادة و انتي اعلم بظروفك