بحث وتدريب مع سـآميه مقبول ..

[الشاطره]

اليوووووم ناقشتلنااااا حسبي الله عليهااااا

لا سالتني عن الفروض ولا عن المراجع ولا عن النتايج ولا عن التوصيااات


بس تحاول تصرف البنات ومن يوم ماتدخل البنت تقولها اعترفي مين عملك البحث حسستني انها ماده تحقيق

وربي الله لايوفقها وان شاء الله تشوف في عيالها اللي تسويه فينا

[TAIMA]

المشاركة الأصلية كتبت بواسطة الشاطره اليوووووم ناقشتلنااااا حسبي الله عليهااااا لا سالتني عن الفروض ولا عن المراجع ولا عن النتايج ولا عن التوصيااات بس تحاول تصرف البنات ومن يوم ماتدخل البنت تقولها اعترفي مين عملك البحث حسستني انها ماده تحقيق وربي الله لايوفقها وان شاء الله تشوف في عيالها اللي تسويه فينا

انتي لوحدك اليوم اللي سلمتي البحث ولا كان في بنات ثانيين ؟؟
قد ايش تاخد وقت مع كل بنت ؟
معليه اتحمليني .. والله مررره متوتره وابغى اسلم البحث وأخلص من ده الهم !!

طيب عن ايش سألتك ؟؟
يعني من ساعة ماتدخلي عندها لوقت ماتطلعي وهيه تقلك مين اللي كتبلك البحث !!

ياريت تحكيلنا بالتفصيل كيف المناقشة بالضبط ,,

[bella stella]

السلام عليكم
بنات الدكتورة دي ما اقول غير حسبى الله ونعم الوكيل فيها اسلوبها مره سيء مع الطالبات بتحسسك انك عبدة عندها اليوم انا رحتلها الصباح عشان اسلمها البحث حقي والظرف المقفل للمكان الي ادربت فيه كانت قدامي وحده بنت عامله تقرير مو هزئت البنت مرمطة بكرامتها المسكينه مره حزنت عليها وقالتلها فين عرض البوربوينت قالتلها انتي ماقلتي
لانو الحيوانه الدكتورة اول مره لمن رحت اسالها عن البحث ايش اتفلسفت وقالت خدي الخطة وامشي عليها والخطة الي فرحانه فيها مو مكتوب انو اعملي بوربوينت
اديتها بحثي وسالتها عن العرض قالتلي طبعا لازم وان شاء الله بكرا راح اروحلها دعواتكم ليا
نصيييييحه لكل وحده اخده مادة بحث وتدريب لا تاخد مع دي الدكتورة لانها سيئة وتعاملها مع الطالبات سيء جدا
انا حبيت انقلكم تجربتي معاها

[nonie]

انا عن نفسي سلمت البحث تعبت من كتر ما اروحلها و ارجع خايبة و خلاص مافي وقت للاختبار و سايرة مضغوطة ابغا ازاكر موادي ومني قادرة اركز من البحث و المناقشة .. اللين تميت اموري و قلت ما يبغالها دلع خلاص .. رحتلها و قلتلها ابغا اسلم البحث اهم شي ا ادخل عليها و هي معصبة استناها اللين تجي اقوم ادخل غليها اول وحدة عشان ما تجي وحدة تعكر مزاجها و تحط حرها فيا خلاص طفشت .. الموهم كان معايا كذا بنت و الحمدالله كلهم تسليم و دخلت عليها و قلنا نبغا نسلم قالت اوكي و اعطيناها ورقة التقييم التدريب و قالت المناقشة يوم السبت و رحنالها .. و يارت تنادي وحدة وحدة و كنت انا اول وحدة المهم قالتلي ايش التهور اللي انتي فيه و بايعه الدنيا انك تسلمي البحث اصلاً ما حسيت نفسي الا و انا ببكي اقوللها تعببببببت ورانا اختبارات و مضغوطيين و انتي منتي حاسة ايش تتوقعي من بنات انتساب قاعدين طول الترم في البيت و فجاءة تبغي مننا بحوث و تبغاه بحوث محترفة ايش الاحتراف اللي حيطلع و انا قدام ام بي سي 2 طول الترم و سرت ابكي قالتلي ايش كانك جيا حضانة تبكي زي الاطفال قلتلها مضغووووطة و قلتلها اعطيني مناديل ابغا امسح البلاوي اللي طلعت المهم قالت اوكي حعطيكي 65 مووووووووووووووووووووافقة بس فكككككككيني ابا اتخرجح بالطول و العررررررررض و قلتلها و المناقشة قالت مافي مناقشة خلاص روحي و طرررررت بعدين انا و عبايتي قصة حياتي مع سامية مقبول الله يسهلها معانا في باقي المواد

[بنت الرياض]

أموت وأعرف أنتم ليه ساكتين عليها ؟؟

أنتم عارفين ايش معنى أنكم تاخذوا بالتدريب 60 ؟؟

فيه اختراع اسمه ( شكوى جماعية ) قد سمعتوا فيه ؟؟

ولا أنتم ماتعبتوا في التدريب والبحث ؟؟


<< والله مقهوره عليكم