ادارة أعمال-نظم المعلومات الاداريه(استفسار)

[البــ ن ــت التـــggب]

السلام عليكم ورحمة الله وبركاته


حبيت اسأل لجميع الطلاب والطالبات المنتظمين في الجامعه لكلية الاقتصاد واداره

لقسم ادارة اعمال_نظم معلومات


كيف المسار حلو؟صعب؟
هل له مستقبل جيد؟

يعني نبغى نعرف كيف التخصص؟


صراحه انا مستجده ونفسي ادخل لما سمعت عنو ياريت تفيدوونا للمتخصصين او اللي يعرفو شئ عنه(نظم المعلومات الاداريه)


وبعدين ابغى اعرف عن المسارات الثانيه وافضلها بالنسبه لاادراة اعمال(الناس المتخصصه تفيدنا بلييز)


والله يجزاكم كل خير جميعا

[dr_love]

السلام عليكم ورحمة الله وبركاته
بالنسبة للتخصص فهو من أروع التخصصات وانا اتخرجت منه في الترم الصيفي الماضي
صراحة له مستقبل كبير جداً ولسه مو كل الشركات عرفت قيمته بس أعطيهم شوية قبل فترة في رمضان قابلت امير زميل للوالد ماسك منصب في آرامكو قاللي هذا التخصص دحين بيدورو عليه بشمعة
بعدين اذا طورتي نفسك فيه راح تستفيدي ودكاترة القسم من أفضل الدكاترة في الكلية خاصةً الدكتور ابراهيم عبدالله والدكتور عمر نصيف اللي عنده طريقة في البحث فريدة من نوعها صح حتتعبو في البداية لكن في النهاية حتتمنو لو تاخذو المادة مرة ثانية عنده يكفي انه الوحيد في آسيا ومن 10 على مستوى العالم يحمل شهادة الدكتوراه في النظم الغير تشغيلية وهو تخصص نادر والدكتور عمر جداً محترم ومتعاون لأقصى حد حتى انه في اخر الاسبوع يفتح بيته للطلاب حتى يناقشو معاه البحث والمراحل اللي وصلولها وهو يعتبر مشروع أكثر من انه بحث
حتى الدكتور ابراهيم دكتور طيب جداً ومتعاون مع الطلاب وشرحه ميسر وطريقته مرة حلوة في التواصل اذكر احد الشباب في اول مادة في التخصص رسب عنده قاله ليه ماجيتني كان لقيتلك حل انا مستحيل ارسب شخص عندي الا اذا هو اراد الرسوب واهمل
المهم ان التخصص رائع وحلو ومواده مو صعبة للدرجة دي

بالنسبة للتخصصات الثانية في تخصص ادارة اعمال دولية باشراف العملاق الدكتور المحبووووووووووووب فهد العيتاني
وهذا التخصص له مستقبل كبير خالصة بعد الانضمام لمنظمة التجارة العالمية


اما التسويق فأنا ارى انه صار في تشبع منه ثلاث ارباع الكلية تسويق

وفي النهاية القرار قرارك وحتكون في مواد تساعد على تحديد المسار زينظم المعلومات الادارية و نظم مساندة القرار وانصح بأخذها عند الدكتور عمر حتى تستفيدو في المادة اللي بعدها لانه الوحيد اللي يدرسها

وفي مسار ادارة الاعمال الدولية في مادة بنفس الاسم اجبارية

للتسويق في مادتي مبادئ التسويق وسلوك المستهلك