تخصصت في كليه التصاميم والفنون ـ مجموعه اسئله ـ [ عُنـوآن مُعدل ]

[امل عزوز]

السلام عليكم ورحمة الله وبركاته

احسني ضايعه وربي مو عارفه شي والله يجزاكم خير لو تجاوبون ع اسئلتي ...

اول شي اليوم يمكن قبل شوي فتحت الاودس لقيتهم كاتبين جنب الكليه تصاميم وفنون فرع الرحاب وربي تحطمت مررررررررره يعني انا فعلا ما اعرف شي عن هذي الكليه ولا عندي معلومات عنها بس من الاسم شكلها كلها عن الرسم وانا مررره ما اطيق الرسم مع العلم انو نسبتي 3.96 توي خلصت التحضيري علمي وتسكنت بالكليه دي ...

اولا / ايش الاقسام اللي بالكليه ومتاحه للعلمي وبعدين كلها تتعلق بالرسم ؟؟

ثانيا / لو حابه احول احول كيف ولمين اروح مع (العلم انو خلصت التحضيري في السليمانيه ) ؟؟.
ثالثا/ ايش قسم التغذيه اللي بالكليه دي وهو فعلا تقفل ؟؟


الله يخليــــــــــــــــــــــكم ردووا علي

[سهيله]

رجاااااااااااااااااااااااااااااااااء انا نفس الطلب ما احد يقدر يفيدنا

[إبتسآمه أمل]

أهلاً ؛

وعليكم السلام ورحمة الله وبركاته

كلنا حسينا بـ نفس الإحساس بـ البداية بس ربنا يسهل

كل الأقسام إللي فيها متاحة لـ العلمي

عندك قسم التصميم الداخلي "المسار العلمي، المسار الأدبي"

قسم الرسم والفنون "المسارين كمان"

قسم تصميم الأزياء "المسار العلمي فقط"

يب قسم التغذية أتوقع صار بـ السليمانية بس إيش هوا والله ما أدري بس أتوقع لما تتخرجي منه تصيرين أخصائية تغذية وهيك :)

التحويل كانوا يقولون لنا بداية السنة أنه من الفيصلية

أتمنى أكون أفدتكم

بـ التوفيق

^^

[MNo0l]

السلام عليككم
اسمعي ياحلوة
انا دحين هذا سمستري الرابع في هذي الكلية
دختلها وانا والله ما اعرف ارسم ولا الون ولا امسك فرشة الالوان وكارهه القسم بس استمتعت فيه مدام هوو مفروض عليا
استمتعي بالشي حتى لو ماتحبيه نصيحة مني
الاقسام
تصميم داخلي القسمين
رسم وفنون القسمين
ازياء بس علمي
بعدين هذا القسم حلو انه عملي ونظري ويعتمد اعتماد كبير على العملي
وكنت افكر احول منن الكلية
بس رجعت اتراجعت عن قرراري لاني انا صليت استخارة وارتحت لها حسيت اني جدا مبسوطة فيها الحمد لله
وحتى درجاتي كلها كويسه وومتاز وهذا انا ماكنت اعرف ارسم ولاشي
وعشان حتى لو تبغي تحولي بعد كذا بيكون التحويل من النت عن طريق الاودس يكون معدلك عالي عشان يمديكي تحولي
شدي حيلك
وربي يوفقك ويكتبلك اللي فيه الخير

اتمنى اكون افدتك

[Eng_sara a7mad]

تقدري تطلعي على المواضيع المثبته راح تفيدك
واي استفسار ياليت يكون في موضوع الاستفسارات

جميع آلإستفسآرآت هنآ..~