استفسارات بخصوص ملكتي لبنات جدة

[سبحانك ربـي]

السلام عليكم ورحمة الله وبركاته

بناااااات كيف حالكم؟؟

أنا أحتاج مساعدتكم وضرووووووري

أنا ملكتي بعد أسبوعين

وماجهزت ولاااااا شي

وانا ماأعرف العادات هنا كيف ،،لأنو ماما مغربية و أنا ماحضرت زواجات هنا في السعودية

في المغرب كل شي مختلف في العادات

فأنا محتاجة أحد يفهمني الملكة إيش؟؟وإيش حيكون فيها ؟

وإيش ألبس ؟ومن فين أشتري فستان؟؟
((وأبغاها ساتر يكون))

والملكة حتكون عااااااااااائلية جداا

وإمكن نسويها في البيت أو في استراحة

ايش أجهز؟؟والكوشة تكون في الملكة؟؟وكيف؟؟

وهل نوزع هدايا في الملكة يعني قصدي التوزيعات الصغيرة؟؟

ومااما تكون مع الحضور ؟؟ولاتجي وقت الزفة؟؟

وهل فيه زفة في الملكة ومن فين أختارها؟؟

وكيف ومتى ومين يشغل أغاني الزفة؟؟

ونعتذر عن الأسئلة الغريبة

بانتظااااااااااااااااااااااااااركم ياأحلى بنات

ممكن يجي على بالي أسئلة تانية

أسألكم ممكن؟؟

[ادمنت غلاتك]

اهلييييييين وعليكم السلاام
اممم الملكه عباره عن الشبكة وصاارت دحيين شي مصغر للزواج .
وعلى الفستاان اما تفصلييه عند مصممه او تشتري جااهز وبما انو شي عائلي وصغغير اشتري جااهز احسسن .
والكووشه تكوون بالملكه بس بما انو حتسويها فالبيت او استراحيه صغييره ما لو دااعي .
وممكن توزعي هدااياا دا شي رااجعلكم , ومامتك تكوون مع الحضوور .
وفي زففه اييه , والاغاني ادا ديجيه حتكون المنسقه تبعو معو
ومبرووووك ربي ييتملك ع خييير ياارب ويوفقك ويسعدك بحيااتك الجديده ياارب

[~*~ ملكة الليل ~*~]

ارسلي رقمك وانا اساعدك بكل شي

عندي خبره في امور الملك والزواج

[حربية]

المشاركة الأصلية كتبت بواسطة سبحانك ربـي السلام عليكم ورحمة الله وبركاته وعليكم السلام بناااااات كيف حالكم؟؟ الحمد لله تمام ، انت كيفك ؟ أنا أحتاج مساعدتكم وضرووووووري أنا ملكتي بعد أسبوعين وماجهزت ولاااااا شي وانا ماأعرف العادات هنا كيف ،،لأنو ماما مغربية و أنا ماحضرت زواجات هنا في السعودية في المغرب كل شي مختلف في العادات مو مشكلة نتساعد ^^ فأنا محتاجة أحد يفهمني الملكة إيش؟؟وإيش حيكون فيها ؟ الملكة تكون حفلة إما مصغرة أو كبيرة دامها حتكون في البيت فهي مصغرة ، كأنكم عاملين عزومة كأنكم عازمين ناس عندكم في البيت ، اش حتسوو معاهم ؟ واش حتقدمو ؟ عصير ، قهوة ، تمرية ، معمول ، بقلاوة ، شوكولاتة ، شاي ، معجنات .. يعني أي شي انت تفضلوه للتقديم . وإيش ألبس ؟ومن فين أشتري فستان؟؟ ((وأبغاها ساتر يكون)) روحي لأي محل للفساتين و اشتري فستان نعوم بشوية كريستالات ع الصدر لو هو توب و شيفون اشتري شيفون نفس اللون و ركبي عليه كم هذا على سبيل المثال لأنو بالعادة ما تحصلي شي ساتر إلا لو حصلتي تمام التمام ^^ والملكة حتكون عااااااااااائلية جداا وإمكن نسويها في البيت أو في استراحة ايش أجهز؟؟والكوشة تكون في الملكة؟؟وكيف؟؟ ايوه شوفي محل لتجهيز الكوش و اتفقي معاهم يزبطولك الكنبة بالقماش و الحركات و من الخلف ( الجدار ) حاجة بسيطة جدددا لا تتكلفي ولو ما سويتيها كمان عااااااااادي إلا لو بتكون في استراحة يفضل تسويها . وهل نوزع هدايا في الملكة يعني قصدي التوزيعات الصغيرة؟؟ براحتك إذا تحبي بس أنصحك توفري المبلغ لتجهيزاتك بعدين ^^ ومااما تكون مع الحضور ؟؟ولاتجي وقت الزفة؟؟ ايوه هي و قريباتك اللي يستقبلو الضيوف و يضيفوهم و يتكلمو معاهم إلى وقت زفتك في الساعة اللي تحبي 12 مثلا .. وهل فيه زفة في الملكة ومن فين أختارها؟؟ شوفيلك محل يسويلك شريط الزفة اختاري الأغاني و هم ينسقولك وهم ممكن يساعدوك في الاختيار . وكيف ومتى ومين يشغل أغاني الزفة؟؟ هم رح يعملوه لك في سي دي و شغلوه انتو ، خلي وحدة من اخواتك تشغله ، لو اخترتي مثلا تكون زفتك الساعة 12 ، خلاص بس تصير الساعة 12 يشغلو السي دي و تدخلي عليهم حبة حبة ^^ ونعتذر عن الأسئلة الغريبة بانتظااااااااااااااااااااااااااركم ياأحلى بنات ممكن يجي على بالي أسئلة تانية أسألكم ممكن؟؟

ان شاء الله كل شي يكون واضح بالنسبة لك لو في اي استفسار اسألي ولا يهمك

[ama_si]

الله يوفقك ذكرتيني بملكتي
جاني مغص ببطني خخخخخ
كنت زيك حايسه بس ربك سهلها والحمدلله
يلا باقي الفرح
عقبال العازبات يارب

[بنت الجنوب 2]

استمتعيي بكل لحضه الملكه والمقدمات دي احلا منهاا مافيه ,,,, ومبروك مقدماً