بخصوص منسق الأحياء !

[كاسر العقبات]

المشاركة الأصلية كتبت بواسطة 3zzouzz واضح من ردودك انك تغض الطرف " متعمدا " عن الاسئلة والجزئيات الهامة او انك تقرأ ما يعجبك وتترك مالا يعجبك لذلك ينتهي النقاش معك هُنا ... تغافل صريح وواضح عن الاسئلة اعلاه ... وطلاب الطب قالوا بلسانهم ان الاحياء شيء والطب شيء اخر !! اعيد و اكرر : ليش اسلوب منسق هذا الترم يختلف عن اسلوب منسق الترم الماضي من حيث آلية وضع اسئلة الاختبار !؟

الاسئلة نفسها مافي شي برة من السلايدات لانه اذا كان ماكان لقيت ناس جابت فوق 25 وناس جابت 30 .. المنهج واااااحد مافي اختلاف والاسئلة اللي يجي منها الاختبار كلها في السلايدات واذا انت مو مقتنع فبرااااحتك ولاتتفلسف وتقولي اني بتغافل ترى اللي بيشتكوا هم الناس اللي يبغوا يزاكروا الاسئلة وبس

[bandar99]

السلام عليكم

ماشاء الله كثر الكلام ورأي

اولا واخير نحن لسنى في كلية الطب اول شي هذا جواب ل اللي قلون كيف بتدخل طب

ثاني شي ممكن اشد حيلي واجيب درجة طيبه لكن حقين الترم الاول افضل مني بسبب المنسق اللي ماشاء الله 30 سؤال بالنص في النهائي اعطاهم االاختبار كله مايحتاج بدون مجهود

ومن حقنا بدال انا في سنة تحضيرية كلنا نتنافس على كرسي واحد ان نطلب بالعدل

ام ذاكرو وماذاكرو هذا راجع لكـ شخص لكن ناس تذاكر بس الاسالة جايبه 80 و 85

وناس تحفظ وكل شي واذا جابت 75 نعمه

واخيرا هذي ليست وجهت نظر هذا حق من حقوقنا المنسق يقبى الى اخر السنه بعدين يتغير

لكن هم شافو مافي رسوب قالو لا ماينفع لازم نشغل الصيفي

ما اقول الا حسبي الله ونعم الوكيل عليهم

واسأل الله ان يوفقنا جميعا

واخيرا اقول لاتحب نفسكـ لان الاحياء عندكـ سهل يمقن لغة جيده في الانجليزي وومخلصه فعندكـ وقت تذاكر

غيركـ يكرف من 8-4 و

وشكرا

[Ahmed Abdulaziz]

جالسين تتناقشوا مناقشة حاادة لا اللي معترض راح لقسم الاحياء وقدم اعتراضه ولا اللي عادي عنده اقنع المعترضين بس ككلاام فاضي ومواضيع جانبيه.. واختبار الاحياء بعد اسبوعين الا يوم


ذاكروا الله يوفقكم

[3zzouzz]

بالتوفيق للكل ، لكن الحقيقة الواضحة للعيان
ان المنافسة ليست عادلة كما تفضل من قبلي
واللي يقول كيمياء وفيزياء ، حبيبي :
من قبل ندخل الجامعة وكلنا نعرف ان الاحياء هي ( مقبرة السنة التحضيرية )
ليست مبالغة بل هي عين الحقيقة !!

[bahamdain]

يااااااا خوووووفي من الاحياء
الله يستر

[الحجوري خالد]

ي اخي و الله انتم مدلعيييييييين ترا انتم طلاب جامعة بغض النظر اعطوكم اسئلة وخرج كم سؤال منها .!!!!!!
اجل لو شفتوا الدراسة بالملك سعود ايش بتسوون .؟!!!!!!!!!!!!!!!!!!!!!!!!!!!!

[nawaf2020]

المشاركة الأصلية كتبت بواسطة الحجوري خالد ي اخي و الله انتم مدلعيييييييين ترا انتم طلاب جامعة بغض النظر اعطوكم اسئلة وخرج كم سؤال منها .!!!!!! اجل لو شفتوا الدراسة بالملك سعود ايش بتسوون .؟!!!!!!!!!!!!!!!!!!!!!!!!!!!!

و من قالك انهم عطونا الآسئلة تقصد عطونا مطب او تمويه ^^

الحمد لله حمداَ كثيراَ طيباَ انا احد الناجين من الاختبار الاول

اللي نفعني اني ما اعتمدت على الآسئلة اللي عطونا اياها
واعتمدت على خبرتي بالمادة ومواضيعها وعلى السلايدات
والاسئلة كانت كـ مراجعة قبل الاختبار بساعات

ونموذج اسآلتي معاي وراجعته بالبيت وقارنته بالترايننق حقهم واسئلتهم المساعدة

انا آكد لك انه مافيه ولا سؤال جا ماعدا سؤالين نفس الفكرة او نفس الموضوع ولكن مو نفس المطلوب ولا نفس الخيارات يعني فعليا ولا سؤال و الشباب نموذج ثاني اظن b وقالو نفس كلامي ماجاهم منها شي

تنويه: انا اتكلم عن نموذجي لا يجي احد مطفي انواره

ونصيحتي للكل اختبارنا حنا الطلاب ياشباب يوم الخميس عند كل واحد مننا
3 ايام يذاكر فيها السلايدات في يومين اهم شي الترجمة واستعاب المعلومة ترى والله الموضوع مو حفظ مافيه عقل بشري يستوعب هالكمية من المعلومات الدسمة والتعاريف الا آذا كان طفرة وراثية والله يرزقه عاد ويزيده من فضله اما نحنا اللي مو فضائيين اللي يبي فل مارك يضيف مع الثلاث ايام يوم الاحد او المتبقي منه اللي هو اليوم بعد اختبار الاحصاء ويحاول يخلص السلايدات في صباح الاربعاء بحد اقصى وباقي يوم الاربعاء يراجع فيه المعلومات المهمة والتعاريف المباشرة فقط وشي طبيعي اذا حس انه مو فاهم ولا مضيع ولا مخه فاضي
فلا يقلق مجرد مايدخل الاختبار بآذن الله وهو مرتاح ونايم عدل ب يلاقي المعلومات كلها رجعت له بالتدريج مع كل سؤال يحله
وبالتوفيق للجميع وعقبال مانبشر بعض بعد الآختبار

"I'm a survivor, at least that's what everyone tells me."

[bahamdain]

بس الاختبار يوم الاربعاء للأسف

[nawaf2020]

المشاركة الأصلية كتبت بواسطة bahamdain بس الاختبار يوم الاربعاء للأسف

اخوي اي اربعاء !!

الاختبار يوم الخميس راجع الجدول يوم الخميس الساعة 1 ونصف

الاربعاء اختبار الفيزياء للخطة ب اللي هم أ حاليا