ضايع في الكيمياء .. !!

[AlKhAyYaL]

السلام عليكم ..
ضايع بين امرين اتنين .. تايه بين يسار ويمين .. اشكي لمين ولا لمين .. انا انسان مخلوق من طين ...

شباب الاختبار يوم الاثنين .. وانا مني داري ايش بندرس اصلا في الكيمياء ..
الله يسامحك يا دكتورنا الفاضل ..
وكل ما افتح الكتاب ... وامشي على السيلابس .. بشوف اشياء اول مرة اشوفها .. ما بناخدها في الكلاس .. ومني عارف ايش ازاكر وايش لا .. وكل ما اسأل الدكتور حقنا عن السيلابس الجديد .. يقولي لسة قاعدين نشتغل عليه بنعدل عليه اشياء ..
طيب احنا كيف نعرف التعديل حقهم !!!! والاختبار يوم الاثنين !!! نروح نقرا توقعات 2009 ولا كيف بالزبط ..
بليززز اللي عندوو ملخص .. او ملزمة ... او الدكتور حقهم يكتبلهم ملخص وكاتبو في الدفتر ..
يعني ياريت يساعدني ...
عشان مني داري ايش حسوي ..
ولا ينسى الاجر ..
وشكرا مقدمااااااااااا ...

[sosotoo]

زاكر من سلايدات حق الكيمياء وشوف الامثلة اللي في االكتاب المكتوبة في السيلابس وتمارين نهاية الشابتر وان شاءالله يكون سهل

[υикиσωи]

اناا مستعدة اشرحلك من الى....
ما عندي اي مشاااكل ...
بسس قلي ايش اللي منتا فاهمووو..
برضوو شوف المكتبة الالكترووونية
فيها ملخصاات كتيرة...

[AlKhAyYaL]

المشاركة الأصلية كتبت بواسطة υикиσωи اناا مستعدة اشرحلك من الى.... ما عندي اي مشاااكل ... بسس قلي ايش اللي منتا فاهمووو.. برضوو شوف المكتبة الالكترووونية فيها ملخصاات كتيرة...

متشكرين والله ما تقصرو ..
بس مو قصة انه مني فاهم شيء .. وابغى شرح ..
بس احس نفسي ضايع .. ما عندي منهج معين .. ما عندي مقرر .. ما عندي المادة اللي ازاكرها ..
الملخص اللي يكتبلنا هوا في الكلاس .. ناقصتوو اشياء كتير .. وامثلة قليلة وكلها مباشرة ..
ولما افتح الكتاب نفسي تنسد .... اشوف اشياء غريبة ما قيد شفتها ..
الله يعيييييين .. ويستررررررررر .. ويوفق الجميع ..

[AlKhAyYaL]

المشاركة الأصلية كتبت بواسطة sosotoo زاكر من سلايدات حق الكيمياء وشوف الامثلة اللي في االكتاب المكتوبة في السيلابس وتمارين نهاية الشابتر وان شاءالله يكون سهل

انتي حاولي تدعيلي .. وان شاء الله يكون سهل الاختبار ..
ثانكس .. :)

[AlKhAyYaL]

هادا مثال سريع انه انا كيف احس نفسي ضايع ..
والتناقض بين الشيء اللي بقراه والشيء اللي بفهمو في المحاضرة ..
دحين في مختصر الكيمياء مكتوب..
اذا كان الرقم المسقط يساوي 5 فاننا نوصل الرقم المراد ابقاؤه الى اقرب عدد زوجي .. يعني اذا كان فردي ما نقرب ..
مثل عند تقريب 2.645 إلى ثلاثة ارقام معنوية يصبح 2.64
بعكس كلام دكتورنا الفاضل .. قالنا 5 واكتر زيدوووووووووووووووو وااحد .. لا قلنا لا زوجي ولا فردي .. ولا جاب سيرتها ... انا اسمع كلام مين بالزبط ..

[AlKhAyYaL]

وعندي سؤال .. دحين
190 .. كم رقم معنوي فيها ..
عشان فيه مسألة في المختصر تقول انها 3 ارقام معنوية على حسب ناتج القسمة اللي صار ..
واللي اخدناه مع دكتورنا الفاضل انها رقمين فقط ..
فايش الصح .. ؟

[مســـــــــــــــك]

560 kg
2 significant figures


في الرقم الصحيح زي مثلا 190
هذي فيها 2
لان صحيح تقدر تقول 2
وتقدر تقول 3
اما اذا كان عشري مثلا
0.00420 g
3 significant figures
هذا عشري وانت عارف ان اللاصفار اللي على اليسار
لا تحسب
اللي على اليمين فقط اللي تحسب

اتمنى تكون فهمت
والله يوفقك ويدلك على الصراط المستقيم

[زهرة الزهور]

190 فيه رقمين معنويين وليس 3
الصفر نحسبه إذا كان بعد الفاصلة وقبله رقم يعني بعطيك أمثلة حق يكون أوضح
عندنا 2000 تحتوي على رقم واحد معنوي
أما 2.000 تحتوي على 4 أرقام معنويه
أما0.00420 تحتوي على 3 أرقام معنويه
أما 1.00420تحتوي على 6أرقام معنوية
أتمنى فهمت قصدي
وبالتوفيق وماابي كلمة شكر أبي دعوة صادقة من القلب للدنيا والآخرة

وإذا بقيت شيء أنا في الخدمة

وصلت الإجابة قبل بس زيادت الخير خيرين

وبالتوفيق جيب الفل مارك

[AlKhAyYaL]

المشاركة الأصلية كتبت بواسطة مســـــــــــــــك 560 kg 2 significant figures في الرقم الصحيح زي مثلا 190 هذي فيها 2وتقدر تقول 3 اما اذا كان عشري مثلا لان صحيح تقدر تقول 2 0.00420 g 3 significant figures هذا عشري وانت عارف ان اللاصفار اللي على اليسار لا تحسب اللي على اليمين فقط اللي تحسب اتمنى تكون فهمت والله يوفقك ويدلك على الصراط المستقيم

يعني الجوابين صح .. نقدر نقول انها رقمين ونقدر نقول انها تلاتة .. .ولا كيف .. ؟؟