لـ طلاب/طالبات : نظم المعلومات

[مجمع العرب]

السلام عليكم و رحمة الله و بركاته
انا ان شا الله بختار كلية الاقتصاد و فكرت اني اختار قسم نظم المعلومات
ولكن المشكلة انو ابغا اعرف كيف نظامكم من خلال الدراسة ..
هل الاختبارات كلها انجليزي ؟؟و الكتب برضو انجليزي ..؟ لاني بتعب من كتر الانجليزي
المذاكره من ملازم و لا كتب ..؟؟
بيساعدونا الاساتذه << يعني في بونس ..؟؟ و كيف تعاملهم ..؟؟
و جزا الله خير اللي بيجاوبني و يطمن قلبي

[صباا]

أيوة كل المناهج انجليزي والمذاكرة من الكتب والتيست بانك والسلايدات انتِ وحظك
والدكاترة شفنا الكويس وشفنا غير الكويس يعني زي بقية الأقسام تلقي دكاترة مختلفين

[ALEMBRA6OR]

وعليكم السلام ورحمة الله وبركاته

الله يحييك

اي نعم كل الأمور عندنا انقلش وبالنسبة لي الدكاترة اللي واجهتهم كلهم يساعدونا وطيبيين ماعليهم .

المذاكرة من الكتب والسلايدات في بعض المواد .

بالتوفيق والسداد .

[hes]

طيب ايش اقل معدل انقبل من دفعة 11 وايش المواد اللي لازم إخلصها في الثلاث اترام الأولى في كلية الاقتصاد

[بنت ناس وقلبي ألماس]

‏^‏^ بالنسبة للمعدل ماعندي خلفية عنه لكن غالبا الأولاد تكون معدلات القبول منخفضة عندهم مقارنة بالبنات..
بالنسبة للمواد تلاقيها في موضوع الخطة الدراسية المثبت فوق ..
المواد من المستوى الثالث إلى الخامس هي المواد اللي تدرسها في الثلاثة الأترام الأولى.
لكن لو بقي لك 3 مواد منها عادي تتخصص..
وبالتوفيق.

[hes]

أي ثلاث مواد ؟

[خآآلد]

^^

تقصد انه لو باقي أي ثلاث مواد بالخطه ماخلصتيهم عادي تتخصصين ,


ولكن اللي سمعته ان التخصص اللي بتاخذيه لازم تكوني خلصتي الماده حقته


يعني بتتخصصي نظم لازم تخلصي ماده النظم , بتتخصصي تسويق تخلصي ماده التسويق وزي كذا



والاعضاء اللي فوقي كفّو ووفو ماقصرو