وش هاللخبطة ياجامعتنا ؟؟!!

[سمو الروح]

بسم الله الرحمن الرحيم
السلام عليكم ورحمة الله وبركاته . .
بصراحة والله مدري من وين ابدأ ووش اكتب ووش اخلي . .
ابدأ بدفعي لهذا الترم 6000 الاف ريال . .
والا بمادة اختبر فيها ويسجلونها علي غياب . .
والا بتضييع مجهودي في الاختبار كدرجات . .
يعني ماعرف في هالجامعة الا 60 او 65
ياناس والله العظيم اني احضر لهم وكاني معهم
مدرسين وملخصات بشكل مكثف . .
بالبداية نقول الحمدلله معدلنا ورصدهم للدرجات لابأس فيه
ومع ذلك احس اني ظلمت فيها كرصد ماأنصفني . .
لكن اخذ الموضوع يتمادى معهم
معلقين معي على اضعف درجة
وانا اقسم بالله ادخل الاختبار بنسبة مذاكرة 98 %
واطلع منه وانا احمد ربي ثقة بما قدمت في قاعة الامتحان . . او بالاصح ( مجمع رشوش )
لكن اشوف ان هالرقمين صاروا مخاويني في هالجامعة . . ( 60 - 65)
والله ماعرفت هالرقمين الا عندهم واقصد الدرجات . .
ماكنت انزل عن الـ 85 . .
وللمعلومية معدلي مانزل عن 4 اللهم لك الحمد الا من هذا الترم
حسبي الله ونعم الوكيل . .
احد سبق وصار له مثل هالظلم في رصد الدرجات .
يفيدنا بالطريقة للتقديم واسترجاع درجاتي اللي انا متأكد انها اكثر مما رصد لي الان
يحسبون انا ندرس بس لمجرد النجاح يوم يدفون درجتي 60
اقسم بالله عيب انا ماجيت بدرس لمجرد التخرج وبس وباي نسبة
هنا بقولهم معصين والف معصين بعد . .
لكن كان الله بعوننا مع تصرفات هالجامعة . .
ماينفع عليهم الا قول من ( مطب في دحديرة )
وياقلب لاتحزن . .
قال رشوش قال . .

[bndr7777]

صارت لي كثير

احيانا اطلع من الاختبار اقول بجيب درجةة متتازة واتفاجأ بدرجة سيئة
واحيانا اطلع من الاختبار خايف واجيب درجة ممتازة ..

اعتقد انك تقدر تدفع 500 ريال وتشوف حلك اذا صح انك مظلوم يعطونك ال500 و يعدلون درجتك
واذا غلط تروح عليك ال500 ..

[adnans]

ما أظن ب 500 اخوي أظنها مجانية أكيد روح وراجع كلنا راجعنا درجاتنا ومره رسبوني وعدلت الدرجه ..
بالتوفيق

[سمو الروح]

اي والله مابقى الا هي
ادفع عشان اتأكد من درجاتي
هذا من ابسط حقوقي يالغالي
وماني دافع ﷼ واحد يكفي هالترم بعد دافع 6000 ﷼ غير المدرسين
ويكفي اني بتخسر سفر من الرياض لجدة وسكن وووووو...الخ
قالوا لهم الوليد بن طلال يدرس عندكم والا ايش
سحب فلوس عوليتهم يعطوننا حقنا بس
اما من ناحية الظلم في الدرجات فـ والله العظيم ان فِيْھ ظلم بشكل سافر

[ابو مرعي]

الله يعطيك العافيه هذي هي جامعة الملك عبدالعزيز من زمان ماتغير شي لكن الله يعين الطلاب على المعاناه

[سمو الروح]

المشاركة الأصلية كتبت بواسطة ابو مرعي الله يعطيك العافيه هذي هي جامعة الملك عبدالعزيز من زمان ماتغير شي لكن الله يعين الطلاب على المعاناه

هنا مربط الفرس يابو مرعي
هذي هي جامعتنا من زمان ماتغيرت !!
بصراحة لاننا ماطالبنا بحقنا . .
واذا ماطالبننا بحقوقنا كطلاب منتسبين في هذي الجامعة ..
من بيطالب . !!
السبب الرئيسي في ضياع حقوقنا ودرجاتنا ولانها على قولتك ماتغيرت لان محد طالب بحقه
لازم يوصلهم ان رصد الدرجات عندهم فيه اشكالية وظلم بشكل او آخر . .
ولازم يعرفون ان هناك طلاب مايسعون للنجاح فقط ولو باقل الدرجات . .
هناك طلاب يهمهم نجاحهم وبأعلى الدرجات اللي تعبوا للحصول عليها . .
انتهت النظرة السابقة المتأصله عندهم ان الطالب بس يبي ينجح وبس . .
لااازم نطالب ويرتفع صوتنا عشان يعرفون ان المووضوع تغير عن اول . .
اجل ندفع ونتعب ونتبهذل وبالاخير خلوه ينج بس وكأنها منه بشي مو لنا . .
عيب والله العظيم عيب صرح تعليمي كبير ويصير فيه كذا . .
وين المصداقية . .
عني انا انتظر الموافقة على اجازتي من الدوام . .
وباذن الله اسافر لهم واعرف حكاية زملائي الجدد الـ 60 والـ 65 . .

وفق الله الجميع لما يحب ويرضى . .