محتاره في اختيار النخصص من بين التخصصات حقت العلوم الطبيه التطبيقيه

[رهف عبدالعزيز]

السلام عليكم ورحمتة الله وبركاته
اسمي رهف وانا من دفعه تحضيري 2013
لو انقبلت في هاذي الكليه
كيف اعرف اي تخصص ينفع لي قريت كثير ومافهمت محتاره بين الثلاث
تمريض
مختبرات
اشعه
كيف ممكن اختار ؟ ايش المميزات والسلبيات في كل واحد

[دره جده]

اهلا اختي .. اولا مرره معليش يمكن كتيير من طلبه التحضيري بيدخلو هنا ومحد يردلهم بكفايه بس من جد اشغال العالم ماتخلص الله لا يشغلنا الا لطاعته وبتتخصصو وبتعرفو =) ..
أختي اولا ربي يكتبلك الي فيه خير .. وتبغي نصيحه الي للأسف اكببببببببر مشكله بتدور ل طلبه الجامعه ابددددد لا تسمعي من اي احد ان دا القسم سئ او ماله مستقبل .. سبيك من دا الكلام ربي هوا الي مخطط لكل شخص نصيبه من الحياه..
ثاني شئ ياليت تستخيري وتفكري انتي ك إنسانه اش تحبي مو العالم اش ييبغى .. حتى لو دخلتي قسم وقالولك ليش دخلتيه ماله مستقبل .. طنشيك اقلها دخلتي شئ بتحبيه ومع الفتره بتلاقي بتنجزي ف حياتك للشئ دا الي حبيتيه وبتنمي مهاراتك واكييد بتلاقين مستقبل عاالي بإذن الله..

وك رأي بالنسبه للثلاثه الاقسام .. وحقلك السلبيات مع اني مااحب اقول ع قسم سلبياته بس عشان انتي بتختاري طريقك بقولك

( التمريض )
الناحيه العمليه : قسم جميل جدا أكتر شغلك مع المريض وممكن تكوني مع الدكتو يعني حتفهمي شغل الدكتور ومهنه عمليه مرره ..
الناحيه الوظيفيه : مضمونه بإذن الله أسألي أي احد بيقولك كدا ..
ناحيه مناسبلك ولا لا : يبغاله صبر و شوفي انتي تحبي تتعاملي مع المريض ..
الناحيه السلبيه : يمكن الشفتات ف الشغل شئ سلبي .. بس لو اشتغلتي ف المراكز الصحيه بإذن الله شغلك حيكوون عادي ومافي شفت .. وطبعا يعتمد ع القسم الي بتشتغلي فيه اذا كان يحتاج شفت 12 ساعه او لا ..
.........

مختبرات :
الناحيه العمليه : شغلك مح يكون كتير مع المريض .. اكتر شئ معامل وتحاليل وكذا
الناحيه الوظيفيه : حتسمعي ناس يقولولك ماله مستقبل ومن دا الكلام بس انا ضدهم الرزق بيد ربي واكييد له مستقبل وكمان فتحو الماجستير دحين يعني باين ان له اهميه بذاك الشكل..
ناحيه مناسبلك ولا لا :كيفك مع الكيمياء وديك الحاجات! تحبي التحاليل والتعامل مع المواد!
الناحيه السلبيه : ماقد سمعت ان له سلبيات بذاك الشكل..
..............................
الأشعه :
الناحيه العمليه : شغلك كله مع الاجهزه
الناحيه الوظيفيه : العام اعرف وحده اشعه وقدمت تدريب بالاجازه وجاها بالهبل .. ف الله اعلم مااقدر افتيلك مرره ف دا الشئ ..
ناحيه مناسبلك ولا لا : بتحبي تتعاملي مع اجهززه ! دراستهم فيزياء ودي الاشياء بس مو فيزياء حق الثانوي <<فيزياء بخصوص التخصص دا وجميل ترى..
الناحيه السلبيه : حتسمعيها من الكل .. الاشعه مضرر وممكن يأثر فيك وخاصه البنت ماينفعلها<< بس انا ضدددهم لان حيعلومك كيف تحمي نفسك وماده خاصه ع دا الشئ وبعدين ناس كتيير ف الاشعه وربي يحفضهم مافيهم شئ.. حتى بنات الاشعه بيقولو نفس الكلام .

.................................................. ..

أسفه طولت وان شاء الله اكون افدتك بالي اقدر عليه ..
دعوااتي الصاادقه لك بالتوفيق والنجاااااح .. والخيره في ماكتبه ربنا ليس فيما اصرينا عليه =)

[دره جده]

لو احتجتي شئ تفضلي بقدر الاستطاع بنكون معاكم ..

دعوااتك ..

[املكم..~]

اول شي ان شاء الله تنقبلي.. وتتحقق اول خطوة لطموحك

ثاني شي انا راح افيدك في المختبرات

المختبرات في دراسته ممتع وبالذات مع كل ترم يكون احلى.
من ناحية الصعوبه والسهوله فهو زي كل التخصصات الصحيه
ما يتسهان فيه ولكن لكل مجتهد نصيب.

بالنسبة للوظايف هو تخصص مرغوب بالذات ان له اقسااااام كثيرة جدا
تقريبا كل مادة في المختبرات لها قسم خاص
والرزق في كل الاحوال ع الله

وطبعا مو كل شي كيميا مو صح نعمم. نقدر نقول الكيميا جزء منه

واهم شي احسه في المختبرات انه يعطي مجال واسع في الابحاث

واسفه ع الاطاله..

[NoOoNy360]

انا رح اتكلم عن الاشعة
مميزاته انو قسم جميل في حاجات ممتعة رح تلاقي داخل فيه فيزياء وحسابات مسائل لكن مو بشكل عميق جدا بس فيه يعني ،مافيه مادة بيوكمستري ، رح تتعلمي كيف تحمي نفسك من الاشعه فلا تخافي من دي الناحيه
مساوئه انو اتوقعي في كتير ناس رح تناديكي فنيه بالرغم من انك اخصائيه و اللي اعرفو انو اغلب شغلك مع الاجهزه
من ناحية اش اللي يناسبك هدا شي انتي ادرى بي يعني حتى المميزات والمساوء ممكن شي انا اعتبره ميزه انتي تعتبريه العكس والمساوء نفس الشي وقبل كل شي استخيري استخيري
والله يوفقك للتتمنيه

[NoOoNy360]

ونسيت اقول انو اللي سمعتو بحكم انو يعتبر تخصص جديد ففي فرص وظيفيه كتير وبرضو اسالي من دي الناحيه عشان تتاكدي

[رهف عبدالعزيز]

كل الي ردو جزاكم الله خيرر ومرا ساعدتوني شاكره لكم والله يعطيكم اضعاف الي تتمنونه

[Dr.Shaikhah]

ربي يوفقك يا أختي رهف

انتي شوفي قلبك ايش يقولك وإيش يحب

بالنسبة لتخصص الأشعة بما إني أشعاوية
فـ فيه مميزات وسلبيات زيه زي باقي التخصصات
فعلا نستخدم اجهزة لكن الإجهزة راح نستخدمها على مين ! في النهايه على مريض بمعنى راح تحتكي بالمريض ومو كل حياتك أجهزة
وتقدري تتخصصي بعدين في اي تخصص تحبيه
احنا ندرس الأشياء ذي
general x-ray أشعة اكس العادية للكسور مثلا
mammography أشعة تصوير الثدي
flouroscopy أشعة باستخدام الصبغة مثلا نبغى نصور المعدة نقوم ندي المريض صبغة ونصور عشان تبان عندنا المعده وهكذا لباقي الأعضاء
computed tomography CT اشعة مقطعية تعطينا العضو على شكل مقاطع أو شرائح
Magntic resonance Imaging MRI اشعة الرنين المقناطيسي
Ultrasonography تصوير بالموجات الفوق صوتيه وهذي تعتبر آمنة مافيها أشعه هيا نفسها اللي نشوف بها الجنين في بطن امه ونقدر نفحص بها اعضاء ثانيه زي الكبد والكلى والمراره وهكذا ...
nuclear medicine طب نووي , بمعنى ما نشعشع المريض , لأ ! , نعطيه مادة مشعه يقوم هوا يشع ونصور الإشعاع اللي خارج من المريض
interventional radiography الأشعة التداخلية
radiotherapy علاج بالأشعة
زي مثلا نقدر نتخلص من الأورام الخبيثه باستخدام الإشعاع
انا شرحت لك بشكل بسيط جداجدا وبمصطلحات سهله عشان تتوضح لك الفكرة

وراح تاخذي مادة عن الحمايه من الإشعاع , لو كنتي خايفه على نفسك راح تتبعي القوانين وماراح يكون فيك الا كل خير وفي مواد ثانيه في الخطه لكن ذكرت لك ابرز شي

ولو احتجتي اي سؤال اسأليني =)

ربي يختار لك اللي فيه خير لك

[رهف عبدالعزيز]

المشاركة الأصلية كتبت بواسطة dr.shaikhah ربي يوفقك يا أختي رهف انتي شوفي قلبك ايش يقولك وإيش يحب بالنسبة لتخصص الأشعة بما إني أشعاوية فـ فيه مميزات وسلبيات زيه زي باقي التخصصات فعلا نستخدم اجهزة لكن الإجهزة راح نستخدمها على مين ! في النهايه على مريض بمعنى راح تحتكي بالمريض ومو كل حياتك أجهزة وتقدري تتخصصي بعدين في اي تخصص تحبيه احنا ندرس الأشياء ذي general x-ray أشعة اكس العادية للكسور مثلا mammography أشعة تصوير الثدي flouroscopy أشعة باستخدام الصبغة مثلا نبغى نصور المعدة نقوم ندي المريض صبغة ونصور عشان تبان عندنا المعده وهكذا لباقي الأعضاء computed tomography ct اشعة مقطعية تعطينا العضو على شكل مقاطع أو شرائح magntic resonance imaging mri اشعة الرنين المقناطيسي ultrasonography تصوير بالموجات الفوق صوتيه وهذي تعتبر آمنة مافيها أشعه هيا نفسها اللي نشوف بها الجنين في بطن امه ونقدر نفحص بها اعضاء ثانيه زي الكبد والكلى والمراره وهكذا ... Nuclear medicine طب نووي , بمعنى ما نشعشع المريض , لأ ! , نعطيه مادة مشعه يقوم هوا يشع ونصور الإشعاع اللي خارج من المريض interventional radiography الأشعة التداخلية radiotherapy علاج بالأشعة زي مثلا نقدر نتخلص من الأورام الخبيثه باستخدام الإشعاع انا شرحت لك بشكل بسيط جداجدا وبمصطلحات سهله عشان تتوضح لك الفكرة وراح تاخذي مادة عن الحمايه من الإشعاع , لو كنتي خايفه على نفسك راح تتبعي القوانين وماراح يكون فيك الا كل خير وفي مواد ثانيه في الخطه لكن ذكرت لك ابرز شي ولو احتجتي اي سؤال اسأليني =) ربي يختار لك اللي فيه خير لك

كلامك مرا ريحني شكرا لك واحس اكثر شي ارتحت له اشعه وكمان بستخيرر وإن شاء الله خير ماقصرتي الله يعطيك العافيه ويوفقك ياجميله

[Dr.candy]

كل تخصص في أي مجال طبي ..

مرة جميل ..كل تخصص يتميز بحلاوته و صعوباته ..

انتي لازم تشوفي قدراتك و ميولك ..
اقعدي مع نفسك و فكري ..

وفي المنتدى ماشاء الله مواضيع كثيرة واستفسارات
و كثيرر ردو عليكي في مجال تخصصهم ..

انتي لازم تشوفي ايش تبغي في نهاية الأمر استخيري و قرري ..

ربي يوفقك و يفتحها عليكي ^^