للي يعرف ضروري يرد علي

[الحـ العيوف ـلم]

السلام عليكم
قصر الكلام يا طالبات وطلاب
مين يعرف أستاذه أو أستاذ في مادة الأقتصاد الكلي يقدر يعطي دروس خصوصيه في البيت00بس ابيها\ابيه تكون كفو للتدريس وبالها طويل علي((يعني ماتشخطش فيها))لانها عقدتي
لان بصراحه هالماده متخوفه منها صالي حاملتها مرتين000بكل هالمرتين ما أدخل فيها اختباربسبب اني تخوفت من الأستاذات ولاني احس نفسي مو فاهمه بها بالدرجه الكافيه000فاللى يعرف ياليت يدلني لاني بحاول اضيفها لي الترم الجايه وارتاح من شبحها
دمتم بكل الحب

[عــــامـــر]

ما دام بتضميها الترم ملحوق عليها اتوقعت انك لسه راح تختبري فيها وتبي احد يدرسك عيع
انا راح اسأل وادور لك اوووووووووكيه
تحياتي

[طالب مستجد]

إذا تقصدين الاقتصاد 102 هذا والله مايستاهل

اهم شي تحفظين كتاب المساعد وتعرفين القوانين اللي فيه و العلاقات اللي فيهم مثل اذا زاد === انخفض وبس مايبيلها

اما 101 عندي ملخص له اذا تبينه ، بس اعتقد انك تسألين عن 102

[الحـ العيوف ـلم]

لا 102 صعب
بالذات لمى بطلع الناتج على الرسم البياني يوووووووووووووه يعقد
ام إذا زاد الـ ـ ـ ـ فينخفض الـ ـ ـ ـ هذي مامنها كلام سهله
وياديفيل ماتتخيل كيف هالماده مخوفتنيتصدق ما افكر بختباراتي الحين قد ما افكر بها وهى ماهي معاي هالترم000ولاني بشوف اذا فيه مدرسه بضيف الماده مافيه ماراح اضيفها فهمت علي
الف شكر لتعاونكم وياي ويالت تلقون لي بأقرب وقت

[طالب مستجد]

شوفي الحـ العيوف ـلم

سمعت من طالب يقول انه الدكاتره نفسهم ماهم فاهمين الماده <<<< والبرهان شرحهم للماده

انا ماقول انه الماده كلها ماتنفهم بالعكس ، بس فيه دروس الله يستر

وبالنسبه اذا مافهمتي للكتاب المساعد

انصحك تشترين المرجع الأصلي للماده واعتقد اسمه مبادي الاقتصاد لزكريا الباشا ، وعبدالوهاب الأمين

وصدقيني اذا انتي مصرّه على انك تجيبين مدرس يدرسك هالماده والله راح يزيدك تعقد

<<<<< اعرف طلاب جابوا مدرس مصري اعتقد وشرح لهم هالماده ورسبوا فيها

واخيرا انصحكي تختارين مدرسه تنجّح بالعربي

[الحـ العيوف ـلم]

مبادى الأقتصاد اللى تقول عنه عندي وماخليت ملزمه من البنات الا وهى عندي ومع كذا ما ادري اشعر بخوف من ناحية هالماده مدري شلون بعديها نفسي نفسي انقزها بس ما ني عارفه


دام المدرسه الخصوصيه مابتنفع والماده كلها معقده والأساتذه نفسهم مو فاهمينها0000طيب شسوي انا بعمري

[طالب مستجد]

طيب وش رايك انا الترم هذا كنت منزل مادة Econ 102

وكان اليوم اللي بعدها قانون ، والله العظيم اني ماذاكرت اقتصاد ولا فتحته اصلا ، وكنت اذاكر قانون ، بس قبل الاختبار بنص ساعه اخذت الكتاب من واحد من الطلاب <<<<< حتى المساعد والله ماشريته ، وقعدت احفظ بس القوانين العامه والأشياء الرئيسيه

وقبل امس شفت درجتي

تتوقعين كم ؟؟

91 A

مع اني كنت متوقع 80 وفوق ، بس الحمد لله

[المبدعة]

عزيزتي الحلم العيوف ..
ترى المادة سهلة ما تستاهل كل هذا التعقيد هي بس يحتاج لها شوية تركيز بس .. مش أكتر يعني ..
=====> جينا للفلسفة كخخخخخ ...
وخذيها مع أستاذة حنان ترى معاها مرررررررررررة سهلة .... وما عليك من كلام البنات ...
حتى أذكر ما كان في كتاب درسنا بالمحاضرات بس وكم ملزمة صغيرة صورتها وخلاص ..
ولا كتاب مساعد ولا مرجع ...

وأي مساعدة أنا جاهزة ...
بس على فكرة ... بصراحة ناسيتها لأني أذتها قبل 3 أترام ...

انت ضيفيها وربك يسهلها وما تحتاجي لا مدرس ولا مدرسة ..

أختك / المبدعة ...

[سارونه]

اخت الحلم العيوف ......
الماده كفايه فيها أنك تذاكري المحاضرات ... وراح تجيبي علامات كويسه....
واللي شفته المستوى الي فات انه استاذات الماده نزلوا ملزمه موحده ومهي طويله للماده واضحه وما يحتاج تذاكري اي كتاب غيره ... ولوا ذاكرتيها بس............. بتجيبي علامات كويسه ... ومهي صعبه مررررررره يعني شوي وزي ماقلتي اصعب شي الرسم ... وعلى فكره انا دخلت الاختبار وإختبرت ونجحت وانا ما أدري اش سالفت هذي الرسمه المعقده... والحمد لله ماجت في الاختبار .. والله يوفق الجميع

[الحـ العيوف ـلم]

جزاكم الله الف خير على النصائح والمسانده الروحيه لي
وفعلا من كلامكم حسيت اني بضيف المادة بس ماقدرت تدرون ليه
لان طلع فيها تعارض
بس إن شاء الله بحاول اضيفها وببذل قصار جهدي بها علشان اتخلص من كابوسها
ولكم شكري تاره اخرى