أرجو الإفادة لأني جداً محتاره😥

[أمجاد القرني]

بسم الله الرحمن الرحيم
أولا من كثر مو أنا قلقانه ومحتاجة مساعدتكم بعد الله و رأيكم كتبت الموضوع في كم قسم وحتى أخذ بكلامكم ورأيكم فأتمنى الكل يحط رأيُه
أنا أنهيت السنة التحضيرية والحمدلله بمعدل ممتاز ولكن لم أتسكن في الكلية التي أريد و تسكت في كلية العلوم الطبية التطبيقية موازي ولكن أبداً مو مرتاحة أنا عارف الكلية حلوة ومستواها كويس والبنات الي في المنتدى الخاصة بالكلية ساعدوناااااا كثير ربي يسعدهم ومتعاونين معاً وكثيييير يتمنو هذي الكلية بس حاولت أحدد التخصص الي أبغى ما قدرت أحدد فكرت أختار قسم سهل عشان أرفع من معدلي وأن شاء الله أحول لكلية الطب أو أسنان أو صيدلة لكن كل التخصصات في هذي الكلية قوية وتحتاج رغبها قوية
وحب عميق لتخصص ففكرت أحول كلية العلوم لان مستواها أسهل وأخذ مواد عامة وسهله ومو زي كلية العلوم الطبية التطبيقية جدولهم إجباري وأجيب معدل عاااالي وأحول ان شاء الله
وعندي كم سؤال إذا تعرفو
1/هل ممكن أحول من كلية العلوم إلى الطب أو صيدلة أو أسنان وهل في أحد حول منها قبل كذا
2/هل يمديني أحول أول أسبوع من الدراسة إلى كلية العلوم الفرع الرئيسي وهل إذا حولت يعتبر خلاص معاد أقدر أحول لان التحويل يفتح مرة وحدة حسب علمي *علماً أنا نسبتي أعلى من أقل نسبة أنقبلت في العلوم الفرع الرئيسي بكثييييييير
3/وكم عدد الساعات الأقصى في الترم في كلية العلوم
4/ وإذا فتح التحويل هل أرتب الرغبات كلها من جديد أو أختار كم كلية يعني كم رغبة تنفتح لي
وأخيراً شكراً لكم مقدما

[fatoom sweety]

وعليكم السلام ورحمة الله وبركاته في حاجات مالي خبرة فيه لاني ماجربت احول لكن انتي الحين اذا حولتي كلية العلوم وقتها خلاص ماتقدري تحولي تاني لانو يحتسب انك حولتي وهو مسموح مرا واحدة فقط فأنصحك انك ماتحولي و تكملي في كليتك وتشدي حيلك بعدين تحولي طبعا اول شيء لازم تروحي العمادة تتاكدي انه كلامي صح او لا يمكن غيروا النظام

بالنسبة كم ساعة تقدري تاخذي بالترم الواحد 18ساعة والتحويل لما يفتح تحددي رغباتك زي التسكين بالزبط
بس لو كنتي شاكة انو نسبتك ماكانت حتدخلك طب كان اخترتي العلوم اول رغبة عشان تشدي حيلك بتخصص الاحياء لانو سهل جدا وبالعربي ندرسه بالفيصلية لكن صار اللي صار عالعموم اسألي عن انك تقدري تحولي مرتين او لا وربي يوفقك ان شاء الله

[LeLou]

المشاركة الأصلية كتبت بواسطة أمجاد القرني بسم الله الرحمن الرحيم أولا من كثر مو أنا قلقانه ومحتاجة مساعدتكم بعد الله و رأيكم كتبت الموضوع في كم قسم وحتى أخذ بكلامكم ورأيكم فأتمنى الكل يحط رأيُه أنا أنهيت السنة التحضيرية والحمدلله بمعدل ممتاز ولكن لم أتسكن في الكلية التي أريد و تسكت في كلية العلوم الطبية التطبيقية موازي ولكن أبداً مو مرتاحة أنا عارف الكلية حلوة ومستواها كويس والبنات الي في المنتدى الخاصة بالكلية ساعدوناااااا كثير ربي يسعدهم ومتعاونين معاً وكثيييير يتمنو هذي الكلية بس حاولت أحدد التخصص الي أبغى ما قدرت أحدد فكرت أختار قسم سهل عشان أرفع من معدلي وأن شاء الله أحول لكلية الطب أو أسنان أو صيدلة لكن كل التخصصات في هذي الكلية قوية وتحتاج رغبها قوية وحب عميق لتخصص ففكرت أحول كلية العلوم لان مستواها أسهل وأخذ مواد عامة وسهله ومو زي كلية العلوم الطبية التطبيقية جدولهم إجباري وأجيب معدل عاااالي وأحول ان شاء الله وعندي كم سؤال إذا تعرفو

حياكِ الله عزيزتي و إن شاء الله يكون كل اللي صار لك خيرة من رب العالمين..

1/هل ممكن أحول من كلية العلوم إلى الطب أو صيدلة أو أسنان وهل في أحد حول منها قبل كذا

أنا على حسب ما أسمع أنه ما في أحد قد حولوه على بشري أو أسنان قبل كذا..
كون هذا الكلام شائعات أو لا ما عندي علم،، لكن هذا اللي أسمعه و شخصيًا ما قد شفت أحد حول..

2

/هل يمديني أحول أول أسبوع من الدراسة إلى كلية العلوم الفرع الرئيسي وهل إذا حولت يعتبر خلاص معاد أقدر أحول لان التحويل يفتح مرة وحدة حسب علمي *علماً أنا نسبتي أعلى من أقل نسبة أنقبلت في العلوم الفرع الرئيسي بكثييييييير

ممكن لو رحتي لعمادة القبول و التسجيل تروحي للاستاذة إبتسام عبيد مديرة القبول و التسجيل و تغيري تسكينك..
و على حد علمي أنه تغيير التسكين لا يعتبر تحويل،، أنا من الناس اللي غيرت تسكيني لما اتسكنت و ما قالوا لنا أنه دا يعتبر تحويل أبدًا و المعاملة اللي اتقدمت ما كانت معاملة تحويل..
بس انتِ كمان اتأكدي لأنه الشي دا صار قبل سنتين و نص..
فممكن يعملوا لك مشكلة رغم أني ما أرجح..

3/وكم عدد الساعات الأقصى في الترم في كلية العلوم

في كل الكليات أقصى عدد مسموح به للساعات في السيميستر الواحد 18 ساعة إلا لو كنتِ تخرج ممكن يزودوا لك..

4/ وإذا فتح التحويل هل أرتب الرغبات كلها من جديد أو أختار كم كلية يعني كم رغبة تنفتح لي

أمممم ما أعرف بصراحة بس اتوقع أنه راح تجيكِ رغبات و ترتبي..

وأخيراً شكراً لكم مقدما

العفو عزيزتي و حياكِ الله..
و أهم شي زي ما قلت لك تراجعي عمادة القبول و التسجيل عند الأستاذة إبتسام و اسأليها عن دي الشعلات من باب التأكد لأنه أفضل لك..
لأنه احنا مهما كان ما نقدر نحكم كثير و الجامعة دي كل شوية بقرارات..

بالتوفيق||~

[أمجاد القرني]

كل الشكر لكم الله يوفقكم لما يحب ويرضا
طيب سؤال هو لما فتح التحويل أكيد دخلتو على الاودس أو سمعتم أو ......هل كان موجود كلية الطب أو لا مو موجودة أصلاً لطالبات العلوم
وشكراً لكم

[LeLou]

المشاركة الأصلية كتبت بواسطة أمجاد القرني كل الشكر لكم الله يوفقكم لما يحب ويرضا طيب سؤال هو لما فتح التحويل أكيد دخلتو على الاودس أو سمعتم أو ......هل كان موجود كلية الطب أو لا مو موجودة أصلاً لطالبات العلوم وشكراً لكم

العفو عزيزتي..

أنا خبري بالآوديس القديم صراحة..
بس اللي أسمعه أنهم يحطوا طب بشري بس ما يحولوا أحد عليه..
دا اللي سمعته و الله أعلم..
شخصيًا زي ما قلت لك ما أعرف أحد حول أو حاول يحول من الأساس على بشري..

بالتوفيق||~

[LeLou]

كمان استخيري حبيبتي الاستخارة مرة مفيدة..
و بإذن الله ربنا يقدم لك اللي فيه الخير..

[ĸнɪαℓ]

[COLOR="DimGray"]السلام عليكم ورحمة الله حبيبتي

أنا ماأعرف شيء عن التحويل بس أعرف التحويل من العلوم التطبيقية الطبية اسهل من العلوم للتخصصات الطبية الثانية

لكن عندي وجهة نظر وحابة اقوله لك

أولا لازم تعرفي على الأقل ميولك ايش أو أنت ايش تبغي من وظيفة أو ايش تتخيلي مستقبلك لازم جددا
إذا تقدري روحي عند شخص موثوق خبير تنمية بشرية أو مدرب يساعدك تعرفي نفسك أكثر ورغباتك وميولك ممكن تقولي كلام مبالغ فيه
لكن صدقيني إذا أنت مو الآن عملتي كذا حتعملي و أنت في قلب التخصص أوبعد ماعديت مراحل و مازلت بتعاني ..

أو استشيري و استفسري من اللي يدرسوا التخصصات اللي أنت حابة تعرفيها
و إذا مالقيت اقرأي عن ماهية التخصصات اللي تبغيها و تعريفها وموادها والنت مليان
و اأكيد استخيري ربنا و حيوجهك لكل الخير
اتعبي في البداية الآن مو مشكلة لكن حترتاحي لما تدخل التخصص اللي داخلته بقناعة

ثانيا العلوم التطبيقية و الطب و الاسنان و الصيدلة الاترام الاولى موادهم قريبة من بعض جددا تقريبا نفسها يعني نفس القوة
العلوم مو سهل كمان يحتاجله اجنهاد وقوي كدراسة البعض دخل يرفع معدله نزل
والعلوم الطبية التطبيقية فيها كذا قسم ممكن تلاقي ميولك فيها فلا تستعجلي ..بالاضافة لنصايح Lelou