مجاراة لقصيدة الشاعر / عبدالله الاهدل من الشاعر / مانع بن حصان

[راية العز]

صح بوح الاهدل الرجل السفير = سامع (ن) صوته وكلا (ن) يسمعه
ماذكر غير الحقايق يالمدير = انكسر حلمة ومره يجرعه
وغيره الوف (ن) على المنحى تسير = بين ظلم وبين جو المعمعه
يتفاجأ في نهايات المسير = بدرجات (ن) ما تحقق مطمعه
أن رجع للقسم عاين للمصير = حطوا الحجة عليه مقربعه
كم تجرعنا من الظلم المرير = والمجامل عندنا حن نصنعه
وكم تعودنا على ظلم الغرير = لو يكون أبوه راهب صومعه
والصبر خصله من الدين المنير = والغبن لا بدله من يقلعه
وأمنا بسل سيفي من الجفير = وأشهره والسيف يبرق ملمعه
ليمتا وحنا على غبن النظير = وليمتا وحنا نقدر الأمعه
يا اسامه مالها والله شوير = وأذنكم صمى ومر (ن) مشمعه
ليش ما تاقف وتنظر يالوزير = وبابكم يفتح لمن هو يقرعه
والجهاز اللي يصحح ثم يشير = لدرجات(ن) هابطات(ن) موجعه
الجهاز ماهو على كيفه بصير = والأوامر للجهاز موزعه
صححوا موضوعنا قبل المطير = وقبل ما يا جيك شل الامتعه
شارح ظروف الزمان اللي خطير = شاعر (ن) طيرة لزوم يبرقعه
ذا لسان الحال ينقلها الاثير = بسم طلاب أنتساب الجامعه


وسلامتكم

الشاعر / مانع بن حصان

[hi4rose]

صح لسانك
وان شاء الله يصل صوتكم للمسؤولين

[الشاعر عبدالله الاهدل]

مبدع مبدع مبدع لله درك
صح لسانك مجاراة اكثر من رائعة وفعلا تكملة لما نعاني منه الف شكر لك بصراحة ابدعت وفصلت باقي مانعاني منه وفي بعض الابيات جمعت التضمين والتوريه واضافات
تحياتي لك

[راية العز]

صح بدنك مشرفنا الغالي

[راية العز]

المشاركة الأصلية كتبت بواسطة الشاعر عبدالله الاهدل مبدع مبدع مبدع لله درك صح لسانك مجاراة اكثر من رائعة وفعلا تكملة لما نعاني منه الف شكر لك بصراحة ابدعت وفصلت باقي مانعاني منه وفي بعض الابيات جمعت التضمين والتوريه واضافات تحياتي لك

صح بدنك يالغالي
الشكر لله ثم لك

ابياتك معناها سلاستها
ملامستها للحدث الذي نمر فيه جميعا
الدافع الحقيقي

مرورك وتعليقك
هو الابداع
شاعرنا

[SAMOE2002]

يسلمووووووو رائع