مسيرة السنة التحضيرية .|. تجربتي من دفعة 13 لدفعة 14

[Yasmina95]

النسبه العامه حتكون كل الموااد جميعها ضرب عدد ساعاتهم قسمه مجموع الساعات ... صح كيده؟؟

[M!ss.R!ma]

يا ناااااسو <3<3<3
ما شاء الله عليك سردك وتنسيقك وكلوو موضوعك على بعضو جمييييل
ارفع القبعه احتراما لجهدك الجباار :)

[Dinah]

ما شاء الله تبارك الله ....
ربي يسعدك ويهنيك ويوفقك بتخصصك يارب

جداااً تجربتك ريحتني من ناحيه انو خايفه ما اجيب معدل حلو يأهلني للتخصص اللي أبغاه

لكن إن شاء الله راح أستفيد منها .. وغيري يستفيدوا

[Yasmina95]

أفنان الحين لو حذفت الانجليزي هل حيؤثر في المعدل للطب سواء خاصه او موزونه او المعدل ؟؟؟؟

[Razz]

سؤال ثاني :$
الفيزياء يعني اعتمد على النماذج السابقة وملخصات اشرف. ؟
والأحياء تقولي من العروض ؟ :$ العروض اجيبها من الاستاذة ولا من النت ولا اشتريها.
والنماذج السابقة من النت ولا اشتريها ؟
كمان اغلب الملخصات الي ذكرتيها، يمديني الاقيها في مكتبة خوارزم ؟
و كيف مذاكرتك كانت يومية ولا في الويكيند اغلب المذاكرة.. ؟
وبس شكراًً تعبناكي معاناا

[ranumg]

مررررة كميل الكلام ويريح القلب والضمير

حقيقتن..

مررة شكرا عالمساعدة والنصايح وبإزن الله ربنا ماحيضيعلك تعب حرف كتبتيه منشاننا

[Lulush]

المشاركة الأصلية كتبت بواسطة Yasmina95 طيب ممكن تديني الروابط كيف احسب النسبه الخاصه والنسبه العامه (الدرجه الموزونه) و المعدل الموزون

شوفي دا البرنامج

http://www.mediafire.com/j5lbqwcri08q5q4

[Lulush]

المشاركة الأصلية كتبت بواسطة Razz سؤال ثاني :$ الفيزياء يعني اعتمد على النماذج السابقة وملخصات اشرف. ؟ والأحياء تقولي من العروض ؟ :$ العروض اجيبها من الاستاذة ولا من النت ولا اشتريها. والنماذج السابقة من النت ولا اشتريها ؟ كمان اغلب الملخصات الي ذكرتيها، يمديني الاقيها في مكتبة خوارزم ؟ و كيف مذاكرتك كانت يومية ولا في الويكيند اغلب المذاكرة.. ؟ وبس شكراًً تعبناكي معاناا

عفوًا صاحبة الموضوع حرد عليها ..

شوفي حتلاقي في الموضوع دا كمية من الملخصات والعروض والنماذج

http://www.skaau.com/vb/showthread.php?t=586279

ومكتبة خوارزم حسب علمي ما تبيع ملخصات

والله يوفقنا جميعًا

[ArWaA Banabilah]

موضووووووووووووووووووووع جمييييييييييييييييييل ومفييييييييييييييييييييييييييييد جددددددددا

ماشاء الله تبارك الله درجاتك جمييلة الله يحفظك .. أعطتني دافع

صراحة أعجز عن شكرك على هدا الموضوع

الله يعطيك الصحة والعافية ويجزاك خييييير

أيضا أشكر الجميع على مشاعركم الرائعة تجاهنا

تحياتي 3>

[Abdullah96]

المشاركة الأصلية كتبت بواسطة fanno amoudi بسم الله الرحمن الرحيم السلام عليكم ورحمة الله وبركاته أخذت وقت كثير أفكر ينفع أسرد تجربتي دحين ولا أستنى التسكين سواء نزلت الموضوع اليوم ولا بعد التسكين محيغير من مجريات درجاتي أو اللي مكتوب ليا أي شي, ومتيقنة انه لو عدت السنة التحضيرية من جديد مجهودي حيكون هو هو ودرجاتي محتتغير فقررت إني أكبتها وأنزلها اليوم كمقدمه : السنة التحضيرية كانت ليا بمثابة أطول وأهم السنوات اللي عدت عليا, ما أنكر إني أتعب وأطفش أحياناً بس لما أفتكر انها السنة المصيرية اللي حتحدد مساري في المستقبل وانها من أهم الطرق للي يسعوا يحققوا أحلامهم , يجيني دافع إني أكمل وهي سنة ممتعة للي يحب يقضي أوقاته في نشاطات جانبية , جامعتنا ما شاء الله موفرة نوادي وفرق لمختلف أنواع الأنشطة اللي تناسب كل الميول. واذا احتجتوا أي معلومات أو استفسارات عن الجامعة أنا موجودة ودي تجربتي في السنة التحضيرية الفصل الدراسي الأول ~ . كانت بدايتي مع خطة أ وكانت تشمل ( الرياضيات , الفيزياء , الحاسب , الاتصال ) وبالنسبة للإنجليزي أنا بدأت من المستوى الرابع فدوامي كان طويل في نص الترم الأول بس وكانت طرق مزاكرتي تختلف من مادة لمادة وحتكلم عن بعض أستاذاتي وأسلوبهم في الشرح الرياضيات : درجتي : +a كنت مع أستاذة هتون شعيب, أهني كل اللي حياخذ عندها السنة الجاية سهل مره انك تجيبي معاها 100 مو بس +a كان شرحها كافي ووافي فما احتجت في المزاكرة غير دفتر المحاضرات والكتاب والوورك شوب. وبالنسبة للاختبار لاتشيلوا هم في 3 أسئلة بونس في اختبارات الدوري و 4 أسئلة في الاختبار النهائي ( للبنات بس ). ماده سهلة وممتعة ان شاء الله الكل ياخذ امتياز فيها الفيزياء : درجتي : +a كانت أحلى مادة عندي في دي الخطة بغض النظر إني ما اتوفقت في الأستاذة , ما أنتقص منها بس أسلوب شرحها ما كان يناسبني فزاكرت من ملخصات أشرف بركات اللي نفسي أشكره شخصياً صراحة مره ساعدتني ملخصاته إني أفهم المادة ولازم تركزوا على النماذج السابقة وتحلوا تمارين قد ما تقدروا لأنه في أسئلة كتير فيها لعب والفيزياء نفس الرياضيات من ناحية البونس الحاسب : درجتي : +a المنهج أسهل بكثير من منهج الثنوي خصوصاً إنه ما يتكلم عن البرمجة والفيجوال بيسيك والأشياء الحلوة اللي زي كدا بس تاخذوا المايكروسوفت أوفيس و سطح المكتب ومعلومات عن الانترنت حاولوا قد ما تقدروا انكم تاخدوا الـ +a فيها والحلو فيها انه اللي تختبروه ما ترجعوله ثاني اختباراتها نظري وعملي , النهائي نظري بس الاتصال : درجتي : +a ما أعرف ليش هي المادة الوحيدة اللي ما أفتكر فيها اسم أستاذتي مادة أسهل منها مافي عيبها التكاليف والعرض حقها بس مو صعبة والحمدلله أستاذتنا كانت متساهلة معانا كتير اختباراتها نصفي ونهائي بس انجليزي 4 : درجتي : +a عيبها بجانب وقتها الطويل حتى شغلها كثير وفي درجات في يد الأستاذة ومطلوب ملف وفي اختبار كتابة ومحادثة وفي reading circle وفكرتها انكم تتقسموا مجموعات وكل فرد في المجموعة له وظيفة معينة تنفذوها بعد ما تقروا القصة المقررة عليكم الفصل الدراسي الثاني ~ . كان ترم خفيف ومريح عليا بحجة انه ما عندي انجليزي , فكان دوامي يومين بس الأحد والثلاثاء الكيمياء : درجتي : +a أخذتها مع الدكتورة إكرام دانش , أنا اعتمدت على سلايداتها بس والتيست بانك وكان اللي مريحني إنها منسقة المادة فاعتمدت على التيست بانك حقها شرحها كان جداً ممتاز وكل معلومة توقف عندها وتعيد فيها وكان يعجبني فيها انها ما تعتمد على ترتيب الكتاب الأشياء اللي تشبه بعض وتسبب تشوش تحطهم في عرض واحد وتفرق بينهم تفهموا المعلومة غصباُ عنكم مافي بونس في اختبارات الكيميا بس سووا لنا كيرف أب بس ما عندي معلومة كم درجة كانت الإحصاء : درجتي : +a كانت بالنسبة ليا أسهل مادة في الخطة بس مو أحلى وحدة أنا حبيت الأحياء درستني دعاء بوقري وكنت أحضر السيكشن عند لميس العامودي ما شاء الله أستاذات الإحصاء ما عليهم كلام كلهم كويسين كانت المزاكرة من الكتاب والسيكشن وكنت أزاكر برضو من ملخصات جمال السعدي يجيب أفكار و مسائل مو موجودة في الكتاب استفدت منه كتير برضو مافي بونس في الإحصاء بس كان في كيرف أب جامد لدرجة حاسة إنه الدفعة كلها أخذت 100 الأحياء : درجتي : +a حكاية انه دوامي أحد وثلاثاء بس ساعدتني كثير في مزاكرة الأحياء كان عندي 4 أيام ويكيند كنت كل يوم فيه أمسك عرض الحمدلله ما يجي الاختبار إلا وأنا صامته وكنت أسجل صوتي وحطيت المنهج على طريقة أغنية ودايماً اسمعها في الطريق الطويل للجامعة > اتجاهلوا الملحوظة دي والأحياء ما يعتمد على الدكتورة قد ما يعتمد على المزاكرة أنا كنت مع سالينا تتساهل معانا مره وتبينلنا الأحياء شي سهل و ما يحتاج نشيل همه طريقة اختبار الاحياء في الدوري الأول والثاني يدوكم 30 سؤال يجي منها 10 أما النهائي يدوكم 40 سؤال جا منها 20 الأحياء المادة الوحيدة اللي مافيها بونس ولا كيرف أب | الأسئلة اللي تجينا بالنص تكفي. وبرضو طريقته زي الحاسب اللي نزاكره ما نرجعله .~. ودي كانت تجربتي المتواضعة في السنة التحضيرية صح إنها مرهقة بس على قد ما تتعب على ما قد تفرح بالدرجات أهم شي المزاكرة أول بأول خصوصاً في الكيميا المنهج مرررررره طويل خصوصاً في النهائي ومافي درجات على الحضور بس اذا اتجازوت الغيابات 6 أيام فيها حرمان من الماده حاولوا تستغلوا السنة دي بكل ما فيها حتمروا بذكريات ممتعة وظريفة خصوصا أول أيام لما تدورا على المباني والقاعات وفي يدكم خريطة .~. ما بقي إلا كم يوم وتسيروا من حزب العزيزيون واحنا نتسكن الله يوفقنا كلنا وإن شاء الله كل واحد يدخل التخصص اللي يطمح له ودا الموضوع من تجربة طالبة انكرفت من دفعة 13 لأخواننا الصغار دفعة 14

أنا حدرس انجليزي مستوى رابع في الربع الثاني يعني حكون فاضي في بداية الترم ؤانا خطة أ.. كيف كان دوامك الترم الأول بدون انجليزي من ناحية أيام الدوام و الساعات ؟