مابعد التخرج ؟!

[فتاة جدة الذهبية]

السلام عليكم ورحمة الله وبركاته :-)
ي حلوين انا ع وشك تخرج
بس بسال ان شاء الله هل يمديني اكمل دراسه في مجال الطب )تمريض( بعد التخرج ؟!!!

[الشيمآء]

و عليكم السلام و رحمة الله و بركاته ~

أول شي الله يتمم لك فرحتك بالتخرج على خير

تاني شي ايوه تقدري، و هدا برنامج مقدم من جامعة الملك سعود للعلوم الصحية في الرياض و جدة :)
التقديم يكون في منتصف الترم الأول تقريبًا.

بالتوفيق .

[ارقى البنات]

طيب نقدر نخلص ماستر في تخصص غير الكيمياء حيوي
و لو ممكن ايش هيا التخصصات المتاحة لينا ؟

[بيو كيميائية ^_^]

تقدرين و شوفي شروط البرامج و مين يقبلك

و كل جامعة لها شروط

[ارقى البنات]

شوفت و انصدمت
عشان نكمل ماستر مختبرات طبية لازم يكون عندنا خبرة 3 سنوات
لو بتدرب 3 سنوات احس مالوو داعي الماستر خلاص حكون بيرفكت في شغلي

[بيو كيميائية ^_^]

ايوا عارفة كنت أبي أقدم فيه بس مرة إنصدمت من موضوع الخبرة
قلت فيه هالثلاث سنوات خلصت الماستر
بجد يعني معقدين الأمور علينا :(

بس على فكرة الكل يفضل إكمال الماستر بعد الوظيفة يفتح عقلك على ايش بالضبط حابة تكملي

بس إذا مالقى الواحد وظيفة راح يكمل

[ارقى البنات]

بيو كيميائية
والله انا اتخرجت في الصيف و حاسة بفراغ دحين و محتارة
لسى التقديم حيبدا 16 ربيع الاخر يعني ان شاء الله في وقت الواحد يفكر كوويس ايش حيعمل
اكييد لو مالقيت وظيفة حكمل بس لازم اختبر قدرات الجامعيين و كفايات دا الي فهمتو
الله يسهل ويكتبلنا الخير يارب

[حنان 90]

المشاركة الأصلية كتبت بواسطة ارقى البنات شوفت و انصدمت عشان نكمل ماستر مختبرات طبية لازم يكون عندنا خبرة 3 سنوات لو بتدرب 3 سنوات احس مالوو داعي الماستر خلاص حكون بيرفكت في شغلي

فين مكتوب 3 سنين ؟ هنا الشروط

و ايش يقصدون ب بكالوريوس لحملة البكالوريوس < يعني ندرس 4 سنين ثانية ؟

[بيو كيميائية ^_^]

المشاركة الأصلية كتبت بواسطة ارقى البنات بيو كيميائية والله انا اتخرجت في الصيف و حاسة بفراغ دحين و محتارة لسى التقديم حيبدا 16 ربيع الاخر يعني ان شاء الله في وقت الواحد يفكر كوويس ايش حيعمل اكييد لو مالقيت وظيفة حكمل بس لازم اختبر قدرات الجامعيين و كفايات دا الي فهمتو الله يسهل ويكتبلنا الخير يارب

خذي دورات قد ماتقدرين أو تدربي إشغلي نفسك لأن لسه باقي كثير على التقديم و الدراسة

القدرات مايبونه كليتنا بس الكفايات مطلوب

المشاركة الأصلية كتبت بواسطة حنان 90 فين مكتوب 3 سنين ؟ هنا الشروط و ايش يقصدون ب بكالوريوس لحملة البكالوريوس < يعني ندرس 4 سنين ثانية ؟

نتكلم عن شيء ثاني مو نفس اللي أنتِ جايبته

ايوا بس مو 4 سنوات للطب 5 سنوات و نصف

و التمريض 3 سنوات أظن