إختبار الكيمياء الصهيوني : ) .

[Yasmina95]

بس المفروض الموضوع ماينسكت عنه !!
والله درجة بتفرق معانا كثييييير !!!!!!!!!!!

انا والله حليت كله صح لكن الخيارات مافي الأجوبة او مكررة

دحين مافي غير اننا ندعي ربنا في ايام الحج يمكن يحطوا بونس او يسووا كويز على 5 درجات يعوضنا اللي فات :$

مايصير نجلس وما نسوي شيء!!!!

[سام2022]

المشاركة الأصلية كتبت بواسطة a.a.y السَلام عليكم ورحمة الله وبركاته .. اليوم كان موعد إختبار الكيمياء, وكنت أتوقع يكون اختبار واضح وسهل .. لكن المفاجأة إن الإختبار كانت أفكاره كثيرة, وحل السؤال الواحد يحتاج لوقت أطول من المُعتاد .. ويمكن أجمل كل شيء في ثلاث نقاط : - بعض الأسئلة ما كان لها جواب ( على الأقل من خلال حلي لها ) . - الوقت كان قليل على نوعية الأسئلة الموجودة في الورقة . - نصيحة أخوية لـ طلاب خطة أ : إذا جاك صالح الجعيد كـ دكتور لك في مادة الكيمياء انقل, اشرد, هج .. الله يهديه بس : ( .

كلام مو صحيح انه بعض الاسئله مالها جواب احنا كطلاب كانت الاجاببات موجوده بس انه تطلع لك بالاله رقم ومكتوب بورقه الاختبار بطريقة ثانيه بأس مثلا ,, وهو نفس العدد تققدر تطلعه
بخصوص الدكتور انصحك اخوي انك تحول للعنقري مره ممتاز انا عنده والحمدلله كان الاختبار سهل بالنسبة لطلابه مايخلي شي ومايشرحه تحياتي

[حيــــــاة]

^^
هذا انتو .. طبيعي دام الاختبار ورقي تكون الاساله والاجوبة صحيحة ولو كان فيها خطأ تتعدل بما انها فقط 4 نماذج ..
بس المصيبة عندنا احنا o_O
حاطيين للنظام حوالي 1000سؤال وكل وحدة اسالتها شكل والف مره ومره نحسب النواج ماتطلع ..
مع العلم ان الاختبار ابد ماكان صعب كان عااادي جداااا زي ماذاكرنا يعني المسائل مباشرة والتطبيق مباشر وبدون اي لفات بس وين الاجوبه !!
في السماء -__-
والمضحك في الموضوع ان صحبتي طلبت الدكتورة واعطتها الاله تحسب وفعلا ماطلع لها الناتج جات تقولها خلاص اختاري اي شيئ !!
قالت لها طيب لو انحسبت لي خطا .. ردت تقولها " طيب اعملك ايه " o_O o_O o_O
والله كذا كثير ياجماعه شيئ يبكي :'(

بالنسبة للنواتج كلها نختارها تقريبيه .. اقرب عدد طلع لي اختاره الي يقاربه في الخيارات ..
قربنا لمنزله ومنزلتين وعشرة .. استعملت النواتج كامله ومايطلع
يعني ابى افهم هم حطوا الاساله وكسلوا يحلوها ولا ايش وضعهم !!

والشيئ الاخير الوفت لم خلوه بس ساعه ونص .. بحجة انه الكتروني .. طيب سعني الاختبار الالكتروني يحل نفسه ولا كيف !!
على اساس المسائل تحل نفسها .. مو كافي اننا بننقل الارقام وحول وهبل ><
طلبت مسودتين لاحل وماكفتني !

..
اااه .. مافي شيئ يشفع للامتحان غير انه اخر يوم .. لانه جد لو كان هذا الشيئ من البداية مدري كيف بنكمل الباقي ..

على كل الي صار مدري ليه متامله مره بالدرجه ومتحمسة اعرفها :-V :-V مدري اش دا الشعور هههههه


في كل الاحوال ربنا مابيضيع لنا تعب وبيكرمنا بالدرجات الزينة ..

بعد القرقره دي كلها لسى ارتحت من الهم الي سببه لي >< .. وعذرا ياصاحب الموضوع : )

[أسرار سامي♥]

السلام عليكم
جِد تتكلمُون عَن اختبار الكِيمياء
أذكر اختبار الكيمياء كلنا نطلع و الضحكه على وجهنآ :)
مِين منسقة الماده هالسنه ؟ د.اكرام دانش ولآ تِغيرت ؟
اِذا فعلاُ فِي أسئله مالها أجوبه " مو تكون بالتقريب تلقي الناتج"
لآ تسكتوا أبداً اذا كلكم وقفتوا سوى وطالبتوا بحقوقكم بيسون شي
اما يعطوكم بونس ويسهولكم اختباركم الثاني
"نفس ماسار مع دفعتنا في اختبار الفيزياء ماسكتوا راحوا وطالبوا واتكلموا كلهم وٌ أعطوهم بونس و سهلوا لهم الاختبار النهائِي"
فأنا أقلكم اجتمعوا كم بِنت وروحوا عند د.اكرام دانش " حبيبت قلبي"
وٌ اشرحوا لها ايش سار في الاختبار وتفاهموا معاها
و الله ولي التوفيق

[بنوتة كيووووووت]

بذات سؤال اوجدي حصيلة التفاعل كل الدفعة ما طلع لها حل
وكنت اكلم الدكتورة تقولي طريقة حلك صح بس ارجعي امكن شي عندك خطاء
مرررا ينرفزوا

[رووزانا]

حسسسسسبنا الله فيهم و الله قلبي يتألم


لقيت سؤالين خطأ هذا اللي عرفته والله خلص الوقت و أنا ما رجعت قريت الأسئلة بالقوووة كفااني الوقت

المشكلة يدونك أوراق و توقيعات و خرابيط و كأن الوقت يكفي .

طيب انتظروا للنهاية و أعطونا .


مررررا الدوري الآول سئئئئ بكل ما تحمله الكلمة من معنى

[hno_93]

المشاركة الأصلية كتبت بواسطة أسرار سامي♥ السلام عليكم جِد تتكلمُون عَن اختبار الكِيمياء أذكر اختبار الكيمياء كلنا نطلع و الضحكه على وجهنآ :) مِين منسقة الماده هالسنه ؟ د.اكرام دانش ولآ تِغيرت ؟ اِذا فعلاُ فِي أسئله مالها أجوبه " مو تكون بالتقريب تلقي الناتج" لآ تسكتوا أبداً اذا كلكم وقفتوا سوى وطالبتوا بحقوقكم بيسون شي اما يعطوكم بونس ويسهولكم اختباركم الثاني "نفس ماسار مع دفعتنا في اختبار الفيزياء ماسكتوا راحوا وطالبوا واتكلموا كلهم وٌ أعطوهم بونس و سهلوا لهم الاختبار النهائِي" فأنا أقلكم اجتمعوا كم بِنت وروحوا عند د.اكرام دانش " حبيبت قلبي" وٌ اشرحوا لها ايش سار في الاختبار وتفاهموا معاها و الله ولي التوفيق

للأسف د/ اكرام دانش مو منسقة الماده هالسسنه :(

اتوقع انها د/ ليلى الحربي