اقدر ادخل طب ؟

[قاهر الاحزان]

المعدل ما يدخل في التسكين بما انكم تحضيري لكن تفرق معاكم النسبة الموزونه

بما معنى انو كلكم a+ لكن اللي جاب 99 مو زي اللي جاب 95 !! اللي جاب 99 تنحسب له زياده بالنسبة

انا دفعة 12 وعلى وقت دفعتي المنتدى هنا قلب نياح من خيبة الامل ! واولهم انا لاني كنت ابغا هندسة عامة لكني انقبلت هندسة تصاميم للاسف والان مرة مو مرتاح فيها وكاره عمري واتمنى احول للاداره والاقتصاد بس ما قدرت لانو معدلها 4 وهو اعلى معدل بين الكليات بالتحويل والحين عالق بكليتي لي سنه ونص و حسبي الله ونعم الوكيل وطبعا (دعواتكم احول بين الترمين)

لذلك من بدري شوفوا درجاتكم وعلى خبري عند البنات وقف الطب لدفعة 13 على نسبة موزونه 97 ! يعني المهمه مرة صعبه وفي بنات معدلاتهم 5 وما دخلوا طب !

لذلك من بدري شوفوا ايش يناسبكم وشوفوا النسب ولا تعلقوا امالكم وخليكم مستعدين لانكم ما تنقبلوا بالكليات اللي تبغوها !

اتذكر كان في بنت معي بالدفعه مرة متفائله وكانت محتاره كمان بين الصيدله وبين طب الاسنان ولقيت نفسها ادارة واقتصاد ! يعني ما حصلت ولا كلية طبيه ! فانتبهوووووووا

انا ما احطمكم بالعكس الله يوفقكم ويحقق لكم امانيكم لكن انا احذركم من انسان عايش التجربة وذاق مرارتها !

[Ahmed Khojah -14]

أولا/ هذا شرح مفصل لطريقة حساب المعدل الجامعي

نبدأ بشرح نظام النقاط ودرجاتها

من( 95-100 ) تحسب الوحدة الدراسية بـ 5 نقاط

من(90 -94 ) تحسب الوحدة الدراسية بـ 4.75 نقاط

من( 85-89 ) تحسب الوحدة الدراسية بـ 4.50 نقاط

من( 80-84 ) تحسب الوحدة الدراسية بـ 4 نقاط

من( 75-79 ) تحسب الوحدة الدراسية بـ 3.50 نقاط

من(70-74 ) تحسب الوحدة الدراسية بـ 3 نقاط

من( 65-69 ) تحسب الوحدة الدراسية بـ 2.50 نقاط

من(60-64 ) تحسب الوحدة الدراسية بنقطتين

f تحسب الوحدة الدراسية بنقطة واحدة

مثال :

مادة اللغة العربية مسجلة بـ 3 وحدات دراسية أي اقوم بضرب 3 بعدد النقاط الموجوده في الشرح علاه حسب درجتي

نفرض إنك حصلت على 80 في اللغة العربية فتيتم ضرب 3*4=12 نقاط

* يتم تجميع النقاط لكل المواد الحاصل عليها في جميع الفصول الدراسية وقسمتها على عدد الساعات المسجلة لحساب المعدل


ملاحظات من خلال شرح العملية الحسابية :

1-للرسوب تاثير سلبي على المعدل ولكن يخف هذا التأثير في حال الحصول على درجات مرتفعة في باقي المواد وعند النجاح في المادة الراسب فيها

2- تكتب درجتك ( المواد المتعثر فيها بعد دراستها والنجاح فيها) كما نجحت وليس فقط درجة النجاح (60) كما لا يحذف (f) من كشف الدرجات ويبقى حتى التخرج

3- سمي المعدل تراكميا لان نتائج المواد المسجلة تتراكم مع بعضها من اول ترم حتى اخر ترم في الدراسة وتأثيرها يبقى في المعدل ايجابيا او سلبيا

4- الفصل الصيفي مثله مثل أي فصل دراسي

[A.A.Y]

ما فيه معلومة واضحة يمكن الإعتماد عليها في مسألة هل سـ تدخل هذا التخصص أو ذاك ..

كل دفعة لها نسبة خاصة فيها مبنية على مستوى الدفعة بـ الكامل, وكل واحد وحظّه في دفعته ..


الشيء المُهم هو أنك دائمًا تضع في ذهنك إنك لازم تبذل كل جهدك في جميع المواد, و ما تنقص عن 95 درجة في كل مادة ..

وأيضًا دائمًا ضع خطة ثانوية في حال اختيارك للتخصصات ؛ لأنه إحتمال ما تقبل في الرغبة الأولى أو الثانية أو الثالثة .. اختر بـ حكمة .

[Nr.Rano]

على حسب مستوى الدفعه و كمان عدد الطلاب اللي حينقبلو ف الكلية ، المهم 85 و فوق تدخّل ف الكليات الطبيه ،
الله يسهللك

[Amal Bakhsh]

حبيبتي positive

حاولي تشدي حيلك قد ما تقدري..لو نقصتي درجة درجتين ابدا لا تزعلي ولا تخلي دا الشي يأثر عليكي..زي ما قالوا اللي قبلي..حاولي ما تنقصي عن 5 درجات..ولا قدر الله اذا نزلتي عنها شوية لا تقلقي..لأنه التسكين يعتمد على شطارة الدفعة..

ترى السنة التحضيرية جدا جدا حلوة..يمكن ما تقولي عنها كده دحين..بس لمن تتخصي راح تشتاقيلها من جد.. ف استمتعي وانتي بتذاكري فيها

وبالتوفيق :)

[lolaaa22]

طيب انا هل يمديني ادخل طب جبت في الاحصاء 23 والكيمياء 20 والاحياء 28 والانقلش لقل 3 جبت 95

[m7md1415]

انا جبت في الانجلش لفل 3 .. 89
والاحصاء 24
بعدها فقدت الامل خلاص :d

[l.f]

لا تفقدو الآمل خليكم متفائلين واجتهدووو وربي يكتب لكم اللي في الخيرر
بالنسبه للبنات لازم تحرصو ع كل درجه المنافسه قوووويه
بكلمكم من تجربه :)

[ذكريات22]

السلام عليكم ورحمه الله

ابغاء اسال متي التخصص حق التحضيري كنت محمله انجليزي ونجحت فيه كنت مسكنه من العام يحتاج اسوي تسكين ثاني متي تسكين راح يكون

[طارق النزاوي]

طموحكم عالي يحتاج صبر واستمتاع في الحياة والدراسة اذا الهدف راسموا لا تسقط من اول مرة عادي ارجع اعيد التحضيري او ااجل ترم بس انت لازم تكون غير وقد ذا الشيء .. مو لازم اذا عدت سنة ماعناتوا انت فاشل فيه كثير حيضحكوا عليك ويقوقولك ي عمي انت اهبل او انتي هبلة بس اذا اوصلت لطموحك حيجوك وحيعتبروك قدوة ... عيش حياتك ي عمي ولا تعيش على طريق رسموا غيرك او مع الخيل ي شقراء اذا قلت انا حسوي بس اذا ماجاء حروح لذاء كذا غلط او بروح للطب عشان الفلوس بس حتشقاء في الدراسة وتكره عيشتك .. استمتع في كل الاحوال وطموحك ونفسك خليها تطير في السماء عشان توصل خارج حدود اللي تتمناها