نزلت لي مادة بحث وتدريب لكن ................

[أسيرة الجرح]

السلام عليكم ورحمه الله وبركاته ..
اخواتي اليوم تفاجات انهم نزلوو واخيرا مادة بحث وتدريب لكن بدون اسم استاذه كييييف كذا
من كمان زي واش اعمل بالله حسبي الله اش ذا اسبوعين رايحين جاي وبالاخير نزلت بدون استاذه كيف بدا كذا
ياليييت تقولو لي اش اعمل لاني مررره وصلت حدي وشكرا لكم جمعيا

[اقلاع اتحادي]

وعليكم السلام

احيانا الحذف والاضافة مايبين أسم الاستاذه او الاستاذ


جربي ادخلي للجدول الدراسي ممكن يكون اسم الاستاذه موجود

[لين والين]

نفس المشكله مو عارفين كيف نتصرف معاهم الترم راح واحنا نستنى البحث

[هـد الليل وء]

حتى انا نزلتي المادة بدون استاذة الله يعين ويصبرنا

[وااي]

وانا كمان لي شهر نزلتلي المادة بدون اسم استاذة
حسبي الله ونعم الوكيل م في وقت ابد

[زهرة الامل]

وانا كمان زيكم بروح الجامعة الاربعاء بس ماني عارفة فين اسال ياليت اللي تعرف تقول لي

[لين والين]

صبايا لو فيه وحده تقدر تروح وتسال اش سالفتهم بتكسب فينا اجر لانو الاغلبيه برا جده

[طموحي الامتياز]

حبيباتي لا تقلقوا
صحبتي نفس الشي وسألت بالجامعه قالو فتحت شعب بدون استاذات لانه مالقيوا احد يمسك الماده
بمجرد مانلاقي استاذه بنزله لكم

الله يعينكم ويوفقكم يارب (: