مبآني الفيصليه ..!

[بوارق الامل]

السلآم عليكم جميعآ ..
حآبه اسآلكم عن مبنى العلوم فرع الفيصليه .. لاني اليوم رحت وضيّعت ..
اول شي شوفوآ المباني اللي جدولي ..
المبنى .... الغرفه
303a.....05d
303a.....05b
211a.....05a
103a.....01d
سؤالي انا لما سالت وحده قالت .. لايهمك الحرف اللي مع المبنى .. الحرف المهم هو اللي مع الغرفه لانه يدلك ع الجنآح .. ولما رحت وشفت .. لقيت زي ما قالت بسس .. في غرف ثانيه نفس الاسم .. بس مكتوب الحرف مع رقم المبنى .. >>> ادري اني ما اعرف اششرح
بس باعطيكم مثآل
انا لقيت غرفه 303aومكتوب جنبهآ 05 بسس ما انتبهت للحرف اللي معاه .. المهم لما درت كمان في المبنى لقيت غرفه ثانيه نفس الرقم .. بس رمز الحرف اللي مع رقم 05 متغيّييير .. يعني وش الحل .. !!
وفين القى مبنى رقم واحد .. يعني فين موقعه عن مبنى العلوم !!
اجيبوآ على استفساااري كرمآ لآ أمرآ ..

[مَيسمْ]

_

وعليكم السلام ..
الرقم 5 يدل على مبنى العلمي وحرف a يدل على السكشن اللي فالدور يعين في الدور الوآحد 4 سكآشن a & b & c & d بعطيك مثال ..
05d ..... 202c
الحرف اللي مع الرقم 5 مآ عليك منو
بالبدآية تروحي مبنى العلمي لآنو رقم 5
وبعدين تطلعي الدور الثاني لآنو الغرفة ف 202 لو 302 تروحي الدور الثآلث
وبعدين تروحي سكشن a تلقين الحرف مكتوب فوق كل باب وبعدين تدوري الكلاس ومبنى رقم 1 إذآ كآنت المآدة عربي أو ثقآفة فحيكون مبنى المدرجآت أسألي عنه ومآرآح تضيعي .

موفقة

[شوقرهـ]

05

مبنى العلوم . ماليكي بالحرف اللي مع رقم القاعة اهم شي الحرف اللي بعد 05
والسكاشن بكل دور تجيكي بعد رقم المبنى ( ABCD )
الدور الاول رقم القاعات ب 100
الدور الثاني رقم القاعة ب 200
الدور الثالث رقم القاعة ب 300

01

مبنى الاداب يوجد فيه ثلاث سكاشن ( ABC )
والسكشن D مبنى المدرجات للدراسات الاسلامية


بالنسبة لجدولك ي حلوة

303a.....05d = مبنى العلوم الدور الثالث سكشن D
303a.....05b = مبنى العلوم الدور الثالث سكشن B
211a.....05a = مبنى العلوم الدور الثاني سكشن A
103a.....01d = مبنى المدرجات اتوقع مدرج رقم 3

[سحابة صيف ،]

^


الله يسعدكم حبابيبي و يوفقكم ، مره ساعدتونا
حتى أنا كنت حايسة :(

بس بسأل الفيصلية مبنيين ؟ مبنى العلوم و مبنى الإدآب ؟

+ بوارق الأمل أنا يبغالي أتعرف عليكي بس أحتياطًا ما بتسرع لانو
بداوم و ما بألقى إلا أنا و إنتي بالكلاسات ندرس فيزياء ههههههههه :d

[$chocolate$]

اكتر من مبنيين

في مباني المعامل ومباني الحاسب لسسا جديدة

ومبنى العلوم ومبنى اﻷداب ومبنى المدرجاتا

[بشاير أ]

بنات انا في كلية الفيصليه عندي محاضرة
في مبنى 05bغرفة 311a
ومحاضرة في مبنى 05dغرفة 307a
ايش اسم البوابة اللي ادخل منها من الشارع بـ الضبط لاني بحياتي ماقد دخلت ذي الجامعة واخاف تفوتني المحاضرات
عندي فيها صيفي وابغى اعرف بالتفصيل من وين ادخل لها وكل شي عن المباني اللي انا فيها
الله يسعدكم اتمنى احصل منكم رد في اقرب وقتآ ممكن..

[طُهرٌ أنَا..]

شوفي عزيزتي ، محاضراتك كلها بمبنى واحد اللي هو 5
المبنى مقسّم من داخل عدة اقسام A, B , C , D
يعني تدخلي المبنى تدوّري السكشن "القسم" اللي تدرسي حسب الرمز في جدولك
الرمز المهم في الجدول هو اللي جنب رقم المبنى
الرمز اللي جنب رقم الكلاس تجاهليه تماما كأنه مش موجود مش مهم اصلا
أول رقم من رقم الغرفة يدلّك على رقم الدور اللي فيه كلاسك

يعني لو عندك رقم الكلاس 102حيكون في الدور الأول
لو كان 211 حيكون الدور الثاني
لو كان 308 حيكون الدور الثالث
يعني لو بدأ رقم الكلاس ب 3 معناته قسمك و كلاسك في الدور الثالث
محاضراتك حاليا كلها في نفس المبنى اللي هو 5
في الدور الثالث
وحده في سكشن b كلاس 311
و الثانية في سكشن d كلاس 307

بالنسبة البوابة ادخلي من اي بوابة تعجبك
كل البوابات تدخلك ع المبنى
لكن عموما هي بوابتين
بوابة2 للأدبي
بوابة 3 للعلمي
ادخلي من اي وحده محد بيسألك
المبنى مميز اول مبنى يقابلك بوجهك و هو اكبر مبنى في الكلية

و خليك لابسة عبايتك او البسي لاب كوت "البالطو الأبيض" تبع المعامل لو كنتي لابسة بنطلون لأن ممنوع تمشي في الكلية كذا بدون لاب كوت
لو لابسة تنورة عادي ما عليك مش لازم لاب كوت

وبالتوفيق ، و اعتذر ع الإطالة