بالنسبة للصيفي..

[اوراق ملونة]

السلام عليكم ورحمة الله وبركاته




ياجماعة الخير استفساري بخصوص الصيفي

هذي المره الاولى اللي اخذ صيفي ومتخوفه شويه من الموضوع خصوصا المواد اللي منزلتها كلها تخصص

رايكم يهمني في المواد انا نزلت

محاسبة مالية
وزكوية
زائد كيميا لان متطلب اني ادرس كيميا او فيزيا

فكيف تشوفو المواد صعبه على صيفي ولا؟؟
وسؤال الكيميا اسهل كمنهج واسئلة او الفيزيا, نصحوني الشؤون اخذها بداية الترم لان بيكون مع اللي زيي يعني مو مع تحضيري العلمي وبيكون مخفف المنهج علينا .بس انا حابه اخلص منها وحاخذها مع التحضيري العلمي اللي حملو المنهج في المدة القصيرة مدة الصيفي زائد اني متاخره وفاضيلي لسا مواد

وكل الشكر لكم

[دحـggم]

وعليكم السلام ورحمة الله وبركاته

دسم جدولك ماشاء الله ، لكن اذا تشوفين نفسك قدها كملي

المحاسبة المالية ممتعة تتكلم عن دمج الشركات و اتحادهم او سيطرة شركه و ترجمة القوائم المالية .. اتوقع اكثر مادة يبغالها تركيز في جدولك ذا

المحاسبة الزكوية و الضريبيه سهله جداً ان شاء الله ، شغلات اذا حفظتيها حتعرفين تجاوبين .. فيها نظري و عملي لكن النظري اكثر

الكيمياء مدري عنها ، انا اخذت فيزياء لانها اسهل بالنسبة لي

مع انه لو تبغين نصيحتي اتركِ الكيمياء لترم عادي و خذي لك مادة حره سهله

ترفع لك المعدل وان صار لا قدر الله وجبتي العيد بمادة فوق تمسك المعدل الحره ذي

لكن لو مضطره للكيماء او الفيزياء ف خليها زي ماهي احسن

بالتوفيق

[اوراق ملونة]

والله الحيره موجوده للان الواحد يخاف يمشي ويخلص تجي بداية السنه الدراسيه ان شاء الله يلقى نفسه منتهي حماسه وماشي بالقوهولسه وراه عام كامل بإذن الله والمشكله اللي باقيلي المواد الدسمه

كل الشكر لك اخ دحوم على اافادتي جزاك الله خيرا