سنة رابع ؟

[B000B000]

السلام عليكم
كيفكم ؟ و كل عام و أنتوا بخير
حابه اسأل عن سنة رابع السمستر الاول
كيف الوضع ؟ و الكتب ؟ و من فين ذاكرتوا ؟ و كدا يعني ...
يعطيكم العافية يارب

[بشائر الفرح =)]

حقيقي كتبت كلام كثير واتمسح فجاءه :/
الله المستعان بس
استني عليا أكتبه ثاني

[B000B000]

😭😭😭😭ليش اتمسح ، مرة حابة اعرف
يعطيكي العافية بشورة
في انتظارك ان شاء الله

[T U R k i]

بغض النظر عن عدد المواد في سنة رابع ..اهم شي ترم الكلينكل سكلز واهم شي تطلعي فيه من سنة رابع كيف تاخذي هيستوري وتسوي اكزامينيشن ..طبعا المصدر كتاب تيلي ذاكري منه كويس واتفرجي مقاطع فيديو للكزامينيشن ..

[B000B000]

مررة شكرا ، يعطيك العافية أخ تركي
انا عارفة ايش المواد بس حبيت اعرف ايش المصادر الكويسة و كدا يعني

[بشائر الفرح =)]

طيب يا دكتوره



المراجع على حسب الخطه

لو حتبدأي كميونتي ( طب المجتمع ) :

مذاكرة الكميونتي كانت من الملازم والشيتات اللي بيعطونا هيا الدكاتره ماتحتاج كتاب معين

أوفثالمو والإي إن تي ( عيون وأنف وأذن )

العيون كان له كتاب مبسط وحلو ينفع للفهم والتثبيت وكان له كمان شيت كلهم كان بيكملوا بعض وكفايه للإختبار بس الشيت ترجعيله قبل الإختبار مره يرتب لك أفكارك هو والمحاضرات

الأنف والأذن : في كتاب كمان مبسط وهو المعتند ف المذاكره ووقت الإختبار من تأليف رئيس القسم ومرررره جمييل يعني ماتحتاجي غيره

فورنسك و إثيكس ( طب جنائي , أخلاقيات مهنه )

الطب الجنائي : من شيتات الدكتور ما تحتاج كتاب
أخلاقيات المهمنه : من المحاضرات ماتحتاج كتاب

راديولوجي ولابوراتوري ( أشعه ومختبرات )

الأشعه : المحاضرات تكفي لو إنتريستنق ف الراديو تقدري تستعيري كتب من المكتبه وتستفيدي أكثر
المختبرات
عباره عن ثلاث مواد مع بعض
كلينكال بايوكمستري (كيمياء حيوي إكلينكي ) : هذا إختلف فيه العلماء ولكن أنصحك تذاكري من كتاب إسمه كلينكال بايوكمستري كويس والمحاضرات تكمل بس ماتكفي
هيماتولوجي ( علم الدم) : من المحاضرات وكمان في كتيب صغير له ممكن يفيدك ف ترتيب المعلومات عن نفسي ما رجعت له كثير بس كثير قالوا إنو ممتاز وفي تيكست بوك أحلى وأحلى للهيماتولوجي اسمه اسنشيال هيماتولوجي
أميون ( علم المناعه ): مره سهل والشيتات مره كفايه أصلاً كله كلمتين


لو حتبدأي ميدسن وسيرجري :

الميدسن ( الباطنه )
في كتب كثير

للفهم : ديفيدسون أو كومار
للمذاكره : دانيش
للهيستوري والكلينكال إكزامنيشن : تيلي و شير
بالإضافه للمحاضرات

سيرجري ( الجراحه )
كمان في كتب كثير

للفهم : كتاب كرنت بالإضافه لملزمة العمده ( تلم المعلومات وترتبها )
للكلينكال إكزامنيشن والهستوري : براوز المرجع الأساسي أو القحطاني ( القحطاني ملخص أكثر من براوز ومركز ع الأشياء المهمه ) ف إختاري اللي يعجبك
بالإضافه للمحاضرات

هذي المراجع اللي أفتكرها حالياً بإختصار شديد
وإن شاء الله لي وقفه مع سنه رابع كامله ف موضوع لحاله

بالتوفيق
وسامحيني تأخرت عليكي