ادخلوا ... ساعدوني الله يخليكم

[الشيمآء]

لا تكنسلي أيض 2،
ح تتعطلي كتير لو حذفتيها،
لإنه أيض 2 تفتح تنظيم، وتنظيم تفتح طبية ..

أضيفي أيض على جدولك يسير تمام، موفقة.

[رشة امل]

حتى اذا مع اعتماد ؟ مافي غيرها نازل وابا اخذ احياء 202 كمان

[الشيمآء]

ايوه، غالبًا ما يمسك المادة غير د.اعتماد
وكويس جدولك كده: أيض 2 + أحياء 202 + تغذية + غير عضوية + ثقافة + عربي
17 ساعة متوازنة .

[وسام الامان]

المشاركة الأصلية كتبت بواسطة رشة امل السلام عليكم ورحمة الله .... بنات كيفكم ان شاء الله بخير واجازة سعيدة بنات انا درست التحضيري ف السليمانية واخذت صيفي وحولوني للفيصلية ودرست سنة وطبعا اضطريت ارجع للسليمانية للمواصلات وكدا ... المهم دحين رجعت للسليمانية وماعندي اي فكرة عن الاساتذة ف الله يساعدكم ويفتحها عليكم دنيا واخرة ساعدوني بأفضل الاستاذات ورايكم فيهم؟ نظام كل استاذة والكتب وكدا .. دحين انا مااخذت لا احياء ولا كيمياء 202 ومستوى خامس دحين , الكيمياء من الفيصلية قالولي صعبة جدا سيبيها للتخرج خديها وسجلت : ايض 2 مع اعتماد حسن حويت / احياء 202 مع منال عبداللطيف شفي / وكيمياء حيوية تغذية مع مديحة سليمان الصيني / وعربي وثقافة 2 مو مكتوب مين استاذاتهم سارت 15 ساعة وافكر ازود مادة اختيارية سهلة بس كل ماضفت مادة كان متطلبها ( احياء دقيقة ) عشان اكمل 18 ساعة ف جداا حيرانة كدا كفاية ولا اكمل 18 ؟ وكويسة المواد مع الاستاذات دول ولا ؟ بليييز ساعدوا اختكم والله حيرانة وخاييفة مرررررررة .. والله يوفق اللي تساعدني ويفتحها بوجهها يارب

الله يوفقك
1-ايض 2
خذيه مع كريمة السيد لو في امكانية شرحها روعة ومفهوم لكن لازم لك تجتهدي لانها تحط امتحان متعوب عليه
2- احياء 202
برضو لو في امكانية احسن تاخذيه مع حنان الشاذلي ماشاءالله جدا رائعة وتفهمي الشرح علطوول والمادة سهلة تتكلم عن الاجهزة بجسم الانسان
3- تغذية
الوحيدة اللي تعطيها مديحة الصيني ,صح شرحها عادي جدا لكن المادة روعة وحلوة تقدري تقرأيها في البيت واضمني في الامتحان درجات عالية والدكتورة صراحة تراعي وطيبة
4- عربي وثقافة 2
عاد هذي تسسهل منها مافي اسهل من المستوى الاول فيعني خذيها لو مع اي استاذة

لو حبيت تزوددي خذي مادة اختيارية
سرطانية مع د.ارشنا جداا رووعة واختبارتها سهلة او :
مصطلحات مع سوسن عبدالرحيم , مررة حلوة المادة والدكتورة ماشاءالله شااطرة وتفهم لكن التزمي بالحضور ف وقت المحاضرة والتزمي الهدوء وشاركي معها لانها تحب تسال ,المادة مررة حلوة ومهمة لان صراحة المفروض يخلوها مادة اساسية لان فيها مصطلحات بتمر علينا كتير في القسم
كذا صار عندك 17 ساعة حلووو
لو حبيت تميها 18 ساعة خذي حاسوبية مع د.خديجة بالعمش مرررة طيبة والمادة حلوة لو انك تحبي الحاسوب وبصراحة تفيدك في كتابة بحث التخرج مستقبلا ان شاءالله

موفقة لك تحياتي

اللهم صل وسلم على الحبيب

[وسام الامان]

طيب انا من المستوى الرابع اخذت كيميا 202 واحيا وعديتهم الحمدلله
انت مادام نزلت جدولك كذا والجدول اللي عملت لك هو في الرد اللي قبل خلاص يكفيك
فيصير خليهم على الترم الجاي احسن وربي ييسر لك
كيمياء 202 خذيه مع د.ايمان حجازي مررة رائعة
ومعمل احياء عامة سهل جدااا

اللهم صل وسلم على الحبيب